Zekariya 9:16 - Tonga Bible 1986

¹⁶ Ndipo mu zuŵa lo, Ambuya Chiuta wawo waŵataskenge chifukwa ndi mskambu wa ŵanthu ŵake; nge ndi mya yakuzirwa ya mphumphu wakang'animanga mu charu chake.

Zekariya 9:16 ပူးပေါင်းရင်းမြစ်များ

Sumu 100:3

Ziŵani kuti Ambuya ndiyo Chiuta! Ndiyo wangutata ndipo ifwe te ŵake; te khamu lake, ndi mberere za uliska wake.

Chituwa 28:21

Mukaŵanga mya chumi ndi yiŵi ndi mazina ghawo kwakuyana ndi mazina gha ŵana ŵanthurumi ŵaku Yisraele, ghakaŵanga uli ndi vidindu, we wose wakusindikizgika ndi zina lake, gha mitundu chumi ndi yiŵi.

Chituwa 28:9

Ndipo ukatonga mya yiŵi yifipa, ndipo usindikizgepo mazina gha ŵana ŵanthurumi ŵaku Yisraele.

Yesaya 40:10

Ehe, Ambuya Chiuta watuza ndi kulimba, ndipo janja lake litimuwusiya, ehe, mphoto yake yendi iyo, ndipo lipira, lake le paurongo pake.

Yesaya 54:12

Ndikachitanga ŵasonjo ŵako ŵamya yakung'azima, vipata vyako vya mya yakuti je, ndi malinga ghako ghose gha mya yakuzirwa.

Yesaya 60:14

Ŵana ŵaku wo ŵangukuyuzgani wakazanga ndi kukotama pasi, kwaku imwe, wose wo ŵangukutonyorani, ŵakakotamanga pa marundi ghinu; ŵakakudananinga Muzi wa Ambuya, Zioni wa Mtuŵa Yumoza waku Yisraele.

Yesaya 60:3

Ndipo mitundu yikazanga ku ukweru winu, ndi ŵakaronga ku kutuwa kwa kuyuka kwinu.

Yesaya 62:3

Mukaŵanga chilemba cha ufumu chakutowa mu janja la Ambuya, ndi chisoti cha ukaronga mu janja laku Chiuta winu.

Yeremiya 23:3

Pavuli ndikaunjikanga ŵakujapo ŵa mskambu wangu kutuwa ku vyaru vyose kweniko ndinguŵadikiskiya, sono ndikaŵawezgiyanga ku khora lawo, ndipo ŵakaŵanga ŵakupapana ndi ŵakwandana.

Yeremiya 31:10

“Avwani mazu gha Ambuya, mwa ŵamitundu, ndipo mughataule mu malikumba gha kutali: Munene, ‘Yo wanguparghang'a Yisraele wakawunganiskanga ndipo wakamusunganga uli ndimo muliska wasungiya mskambu wake.’

Yeremiya 31:11

Pakuti Ambuya awombo Yakobe, ndipo amuwombo ku manja ghenigho ghangumuruska nthazi.

Ezekiele 34:11

“Pakuti viyo atiti Ambuya Chiuta: Awonani, ine, ine ndamweni ndindondoroskenge mberere zangu, ndipo ndikazipenjanga.

Ezekiele 34:12

Mo mliska wapenje mskambu wake asani zinyake mberere zake zaparghang'ikiya kutali, viyo ndimu ndikapenjiyanga mberere zangu; ndipo ndikazitaskanga mu malo ghose mo zikuparghang'ikiya pa zuŵa la mitambo ndi la munkhorwe.

Ezekiele 34:31

Imwe mwe mberere zangu, mberere za uliska wangu, ndipo ine nde Chiuta winu, atiti Ambuya Chiuta.”

Mika 5:4

Ndipo wakamanga ndi kuliska mskambu wake, ndi nthazi za Ambuya, ndi kuzirwa kwa zina la Ambuya Chiuta wake. Ndipo ŵakajanga mu kufwasa chifukwa iyo wakaŵanga mukuru mpaka ku vigoti vya charu chapasi.

Mika 7:14

Liskani ŵanthu ŵinu ndi ndodo yinu, mskambu winu wo mwasankha wo uja mu lisuwa mukati mu charu cha minda; muwuleke ukarghenge mu Bashani ndi mu Gileada nge ndi mu mazuŵa gha kali.

Zefaniya 3:20

Pa nyengo yo ndikuwezgiyenge kwako, mu nyengo yo ndikuwunjikenge pamoza. Inya ndikuchitenge kuŵa wambiri, ndi wamarumbika mukati mu ŵanthu wose ŵa panu pasi, po ndiwezgiyenge umampha wako paurongo pako,” atiti Ambuya.

Hagayi 2:23

Pa zuŵa lo, atiti Ambuya ŵa maŵanja, nkhakutonga, Zerubabele muteŵeti wangu, mwana waku Shealtiele, atiti Ambuya, ndi kukusanduska nge ndi mphete ya chidindu; chifukwa ndakusankha iwe, atiti Ambuya ŵa maŵanja.”

Zekariya 10:6

“Ndipo ndikhozgenge nyumba yaku Yuda, ndi nditaskenge nyumba yaku Yosefe. Ndizenge so nawo; chifukwa nde nawo ndi lisungu, ndipo ŵakaŵanga nge ndengavi kuŵajowo; chifukwa ine nde Ambuya Chiuta wawo ndipo ndiŵamukenge.

Zekariya 8:23

Viyo atiti Ambuya ŵa maŵanja: Mu mazuŵa gho, ŵanthu ŵakutuwa ku mitundu ya karongoroledu kose ŵakonge saru ya muYuda, ndi kuti, ‘Utizomerezge tirutenge, nawe, chifukwa tavwa kuti Chiuta we ndi iwe.’ ”

Luka 12:32

“Ungopanga, wakamskambu kamana; pakuti Auskemwe ŵakondwa kumpaskani ufumu wo.

Yohane 10:27

Mberere zangu zituvwa liu langu, ine nditiziziŵa, ndipo zitindirondo;