1 CORINTIOS 5:12 - Totonac Papantla

^12-13 Xli̱ca̱na aquit ni̱ cama ca̱ta̱tlahuá taxokó̱n namá tí ni̱ tali̱pa̱huán Dios, huata Dios catzí la̱ ama ca̱ta̱taxtú. Pero tamaclacasquiní naca̱huaniyá̱u la̱ ixli̱latama̱tcán tí tali̱pa̱huán Dios; huá cca̱li̱huaniyá̱n, ni̱ ca̱klhu̱hua̱tnaná̱tit cama̱xtútit namá chixcú tí aktzanka̱ni̱t xlacata ni̱ natamakslihueké xa̱makapitzi.

1 CORINTIOS 5:12 ပူးပေါင်းရင်းမြစ်များ

SAN MARCOS 4:11

Jesús ca̱kálhti̱lh: ―Huixín Dios ca̱ma̱cxcatzi̱ni̱yá̱n la̱ xlá ama huilí ixtapáksi̱t ca̱quilhtamacú y la̱ lacasquín natalatamá cristianos, pero xa̱makapitzi tiene que nacca̱ta̱ma̱lacastucní tú talakapasa, y ni̱ para chú ama taputzá natama̱kachakxí.

SAN LUCAS 12:14

Jesús kálhti̱lh: ―¿Hua̱nchi quila̱putzayá̱u aquit nacli̱tanú juez tí tla̱n nacca̱ma̱pitziniyá̱n herencia ni̱ma̱ kalhi̱yá̱tit?

SAN JUAN 18:36

―Aquit ckalhí quili̱ma̱paksí̱n ni̱ juú ca̱quilhtamacú. Para juú xacma̱paksi̱nampútulh amá tí quintata̱ya̱na ixquintamaklhtí̱nalh ni̱ naquinchipacán. Aquit rey pero quintapáksi̱t ni̱ juú huí ca̱quilhtamacú.

COLOSENSES 4:5

Li̱ta̱camán, huixín calacputzátit la̱ ca̱ta̱chihui̱naná̱tit tí ni̱ tali̱pa̱huán Cristo, ni̱ chu̱ta camakatzanká̱tit quilhtamacú.

1 TESALONICENSES 4:12

Xlacata ni̱tí ni̱ tla̱n naca̱li̱chihui̱naná̱n tí ca̱cxilá̱n, y xa̱huá chuná ni̱tí namaksquiná̱tit tú nali̱latapa̱yá̱tit.

1 TIMOTEO 3:7

Na̱ tamaclacasquiní tla̱n natali̱lacahua̱nán ixlatáma̱t namá tí ni̱ tali̱pa̱huán Dios xlacata ni̱ li̱ma̱xanaj natali̱chihui̱nán; xa̱huá chuná ni̱ catimá̱xqui̱lh quilhtamacú tlajaná nama̱lactlancaní xlacata natlahuá tala̱kalhí̱n.