Zekariya 9:13 - Tonga Bible 1986

¹³ Chifukwa ndamupinda Yuda, nge ndi uta wangu, Efraimu ndamuchita muvwi wake. Ndiyuskenge ŵana ŵako, Zioni, kukulimbana ndi ŵana ŵako, iwe Girisi, ndikukuchita iwe nge ndi lipanga la ngwazi.

Zekariya 9:13 ပူးပေါင်းရင်းမြစ်များ

Sumu 144:1

Atumbikike Ambuya, jarawi langu wo atindisambizga kurwa nkhondo, ndi minwe yangu kupota homwa.

Sumu 149:6

Ŵakambure ndi kubongo pakurumba Chiuta, ndi malipanga ghakuthwa mu manja ghawo,

Sumu 45:3

Jimangiriye lipanga lako mu chiwunu, wa chilimbi we, mu unkhankhu ndi mu kuziza kwako!

Yesaya 49:2

Anguchita mlomo wangu uli ndi lipanga lakuthwa, angundichita mu chiduzi cha janja lawo; angundichita muvwi wakunoleka, angudibisa mu phodo lawo.

Yeremiya 51:20

“Iwe ndiwe nyundo yangu ndi chidya changu cha nkhondo; ndi iwe ndituswa mitundu tumanatumana; ndi iwe ndiphwanya maufumu;

Chitenje 4:2

Ŵana ŵakuzirwa ŵa Zioni, ŵakuzirwa nge ndi golide wakwengeka, mo ŵang'anamukiya nge ndi viŵiya, nchitu ya janja la muumbi!

Amosi 2:11

Ndipo ndinguyuska ŵanyake ŵa ŵana ŵinu kuŵa ŵamchimi, ndi ŵanyake ŵa ŵanyamata ŵinu kuŵa ŵaNaziri. Kumbi kuti kweviyo cha mwa ŵa Yisraele mwe?” atiti Ambuya.

Obadiya 1:21

Ŵakutaska ŵakakweriyanga ku phiri Zioni kweruzga phiri laku Esau; ndipo ufumu uŵenge wa Ambuya.

Zekariya 1:21

Ndipo ndinguti, “Kumbi yaŵa ŵaza kuzachichitanji?” Wangwamuka, wanguti, “Yagha ndi masengwi gho ghaparghang'a Yuda, viyo kuti kwengavi munthu wakuyinuska mutu wake; ndipo yaŵa ŵaziya kuzachiwawofya; kutaya pasi masengwi gha mitundu yo yingusoska masengwi ghawo pa charu chaku Yuda kuchiparghang'a.”

ŴaEfeso 6:17

Ndipo jitoleni chivekeru chaku mutu cho mbutaski, ndi so lipanga la Mzimu, lenilo ndi mazu ghaku Chiuta.

2 Timote 4:7

Ndalimbiya mlimbalimba weneko, ndafiska chipharizganu cho, ndachikoreze chivwanu cho:

ŴaHebere 4:12

Chifukwa ngamoyo mazu ghaku Chiuta, ndi ngakuchita, ndingakuthwa kwakuruska lipanga lose la uyi kosekose, ndipo ghaporota mpaka ku mugaŵiru wa umoyo ndi mzimu, ndi marunga ndi mdinthi, ndi ngapusu kuteska maghanagha nondi maknumbu gha mtima.

Chivumbuzi 1:16

Ndipo wanguŵa nazo nyenyezi nkhonde ndi ziŵi mu janja lake lamarghe; mu mlomo wake mwatuwanga lipanga lauyi la vyepe kosekose; ndi chisku chake chenga ulaka ndi dazi lakuŵala kwa nthazi.

Chivumbuzi 17:14

Yaŵa ŵarwanenge ndi Mwana-mberere yo, ndipo Mwana-mberere ndi ŵapamoza nayo, wo mbakudanika, ŵakusankhika, ndi ŵamagomekezgeka waŵapundenge, pakuti ndiyo Mbuya wa ŵambuya, ndi Karonga wa ŵakaronga.”

Chivumbuzi 19:15

Ndipo lituwa mu mlomo wake lipanga lauyi, kuti wakoso nalo mitundu: ndipo wausenge ŵanthu ndi ndodo ya chisulo: ndipo iyo wakanda nkhandu ya mphereska ya ukari wa kandundu kaku Chiuta wanthazizose.

Chivumbuzi 19:21

Ndipo ŵakujapo ŵangubayika ndi lipanga laku mweniyo wangugara pa kavalo yo, lenilo lingutuwa mu mlomo wake. Ndipo viyuni vyose vinguguta nyama zawo.

Chivumbuzi 2:12

“Ndipo ku mungelo wa mpingu wamu Pergamo lembapo: ‘Vyenivi watiti mweniyo we ndi lipanga lauyi, la vyepe kosekose.