SAN MARCOS 5:41 - Totonac Papantla

⁴¹ Jesús makachípalh amá tzuma̱t y chuné ta̱chihuí̱nalh: ―Talita cumi ―jaé tachihuí̱n huamputún: Huix cuanimá̱n tzuma̱t, cata̱qui.

SAN MARCOS 5:41 ပူးပေါင်းရင်းမြစ်များ

SAN MARCOS 1:31

Jesús lákalh ana ní ixmá, makachípalh má̱qui̱lh lakasu̱t y tuncan mákxtakli lhcúya̱t amá cha̱t. Uyu sok tá̱qui̱lh y tzúculh tlahuá tú naca̱ta̱huá.

SAN MARCOS 1:41

Jesús lakalhámalh, huilí̱nilh ixmacán nac ixmacni y chuné kálhti̱lh: ―Clacasquín, ca̱ksá̱nanti tuncán.

SAN MARCOS 5:40

Lhu̱hua tali̱tzíyalh ixtachihuí̱n. Entonces ca̱huánilh xlacata hua̱k catatáxtulh huata xanati̱cún y ixdiscípulos catáalh ana ní ixmá xaní̱n amá tzuma̱t.

SAN MARCOS 5:42

Amá tzuma̱t apenas ixkalhí akcu̱tuy ca̱ta, tuncán tá̱qui̱lh, tla̱n tlá̱hualh y hua̱k tapa̱xahuako̱lh.

ROMANOS 4:17

Porque nac Escrituras huan la̱ Dios huánilh: “Aquit cli̱maca̱ná̱n ixta̱tajcán lhu̱hua cristianos.” Abraham ta̱chihuí̱nalh namá Dios tí tla̱n ca̱ma̱lacastacuaní ni̱n y ca̱ma̱lakahuaní o ma̱lacnú tú lacasquín ma̱kantaxtí ixli̱ti̱lanca ca̱quilhtamacú.

FILIPENSES 3:21

xlacata nalakxta̱palí jaé li̱xcájnit quimacnicán y naquinca̱ma̱xqui̱yá̱n tunu quimacnicán la̱ xlá ni̱ma̱ kalhí nac akapú̱n pues Cristo kalhí li̱tlihueke tlahuá tú lacasquín.