SAN LUCAS 1:51 - Hua̱ xasa̱sti talacca̱xlan quinTla̱tican Jesucristo

⁵¹ Ma̱siyuni̱t la̱ntla̱ tlanca̱ xlacatzúcut acxni̱ makatlajako̱lh, chu̱ ma̱actzuhui̱ko̱lh hua̱nti̱ lactlanca, chu̱ lactali̱pa̱hu xli̱taxtuputunko̱y.

SAN LUCAS 1:51 ပူးပေါင်းရင်းမြစ်များ

ROMANOS 1:21

Sa̱mpi̱ xlacán tancs xcatzi̱ko̱y pi̱ xlama̱ Dios, hua̱mpi̱ ma̱squi xcatzi̱ko̱y ni̱ pala tzinú̱ xlakachixcuhui̱putunko̱y la̱ xDioscán, na̱ ni̱ pala xpa̱xcatcatzi̱niko̱y xli̱pacs li̱tlá̱n hua̱ntu̱ xlá̱ xtlahuaniko̱ni̱t, huata caj catu̱huá̱ hua̱ntu̱ ni̱ mini̱niy tzucuko̱lh li̱tzaksako̱y. Luhua lactali̱pa̱hu, chu̱ acastacá̱n, usu lakskalalán xmaklhcatzi̱ko̱cán, hua̱mpi̱ yama̱ xli̱tu̱ntujcán hua̱ntu̱ xtlahuako̱y ma̱siyuy la̱ntla̱ ta̱kskahuiko̱ni̱t, chu̱ la̱ntla̱ c-xalakaca̱pucsua latáma̱t li̱lama̱kó̱.

2 CORINTIOS 10:5

chu̱ xli̱pacs yamá̱ hua̱nti̱ ankalhí̱n putzama̱kó̱ pi̱ ni̱ nali̱pa̱huancán, chu̱ ni̱ nalakapascán Dios, cmakaca̱najlako̱ya̱hu laqui̱mpi̱ naca̱najlako̱y hua̱ntu̱ xtalulóktat, chu̱ xma̱n hua̱ Cristo nali̱pa̱huanko̱y, chu̱ nakalhakaxmatko̱y hua̱ntu̱ nali̱ma̱paksi̱ko̱y.

1 SAN PEDRO 5:5

Na̱ cca̱huaniyá̱n huixín lakkahuasán hua̱nti̱ li̱pa̱huaná̱tit Cristo, ni̱ caj cakalhakaxpatmakántit hua̱ntu̱ li̱ma̱paksi̱nanko̱y hua̱nti̱ tlakaya le̱nko̱y ca̱ta; xa̱huá̱ acxtum cakalhí̱tit tasma̱lhuán cala̱li̱lakachixcuhuí̱tit cha̱tunu a̱makapitzí̱n, chu̱ niucxni̱ catlanca̱catzí̱tit sa̱mpi̱ c-Li̱kalhtahuaka̱ chuná̱ huan: “Dios ni̱ pala tzinú̱ ucxilhputunko̱y hua̱nti̱ tlancaj makcatzi̱ko̱cán, hua̱mpi̱ xlá̱ luhua lakalhamanko̱y yamá̱ hua̱nti̱ xalacsma̱lhuán, chu̱ makcatzi̱ko̱cán pi̱ ni̱tú̱ xlakasicán c-xlacatí̱n.”

APOCALIPSIS 18:8

Huachá̱ yumá̱ xpa̱lacata, huatiya̱ xma̱n aktum quilhtamacú̱ pu̱tum natahuilaniya̱chi̱ xli̱pacs xtapa̱tí̱n hua̱ntu̱ lakchá̱n napa̱ti̱nán: pu̱lana̱ nalakchín tatzíncstat, chu̱ tacatzanájuat, a̱li̱sta̱lh li̱ní̱n, chu̱ hasta pacs nalaclhcutama̱y c-lhcúya̱t. Sa̱mpi̱ tlanca xlacatzúcut yama̱ tali̱pa̱hu Dios hua̱nti̱ li̱lhca̱ni̱t pi̱ chuná̱ napa̱ti̱nán.”