Zekariya 9:12 - Tonga Bible 1986

¹² Wereni ku linga linu, imwe ŵamagoŵa ŵachigomekezgu, msana wale ndinena kuti ndimuwezgiyeninge kaŵi.

Zekariya 9:12 ပူးပေါင်းရင်းမြစ်များ

Jobu 42:10

Ndipo Ambuya angumuwezge Jobu mwaŵi wake penipo wangurombe mabwezi ghake, Ambuya angumpaska vinandi kuwerezga kaŵi kuruska vyo wanguŵa navyo pakudanga.

Yesaya 24:22

Ŵakaunjikikanga pamoza uli mba magoŵa mu zenje, ŵakajarikiyanga mu nyumba ya magoŵa, ndipo pavuli pa mazuŵa ghanandi ŵakalangikanga.

Yesaya 38:18

Pakuti Muunda kuti uziŵa kumuwongani cha, nyifwa kuti yiziŵa kumurumbani cha; wo ŵasikiya ku muunda kuti ŵangagomekezga uneneska winu cha.

Yesaya 40:2

Kambani ghakuzikiska mtima Yerusalemu, ndi mubongoliyeni kuti nkhondo yake yamara, uheni wake wagowokereka, pakuti waronde ku janja la Ambuya mwakuwerezga kaŵi pa uheni wake wose.

Yesaya 49:9

kunene wamagoŵa, ‘Tuwani!’ Kwaku wo ŵe mu mdima, ‘Wonekani!’ Iwo wakarghanga mu nthowa zose, pa mitunthu yose yambura kanthu pakaŵanga chipozwa chawo,

Yesaya 52:2

Jikunguntheni fuvu, yukani, Yerusalemu wakukoreka we; fwatuwani magoŵa mu masingu ghinu, mwakukoreka ŵaku Zioni.

Yesaya 61:7

Mu malo mwa soni zinu mukaŵanga navyo kwakusazgiyapo, mu malo ghakuyeyeka mukasekerenga mu phande linu; viyo mu charu chinu mukaŵanga ndi vya uzali wa kaŵi, chinu chikaŵanga chimwemwe cha muyaya.

Yeremiya 14:8

Imwe ndimwe Yisraele wagomezga, wakumutaska mu nyengo ya suzgu, chifukwa chine imwe muŵenge nge ndi mlendo mu charu chidu, ulaka ndi mwenda nthowa yo wapatuka kugone waka usiku?

Yeremiya 16:19

Ambuya mwe, nthazi yangu ndi linga langu lakukho, nchakudingang'amo changu, muzuŵa la suzgu, kwaku imwe mitundu yikazanga kutuwa ku vigoti vya charu ŵazamunena kuti, “Auskefwe kuti ŵaharapo so kanthu kanyake cha kweni mautesi pe, tunthu twambura ndi kanthu mwaku twenito mulivi kakwanduwamo.

Yeremiya 17:13

Ambuya mwe, gomezgu laku Yisraele, ndakuti, wose wo ŵatikujowoni ŵakalengeskekanga; wo ŵarekana namwe ŵakalembekanga mu charu chapasi, pakuti ŵajowo Ambuya, wo nchisima cha maji gha umoyo.

Yeremiya 31:17

Gomezgani kuti umampha ukamuŵiyaninga, atiti Ambuya, ndipo ŵana ŵinu ŵakawerenga ku charu chawo.

Yeremiya 31:6

Pakuti likaŵangapo zuŵa lo ŵalonda ŵakadananga mu charu cha mitunthu yaku Efraimu: ‘Yukani, tiyeni tirutenge ku Zioni, ku Ambuya Chiuta widu.’ ”

Yeremiya 50:28

“Avwani! Ŵathaŵa ndi kunyeremuka ku charu cha Babiloni, kwachitaula mu Zioni thayu la Ambuya Chiuta widu, thayu lapa kasopi wake.

Yeremiya 51:10

Ambuya ŵaza ndi uneneska widu; tiyeni, titaule mu Zioni, nchitu ya Ambuya Chiuta widu.

Ezekiele 37:11

Penipo angunena nane, “Mwana wa munthu, viwanga ivi ndi nyumba yose yaku Yisraele. Awona, ŵatiti, ‘Viwanga vidu vyamira, chigomezgu chidu chawara, tadumurika kwamara.’

Hoseya 2:15

Kwenikuwa ndimupaskenge minda yake ya mphereska, ndi kusanduska chidika cha Akoro kuŵa khomo la chigomezgu. Ndipo kuwa wamukenge nge ndi mu mazuŵa gha umupupuka wake, ndi nge mpha nyengo yo wangutuliya mu charu cha Egipiti.

Yoele 3:16

Ambuya abongo mu Zioni, ndi atuzga mazu ghawo kutuliya mu Yerusalemu, machanya ndi charu chapasi visukunikenge; kweni Ambuya nchakutaskikiyamo cha ŵanthu ŵawo linga lakukho ku ŵana ŵaku Yisraele.

Mika 4:8

Ndipo iwe, chitanthali chamskambu, phiri la msumba waku Zioni ufumu wakudanga, ukazanga kwaku iwe, ufumu wa ŵanthu ŵaku Yerusalemu.

Nahumu 1:7

Ambuya mbamampha, linga lakukho mu zuŵa la suzgu, atuŵaziŵa wo ŵabendama mwaku iwo.

ŴaHebere 6:18

alinga kuti mu vinthu viŵi vizira masinthika, mwaku vyo nkhwambura machitika kuti Chiuta waname, tiŵe ndi kachiskidu kakukho, taŵakuthaŵiriya kukoreska chigomekezgu chakujarikikiya ifwe:

ŴaHebere 6:19

chigomekezgu chenicho te nacho nge ndi ndondowa ya mzimu, chakuneneska ndi chakukho, ndi chakuserere mwaku cho che mukati mu chijaru cho;