Zekariya 8:9 - Tonga Bible 1986

⁹ Viyo ndimo anene Ambuya ŵa maŵanja; “Manja ghinu ghakhome, imwe mu mazuŵa yagha mwavwa mazu mu mlomo wa ŵamchimi, kutuwa ku zuŵa lo chiŵanja cha nyumba ya Ambuya ŵa maŵanja chinguzengeke; kuti kasopi wazengeke.

Zekariya 8:9 ပူးပေါင်းရင်းမြစ်များ

1 Mikoka 22:13

Ndipo viyo ukasakatanga asani uphwerenge kusunga vilayizgu ndi vyeruzgu vyenivyo Ambuya angupangizga Mosese vyaku Yisraele. Uŵe wanthazi ndi wachiganga chamampha. Reka kopa, chingana nkhudezuka nthazi.

1 Mikoka 28:20

Ndipo Davidi wanguti kwaku Solomoni mwana wake. “Uŵe wanthazi ndi ukhwimi, ndi uyichiti, ungopanga chingana nkhutenthema cha chifukwa Ambuya Chiuta yo ndi Chiuta wangu we namwe. Kuti wakujowonge chingana nkhukusiya cha mpaka penipo mlimu wa nyumba yaku Chiuta wamara.

2 Mikoka 15:7

Kweni imwe khwimani gwa, manja ghinu ghareke kutomboroka, chifukwa nchitu yinu yiŵenge ndi mphoto yake.”

Ezra 6:14

Ndipo ŵara ŵa ŵaYuda ŵangusaniya mwaŵi mu kuchima kwaku Hagayi mchimi, ndi Zekariya mwana waku Ido. Wanguzenga, kuyana ndi dangu laku Chiuta waku Yisraele, ndipo ndi dangu laku Sirusi, ndi Dariusi, ndi Arataserese karonga waku Perese.

Yesaya 35:3

Khomeskani manja ghakutomboroka, khozgani makongono ghakupunduka.

Yesaya 35:4

Ku ŵa mtima wa mantha unene, “Nkhwimani, kopa cha! Ehe, Chiuta winu wakazanga ndi thayu, ndi kuwezge nduza kwaku Chiuta. Wakazanga kumutaskani.”

Hagayi 1:1

Mu chirimika cha chiŵi cha karonga Dariusi, mu mwezi wa chinkhonde ndi chimoza pa zuŵa la chimoza la mwezi, mazu gha Ambuya ghanguza kwaku Hagayi mchimi kwaku Zerubabele mwana waku Shealtiele, nduna yikuru ya charu cha Yuda; ndi kwaku Yoswa mwana waku Yehozadaka, mzukuru mura, kuti,

Hagayi 1:12

Viyo Zerubabele mwana waku Shealtiele, ndi Yoswa mwana waku Yehozadaka, mzukuru mura, ndi ŵanthu wose wo ŵangujaliya vuli, ŵanguvwiya mazu gha Ambuya Chiuta wawo, ndi mazu ghaku Hagayi mchimi, nge ndimo Ambuya Chiuta wawo wangumutumiya; ndipo ŵanthu ŵangopa pa maso pa Ambuya.

Hagayi 2:18

Ghanaghanani kwamba zuŵa ili mpaka ku nthazi; kwamba zuŵa la machumi ghaŵi pachanya ghanayi (24) la mwezi wachinkhonde ndi chinayi. Kutuwa zuŵa lo chiŵanja cha kasopi wa Ambuya chinguzengeke, ghanaghanani.

Hagayi 2:21

“Kamba kwaku Zerubabele, nduna yikuru ya charu cha Yuda, kuti, nde pafupi kusukuniska machanya ndi charu chapasi,

Zekariya 8:13

Ndipo kuŵenge kuti, nge ndimo munguwiya thembo mukati mu mitundu, iwe nyumba yaku Yuda ndi nyumba yaku Yisraele, viyo ndimo ndimtaskiyeninge ndipo muŵenge ŵakutumbikika. Mungopanga, kweni manja ghinu ghakhome.”

Zekariya 8:18

Ndipo mazu gha Ambuya ŵa maŵanja ghanguza kwangu, ghakuti,

ŴaEfeso 6:10

Pakumariya, muŵe ŵanthazi mu Mbuya, ndi mu likongono la ukhomi wake.

2 Timote 2:1

Viyo iwe, wamwana wangu, jikhomeske mu wezi wamwaku Kristu Yesu.

Yoswa 1:6

Uŵi wanthazi, khwima mtima; chifukwa iwe ukahariskanga khamu ili charu cho ndingurapiya auskeu kuŵapaska.

Yoswa 1:8

Buku ili la marangu lireke kutuwa mu mlomo wako, kweni ughanaghanenge nagho msana ndi usiku, alinga kuti uŵenge wakughaphwere kuchita chose chakulembeka mwaku lo, mwaku ichi ukasakatanga ndipo kukaŵanga ndi usakati wamampha.