HEBREOS 7:8 - Hua̱ xasa̱sti talacca̱xlan quinTla̱tican Jesucristo

⁸ La̱ ca̱la̱nchuj quilhtamacú̱ c-xtiyatcan judíos yuma̱ pa̱lijni hua̱nti̱ squinko̱y acatzuní̱n hua̱ntu̱ kalhi̱ko̱y a̱makapitzi̱n xli̱ta̱chiquicán, xlacán na̱ caj cati̱hua̱ chixcuhuí̱n hua̱nti̱ na̱ ni̱ko̱y xta̱chuná̱ la̱ntla̱ a̱makapitzí̱n; hua̱mpi̱ c-Xasa̱ntujlani Li̱kalhtahuaka̱ li̱chihui̱nancán Melquisedec xta̱chuná̱ la̱ cha̱tum pa̱li̱ hua̱nti̱ ni̱ ni̱y huata caxani̱lihuayá̱ lamaj nahuán xastacná.

HEBREOS 7:8 ပူးပေါင်းရင်းမြစ်များ

SAN JUAN 14:19

Nia̱lh maka̱s quilhtamacú̱, hua̱nti̱ xala ca̱tuxá̱huat, chu̱ ni̱ quili̱pa̱huanko̱y, xlacán nia̱lh makcatzi caquintiucxilhko̱lh sa̱mpi̱ nacni̱y, hua̱mpi̱ huixín naquiucxilhpalayá̱tit sa̱mpi̱ nackalhi̱palay latáma̱t; chu̱ cumu quit naclatama̱palay xastacná, huixín na̱ nakalhi̱palayá̱tit latáma̱t acxni̱ nani̱yá̱tit.

SAN JUAN 14:6

Jesús chuná̱ kálhti̱lh: —Quit hua̱ tiji, chu̱ hua̱ xli̱ca̱na̱, chu̱ hua̱ latáma̱t; ni̱tí̱ catilákmilh Xatla̱t pala ni̱ quimpa̱lacata.

HEBREOS 3:16

Calacapa̱stáctit, ¿tí̱ luhua cahuá̱ yamá̱ hua̱nti̱ caj lacata̱qui̱ko̱lh chu̱ caj tatlanca̱ni̱niko̱lh Dios acxni̱ xlá̱ ma̱n xakatli̱ko̱lh? ¿Tú̱ chá̱ huatiya̱ yama̱ xalakmaká̱n quinatla̱tnacán hua̱nti̱ caj xtamakta̱y Dios tili̱tamacaxtuko̱chá̱ Moisés c-Egipto?

HEBREOS 5:6

Na̱ antiya li̱tum c-Xasa̱ntujlani Li̱kalhtahuaka̱ chuna̱ na̱má̱ huampalay: “Huix tali̱pa̱hu xapuxcu pa̱li̱ hua̱nti̱ li̱huila nahuán caxani̱li̱huayaj xtihua̱, a̱yuj xta̱chuná̱ nali̱taxtuya̱ la̱ntla̱ titáxtulh tamá̱ xamaka̱n quilhtamacú̱ ko̱lutzi̱n Melquisedec.”

HEBREOS 6:20

Na̱ antá̱ lactanu̱ni̱tanchá̱ Cristo acxni̱ cha̱lh c-akapú̱n laqui̱mpi̱ antá̱ xlá̱ xa̱li̱ankalhí̱n quinca̱pa̱lacachihui̱nama̱chá̱n nahuán c-xlacati̱n Dios, sa̱mpi̱ chuná̱ li̱lhca̱huili̱ni̱t Dios pi̱ Cristo nakalhi̱y xtascujut tlanca tali̱pa̱hu quimpa̱lijcán caxani̱li̱huayá̱ xtihua̱, xta̱chuná̱ la̱ntla̱ xkalhi̱y xtascújut yama̱ xamaka̱n pa̱li̱ huanicán Melquisedec.

HEBREOS 7:23

Hua̱ yuma̱ a̱makapitzí̱n pa̱lijni hua̱nti̱ xapu̱lh cscujma̱kó̱ c-xlaksti̱pa̱ncan judíos, luhua clhu̱huacán xuanko̱ni̱t, huá̱ xli̱lhu̱huanko̱ni̱t sa̱mpi̱ cumu ni̱ xli̱pa̱an xkalhi̱ko̱y xlatama̱tcán, ni̱ xmakapalako̱y c-xtascujutcán.

HEBREOS 7:7

Stalanca li̱tasiyuy pi̱ Melquisedec luhua talí̱pa̱hu xuani̱t, sa̱mpi̱ hua̱nti̱ siculuna̱tlahuanán a̱tzinú̱ tlak talí̱pa̱hu ni̱ xahua hua̱nti̱ siculuna̱tlahuacán.

HEBREOS 7:9

Tla̱n nahuana̱hu xpa̱lacata Abraham pi̱ acxni̱ xlá̱ má̱xqui̱lh Melquisedec acatzuní̱n hua̱ntu̱ xqui̱tlajani̱t qui̱táxtulh pi̱ acxni̱ tuncán xokó̱nalh xpa̱lacata Leví hua̱nti̱ ni̱ xa̱lacachín, chu̱ xli̱pacs xcamán, chu̱ xnata̱natna Leví hua̱nti̱ na̱ a̱li̱sta̱lh nali̱huili̱ko̱cán li̱pa̱lijni.

HEBREOS 9:27

Huixín catzi̱yá̱tit pi̱ xli̱pacs quin maktum tu̱ ni̱ya̱hu, chu̱ a̱li̱sta̱lh nalakchá̱n quilhtamacú̱ acxni̱ naquinca̱ma̱xoko̱ni̱yá̱n xpa̱lacata hua̱ntu̱ tlahuani̱tahu u̱nú̱ ca̱tuxá̱huat,

APOCALIPSIS 1:18

Quit ctíni̱lh hua̱mpi̱ huá̱ chu̱ ckalhi̱palani̱t quilatáma̱t, chu̱ xastacna clamaj nahuán caxani̱li̱huayaj xtihua̱, sa̱mpi̱ cmakatlajani̱t xpu̱china ca̱li̱ní̱n, chu̱ ckalhi̱y xallave tu̱ nacli̱ma̱lacqui̱y xpu̱tahui̱lh ca̱li̱ní̱n.