SAN MARCOS 14:72 - Hua̱ xasa̱sti talacca̱xlan quinTla̱tican Jesucristo

⁷² Acxni̱ káxmatli̱ pi̱ tásalh xli̱maktuy pu̱yu̱, xlá̱ lacapá̱stacli̱ hua̱ntu̱ xuanini̱t Jesús: “Acxni̱ ni̱ a̱tasay nahuán xli̱maktuy pu̱yu̱, huix maktututá̱ huani̱ta nahuán pi̱ ni̱ quilakapasa.” Pedro luhua xli̱ca̱na̱ li̱puhua̱ acxni̱ lacapa̱stacko̱lh pi̱ xli̱ca̱na̱ kantáxtulh hua̱ntu̱ xuanini̱t Jesús, chu̱ tzúculh tasay.

SAN MARCOS 14:72 ပူးပေါင်းရင်းမြစ်များ

SAN MATEO 26:34

Jesús kálhti̱lh: —Pedro, ni̱ pala tzinú̱ catzi̱ya̱ hua̱ntu̱ huix quilhuámpa̱t, sa̱mpi̱ quit lacatancs cuaniyá̱n pi̱ huatiya̱ yuma̱ tzi̱sní, acxni̱ ni̱ a̱tasay nahuán pu̱yu̱ huix aya xli̱maktutu̱ huani̱ta nahuán pi̱ ni̱ quilakapasa.

SAN MARCOS 14:30

Hua̱mpi̱ Jesús huánilh: —Luhua xli̱ca̱na̱ tu̱ cuaniyá̱n, pi̱ huix chiyú̱ yuma̱ ca̱tzi̱sní, acxni̱ ni̱ a̱tasay nahuán xli̱maktuy pu̱yu̱, maktututá̱ huani̱ta nahuán pi̱ ni̱ quilakapasa.

SAN MARCOS 14:68

Pedro ni̱ li̱tá̱yalh, kalhtátze̱kli, chu̱ kálhti̱lh: —Ni̱ quit, ni̱ clakapasa̱ tama̱ chixcú̱ hua̱nti̱ huix huanípa̱t. Táxtulh quilhtí̱n anta̱ni̱ lactanu̱cán c-xli̱pacan chiqui, acxnitiyá̱ tásalh tantum pu̱yu̱.

SAN MARCOS 14:71

Cha̱nchu̱ xlá̱ tzúculh li̱aklhu̱hua̱tnán, chu̱ li̱quilhán Dios pi̱ xli̱ca̱na̱ tu̱ xkalhti̱nama̱, chu̱ huanipalako̱lh: —Lacatancs cca̱huaniyá̱n pi̱ ni̱ clakapasa̱ quit tama̱ chixcú, chu̱ hasta ni̱ ccatzi̱y xatí̱ li̱chihui̱nampá̱tit.

SAN LUCAS 22:60

Cha̱nchu̱ Pedro tuncán kálhti̱lh: —Hua̱mpi̱ xli̱ca̱na̱ cuaniyá̱n pi̱ ni̱ pala tzinú̱ ccatzi̱y hua̱ntu̱ li̱chihui̱námpa̱t. Acxnitiya̱ a̱má̱, acxni̱ Pedro xchihui̱namajcú, tásalh tantum pu̱yu̱.

SAN LUCAS 22:62

Pedro lacapala̱ táxtulh c-quilhtí̱n, chu̱ caj cha̱li̱puhua̱na̱ antá̱ tzúculh tasay.

2 CORINTIOS 7:10

Sa̱mpi̱ yama̱ tali̱puhuá̱n xpa̱lacata tala̱kalhí̱n hua̱ntu̱ Dios lakati̱y napa̱ti̱ya̱hu, xli̱ca̱na̱ quinca̱makta̱yayá̱n nalakpali̱ya̱hu xali̱xcajnit quintalacapa̱stacnicán c-xlacatí̱n laqui̱mpi̱ xlá̱ tla̱n naquinca̱ma̱tzanka̱naniyá̱n, chu̱ naquinca̱ma̱xqui̱yá̱n laktáxtut. Hua̱mpi̱ hua̱nti̱ caj li̱huacá̱ tzucuko̱y li̱li̱puhuanko̱y hua̱ntu̱ u̱nú̱ xala ca̱tuxá̱huat xli̱ca̱na̱ pi̱ naaktzanka̱ta̱yako̱y, sa̱mpi̱ ni̱ ma̱lakaspitya̱huaniko̱y xtala̱kalhi̱ncán hua̱ntu̱ tlahuako̱ni̱t c-xlacati̱n Dios.