HEBREOS 9:6 - Hua̱ xasa̱sti talacca̱xlan quinTla̱tican Jesucristo

⁶ Yuma̱ templo xla lháka̱t hua̱ntu̱ tima̱tlahuí̱nalh Dios, xuanicán tabernáculo, cha̱li̱ cha̱lí̱ xtanu̱ko̱y pa̱lijni̱ natlahuako̱y xtascujut c-pu̱lactum chiqui anta̱ni̱ xuanicán lacatum xasa̱ntujlani.

HEBREOS 9:6 ပူးပေါင်းရင်းမြစ်များ

ROMANOS 9:4

Xlacán li̱tapa̱cuhui̱ko̱y israelitas sa̱mpi̱ huá̱ tima̱lacatzuqui̱ko̱chá̱ yama̱ maka̱n tali̱pa̱hu chixcu xuanicán Israel, ma̱n Dios xlacsacko̱ni̱t laqui̱mpi̱ nali̱ma̱xtuko̱y la̱ntla̱ hua̱nti̱ luhua xlakskatá̱n, chu̱ lacatancs ma̱lacnu̱niko̱lh pi̱ niucxni̱ lhtuj namakaxtakko̱y. Cha̱nchu̱, xamaka̱n quilhtamacú̱, laqui̱mpi̱ nacatzi̱ko̱y pi̱ xlá̱ ankalhí̱n xta̱lama̱kó̱, ma̱ucxilhni̱ko̱lh tlanca xca̱cni̱ xta̱chuná̱ la̱ xkakánat hua̱ntu̱ napu̱lale̱nko̱y cani̱huá̱ anta̱ni̱ xlacán xlatapu̱li̱ko̱y c-desierto. Cha̱nchu̱ cumu xlacasquín pi̱ aksti̱tum nalakataquilhpu̱tako̱y naca̱cni̱naniko̱y huá̱ xpa̱lacata li̱ma̱xqui̱ko̱lh xatatzokni xli̱ma̱paksí̱n, chu̱ lhu̱hua̱ hua̱ntu̱ ma̱lacnu̱niko̱lh nama̱xqui̱ko̱y pala xlacán xli̱pacs xnacu̱cán nali̱pa̱huanko̱y.

HEBREOS 7:11

Huixín catzi̱yá̱tit pi̱ antá̱ c-xli̱ma̱paksí̱n hua̱ntu̱ a̱li̱sta̱lh ma̱xqui̱ko̱ca̱ israelitas, huan pi̱ Dios li̱ma̱paksí̱nalh pi̱ xli̱pacs pa̱lijni, hua̱nti̱ napa̱lacachihui̱nanko̱y tachixcuhuí̱tat c-xlacatí̱n, huá̱ xquilhtzúcut yama̱ xapu̱lh pa̱li̱ Leví nahuanko̱y. Hua̱mpi̱ lapi̱ caj xpa̱lacata xtascujutcan yuma̱ pa̱lijni hua̱nti̱ caj xni̱ti̱lhako̱y xli̱ca̱na̱ tancs tima̱xqui̱ko̱lh laktáxtut tachixcuhuí̱tat, pus Dios nia̱lh xtima̱lácnu̱lh pi̱ nalacsaca̱ a̱cha̱tum tlak tali̱pa̱hu xapuxcu pa̱li̱ hua̱nti̱ caxani̱li̱huayá̱ nalatama̱y xta̱chuná̱ la̱ntla̱ yama̱ xamaka̱n Melquisedec hua̱nti̱ xa̱li̱ankalhí̱n latáma̱lh.