Zekariya 8:8 - Tonga Bible 1986

⁸ ndizenge nawo ndipo ŵajenge mukati mu Yerusalemu; ŵaŵenge ŵanthu ŵangu, Ine ndiŵenge Chiuta wawo, mu uneneska ndi mu urunji.”

Zekariya 8:8 ပူးပေါင်းရင်းမြစ်များ

Chiyambo 17:8

Ndipo nkhapaskanga kwako, ndi ku mphapu zako za pavuli pako, charu chakutandaramo kwinu, charu chose cha Kanani, kuŵa chihara cha muyaya; ndipo ndikaŵanga Chiuta wawo.”

Yeremiya 11:4

lenilo ndingulanguliya auskemwe pa nyengo yo ndinguŵatuzgiya mu charu cha Egipiti, kutuwa mu ng'anjo ya chisulo, ndinguti, Tegherezgani ku mazu ghangu, ndipo chitani chose cho nditumulanguliyani. Po ndipo mukaŵanga ŵanthu ŵangu, ndipo ine ndikaŵanga Chiuta winu,

Yeremiya 23:8

kweni kuti, ‘Mo aliri Ambuya amoyo wo wangutuzga ndi kurongozga Yisraele kutuwa mu charu chaku nkhonde ndi kutuwa mu vyaru vyose vyenivyo anguŵadikiskiyako.’ Sono ŵakajanga mu charu cha ŵeneko.”

Yeremiya 24:7

Ndikaŵapaskanga mtima wakuziŵa kuti ine ndine Ambuya; ndipo ŵakaŵanga ŵanthu ŵangu, ine ndikaŵanga Chiuta wawo, pakuti ŵakaweriyanga kwangu ndi mtima wawo wose.

Yeremiya 30:22

Imwe mukaŵanga ŵanthu ŵangu, ine ndikaŵanga Chiuta winu.”

Yeremiya 31:1

“Pa nyengo yeniyiya, atiti Ambuya, ndikaŵanga Chiuta wa mbumba zose zaku Yisraele, ndipo iwo ŵakaŵanga ŵanthu ŵangu.”

Yeremiya 31:33

Kweni ili ndi phanganu lo ndikachitanga ndi nyumba yaku Yisraele pavuli pa mazuŵa gho, atiti Ambuya: Ndikaŵikanga dangu mukati mwawo, ndipo ndikalilembanga pa mitima yawo; ndipo ine ndikaŵanga Chiuta wawo, ndipo iwo ŵakaŵanga ŵanthu ŵangu.

Yeremiya 32:41

Ndikakondwerenga mu kuŵachitiya umampha iwo, ndipo ndikaŵapandanga mu charu ichi, ndi mtima wangu wose ndi mzimu wangu wose.

Yeremiya 4:2

ndipo asani mukarapanga, ‘Mo ŵajaliya Ambuya ŵamoyo,’ mu uneneska, mu urunji, ndi mu kunyoroka, sono ndipo mitundu yikatumbikikiyanga mwaku imwe, ndipo mwaku imwe yikatumbwiyanga.”

Ezekiele 11:20

mwakuti ŵendenge mu virunguchizgu vyangu, kusunga ndi kuvwiya malangulu ghangu; ŵakaŵanga ŵanthu ŵangu, ndipo ine ndikaŵanga Chiuta wawo.

Ezekiele 36:28

Mukajanga mu charu cho ndingupaska auskemwe, mukaŵanga ŵanthu wangu ndipo ine ndikaŵanga Chiuta winu.

Ezekiele 36:33

“Viyo atiti Ambuya Chiuta: Pa zuŵa lo ndikakuphotoninga, ku maukazuzi ghinu ghose, ndimujarikeninge mu misumba ndipo malo gha mapopa ghakazengekanga so.

Ezekiele 37:25

Wakajanga mu charu cho ŵangujamo auskemwe cho ndingupaska mteŵeti wangu Yakobe; iwo, ndi ŵana ŵawo, pamoza ndi ŵana ŵa ŵana ŵawo ŵakajanga mwaku cho muyaya; ndipo Davidi mteŵeti wangu wakaŵanga fumu yawo muyaya.

Ezekiele 37:27

Malo ghangu ghakujamo ghakaŵanga ndi iwo; iwo ŵakaŵanga ŵanthu ŵangu, ndipo ine ndikaŵanga Chiuta wawo.

Hoseya 11:11

Wakazanga ŵakutenthema nge nthuyuni twakutuwa ku Egipiti, nge ndi nkhunda zakutuwa ku Asiriya, ndipo nkhaŵawezgiyanga ku mizi yawo, atiti Ambuya.

Yoele 3:20

Kweni Yuda waŵenge ndi ŵanthu ŵakujamo muyaya, ndi Yerusalemu ku migonezi yose.

ŴaLevi 26:12

Ndikayendanga mukati mwinu, ndikaŵanga Chiuta winu, ndipo imwe mukaŵanga ŵanthu ŵangu.

Zekariya 10:10

Ndizenge nawo ku muzi kutuwa ku charu cha Egipiti ndi kuŵawunjika kutuwa ku Asiriya, ndizenge nawo mu charu cha Gileada ndi Lebanoni, mpaka malo ghaŵaŵiye ghamana.

Zekariya 10:6

“Ndipo ndikhozgenge nyumba yaku Yuda, ndi nditaskenge nyumba yaku Yosefe. Ndizenge so nawo; chifukwa nde nawo ndi lisungu, ndipo ŵakaŵanga nge ndengavi kuŵajowo; chifukwa ine nde Ambuya Chiuta wawo ndipo ndiŵamukenge.

Zekariya 13:9

Ndipo ndiŵikenge chigaŵa chachitatu ichi mu moto, ndi kuchisongono mo munthu wasongonore siliva, ndi kuchesa mo golide liteseke. Ŵadanange zina langu, ndipo ndiŵamukenge. Ndinenenge kuti, ‘Mbanthu ŵangu’; ndipo ŵanenenge kuti, ‘Ambuya ndi Chiuta widu.’ ”

Zekariya 2:11

Ndipo mitundu yinandi yiwunganenge kwa Ambuya mu zuŵa lo, ndipo ŵakaŵanga ŵanthu ŵangu; Ine ndijenge mukati mwako, ndipo uziŵenge kuti Ambuya ŵa maŵanja andituma kwako.

Chivumbuzi 21:3

Ndinguvwa mazu ghakuru kutuliya ku chitengu-chaufumu cho, ghakuti, “Awonani, hema lo laku Chiutale mukati mu ŵanthu, ndipo wagoŵiyenge mukati mwawo, ndipo iwo ŵaŵenge makamu ghake, ndipo Chiuta iyo waŵenge pamoza nawo, Chiuta wawo.

Chivumbuzi 21:7

Yo wapunda waharenge vyenivi; ndipo ndimuŵiyenge Chiuta, ndipo iyo wandiŵiyenge mwana.