Zekariya 9:1 - Tonga Bible 1986

¹ Mazu gha Ambuya ghakumikana ndi charu cha Hadrake ndipo ghakajanga ndi Damasko, chifukwa ku Ambuya kwe misumba yaku Aramu, nge ndi mitundu yose yaku Yisraele;

Zekariya 9:1 ပူးပေါင်းရင်းမြစ်များ

Chiyambo 14:15

Ndipo wangugaŵa pakati maŵanja ghake kurwana nawo ndi usiku, iyo ndi ŵaŵanda ŵake; ndipo ŵanguŵambininiska ndi ŵanguŵandondoloska mpaka ku Hoba ku nkhonde kwa Damasko.

2 Mikoka 20:12

Chiuta widu, kumbi kuti muŵeruzgenge cha? Chifukwa ifwe nthazi tilive kurwana ndi chimzinda chikuru cha viyo cho chatiziya. Chingana nkhuziŵa mo tingachitiya, kweni maso ghidu ghe kwaku imwe.”

Sumu 145:15

Maso ghaku vyose ghalereska kwaku imwe, ndipo po vikhumba kurgha mutivipaska.

Sumu 25:15

Maso ghangu nyengo yose gharata ku Ambuya, chifukwa iwo asowonge rundi langu mu chirepa.

Yesaya 13:1

Uchimi wa paku Babiloni wo Yesaya mwana waku Amozi wangu wona.

Yesaya 52:10

Ambuya arongo pakweru janja lawo pa maso gha mitundu yose; ndipo vigoti vyose vya charu chapasi vikawonanga utaski waku Chiuta widu.

Yeremiya 16:19

Ambuya mwe, nthazi yangu ndi linga langu lakukho, nchakudingang'amo changu, muzuŵa la suzgu, kwaku imwe mitundu yikazanga kutuwa ku vigoti vya charu ŵazamunena kuti, “Auskefwe kuti ŵaharapo so kanthu kanyake cha kweni mautesi pe, tunthu twambura ndi kanthu mwaku twenito mulivi kakwanduwamo.

Yeremiya 32:19

mwa ŵara mu kupangizga zeru ndi ŵakulimba mu kuchita; mwaŵenimwe maso ghinu ghalereska nthowa zose za ŵanthu, mwaŵakupaska munthu we yose kwakulingana ndi nthowa zake ndi kwakulingana ndi chipasi cha nchitu zake;

Amosi 1:9

Viyo atiti Ambuya: “Chifukwa cha maulakwi ghatatu gha Turo, ndi wachinanyi, kuti ndi wezgenge kulangika kwake cha; chifukwa wangupereka ŵanthu wose ku Edomu: ndi kuti wangukumbuka phanganu la ubali cha.

Amosi 3:12

Viyo atiti Ambuya: “Nge ndimliska wapokeska vigha viŵi, pamwenga chipikita cha gutu kutuwa mu mlomo wa nkharamu, viyo ndimo ŵaYisraele wo ŵaja mu Samaria ŵamufwanthamukiya, ndi nyondo ya kachita ndi chita chikuru.”

Nahumu 1:1

Uchimi wakunena ndi Nineve. Buku la chiwona chaku Nahumu waku Elikoso.

Zekariya 4:10

Chifukwa yose yo wanguyeya zuŵa la tunthu tumana wakasekeriyanga, ndipo wawonenge chingwi chakupimiya cha muzengi mu janja laku Zerubabele. “Yagha ghankhonde ndi ghaŵi ndi maso gha Ambuya gho ghalereska mu charu chose chapasi.”

Zekariya 5:4

Ndilitumizgenge, atiti Ambuya ŵa maŵanja, ndipo liserenge mu nyumba ya munkhungu, ndi mu nyumba yaku yo warapa utesi mu zina langu; ndipo lijenge mu nyumba yake ndi kuyimara, miti yake ndi mya yake pamoza.”

Malaki 1:1

Mazu gha Ambuya ghakuziŵiska ŵaYisraele ndi Malaki.