LOS HECHOS 7:36 - Hua̱ xasa̱sti talacca̱xlan quinTla̱tican Jesucristo

³⁶ Moisés puxcu̱naniko̱lh israelitas laqui̱mpi̱ natza̱lako̱ya̱chá̱ c-Egipto, antá̱ xlá̱ tlahuachá̱ lactlanca li̱ca̱cni tascújut, chu̱ na̱ chuná̱ tláhualh c-ta̱kaya̱huaná huanicán Mar Rojo, huá̱ xpa̱lacata tla̱n li̱pa̱tacutko̱lh, chu̱ chuná̱ xta̱lapu̱lako̱y c-desierto ti̱puxam ca̱ta.

LOS HECHOS 7:36 ပူးပေါင်းရင်းမြစ်များ

SAN JUAN 4:48

Jesús chuná̱ huánilh: —Huixín ni̱ luhua quili̱pa̱huaná̱tit lapi̱ ni̱ pu̱lh naucxilhá̱tit aktum luhua li̱ca̱cni tascújut hua̱ntu̱ ctlahuay.

LOS HECHOS 13:18

Dios ni̱ akxtakmakanko̱lh ma̱squi lakachuní̱n xlacán ni̱ xkalhakaxmatputunko̱y hua̱ntu̱ xli̱ma̱paksi̱ko̱y, chu̱ chuná̱ maktakalhko̱lh, chu̱ ca̱ma̱hui̱ko̱lh ti̱puxam ca̱ta̱ la̱ntla̱ xlapu̱lako̱y c-desierto, chu̱ pacs tipa̱xuhua̱na̱le̱lh, ta̱pa̱ti̱ko̱lh hua̱ntu̱ ni̱tlá̱n xtlahuama̱kó̱.

LOS HECHOS 7:42

Huá̱ xpa̱lacata Dios li̱makali̱puhuanko̱lh, chu̱ talacapa̱nu̱niko̱lh, makaxtakko̱lh pi̱ huá̱ calakataquilhpu̱tako̱lh akatunu yama̱ li̱lhu̱hua̱ stacu̱ tu̱ anán c-akapú̱n. Yama̱ xamaka̱n profeta Amós títzokli̱ hua̱ntu̱ Dios tihuaniko̱lh yama̱ israelitas, xlá̱ chuná̱ titzóknu̱lh c-Li̱kalhtahuaka: ‘Koxutaní̱n huixín israelitas, ti̱puxam ca̱ta̱ la̱ntla̱ cca̱pu̱lalé̱n c-desierto, hua̱mpi̱, ¿ní̱ makli̱t xquili̱lakataquilhpu̱tátit pala lactzu̱ li̱makni̱t mintakalhi̱ncán?

HEBREOS 3:8

Ni̱ xalactzaca̱tna tihuaná̱tit c-minacu̱cán, chu̱ ni̱ caj catalhta̱ni̱nítit, chu̱ calacata̱qui̱naná̱tit, xta̱chuná̱ la̱ntla̱ xamaká̱n minatla̱tnacán caj lacata̱qui̱nanko̱lh, chu̱ titzúculh tatlanca̱ni̱ko̱y c-xlacati̱n Dios laqui̱mpi̱ namakasi̱tzi̱ko̱y, acxni̱ xlapu̱lako̱y anta̱ni̱ tzilí̱s ca̱huán c-desierto.

HEBREOS 3:9

Yama̱ xalakmaka̱n minatla̱tnacán, lhu̱hua hua̱ntu̱ tili̱tzaksako̱chá̱ caj tili̱ucxilhputunko̱lh lapi̱ xli̱ca̱na̱ kalhi̱y tlanca li̱tlihuaka, chu̱ hasta ta̱la̱tlahua̱ko̱lh ma̱squi aya xle̱ma̱ xli̱ti̱puxam ca̱ta̱ la̱ntla̱ xta̱lapu̱lako̱y, chu̱ lhu̱hua lactlanca li̱ca̱cni xtascújut xli̱ma̱lacahua̱ni̱ko̱ni̱t.

HEBREOS 8:9

Yuma̱ xasa̱sti talacca̱xlán hua̱ntu̱ nacta̱tlahuako̱y ni̱ hua̱ xta̱chuná̱ tu̱ ctili̱ta̱lacca̱xlako̱lh maká̱n xnatla̱tnacán acxni̱ quit cmakta̱yako̱lh, chu̱ ctamacaxtuko̱lh c-xtiyat Egipto. Sa̱mpi̱ ni̱ ma̱kantaxti̱putunko̱lh quintalacca̱xlán tu̱ cta̱tlahuako̱lh, huá̱ xpa̱lacata cli̱lakmakanko̱lh, nia̱lh cmakta̱yako̱lh.