HECHOS 12:9 - Totonac Papantla

⁹ La̱ lhaka̱nanko̱lh Pedro táxtulh amá nac pu̱la̱chi̱n ixtakoketi̱lhá amá ángel. Xlá ixpuhuán caj ixma̱nixnama, pues como akchiyaj tá̱qui̱lh ni̱ ixcatzí para xli̱ca̱na tú ixqui̱taxtuma.

HECHOS 12:9 ပူးပေါင်းရင်းမြစ်များ

SAN JUAN 2:5

Ixna̱na ni̱ caso tláhualh y ca̱huánilh amá tí ixtama̱kpitzima̱na vino: ―Huixín catlahuátit la̱ta tú naca̱huaniyá̱n.

HECHOS 10:17

Pedro tzúculh liakatuyún tú ixli̱lacahua̱nani̱t. Ixlacpuhuán tucu ixuamputún umá tú li̱ma̱lacahuá̱ni̱lh Dios o tucu ixlacasquín catláhualh. Amá lacchixcuhuí̱n tí ixca̱ma̱lakacha̱ni̱t Cornelio ixtataka̱sni̱t ákxtaka, ixtaya̱na nac puhui̱lhta.

HECHOS 10:3

Maktum smalankán como a las tres de la tarde acxni ixkalhtahuakanima Dios, staranca ácxilhli la̱ lakata̱yachi cha̱tum ángel y huánilh: ―¡Cornelio!

HECHOS 11:5

ca̱huánilh: ―Aquit xackalhtahuakanima Dios nac Jope acxni cácxilhli talácqui̱lh akapú̱n y tá̱ctalh aktum paklanca lháka̱t, ixtachi̱ni̱t ixcha̱stu̱ni̱tni.

HECHOS 12:8

Entonces amá ángel li̱ma̱páksi̱lh: ―Cali̱tampu̱lakchi̱ca mili̱tampu̱lakchi̱cán, cahuili mintatu̱nu, cali̱maktlapaca mimpilísa̱lh y tuncán caquintakoke.

HECHOS 26:19

’Rey Agripa, aquit ni̱ lá ckaxmatmákalh amá tú quili̱ma̱páksi̱lh Quimpu̱chiná,

HECHOS 9:10

Juú nac Damasco ixlama cha̱tum chixcú tí ixli̱pa̱huán Jesús ixuanicán Ananías. Xlá tasí̱nilh Jesús y huánilh: ―¡Ananías! ―Uchu cuí, ¿tucu quili̱tlahuaya? ―kalhtí̱nalh Ananías.

HEBREOS 11:8

Abraham na̱ chuná quinca̱ma̱si̱niyá̱n, acxni Dios ta̱chihuí̱nalh catáxtulh xlacata naán maklhti̱nán amá pu̱latama̱n ni̱ma̱ ixama macama̱xquí, xlá li̱pá̱hualh ca̱nájlalh tú huánilh, káxmatli y táxtulh ma̱squi ni̱ ixcatzí nicu ixama cha̱n.