Zekariya 8:3 - Tonga Bible 1986

³ Viyo atiti Ambuya: Ndawere ku Zioni ndipo ndijenge mukati mu Yerusalemu, ndipo Yerusalemu wakadanikanga msumba wamagomekezgeka, phiri la Ambuya ŵa maŵanja, phiri lakupaturika.

Zekariya 8:3 ပူးပေါင်းရင်းမြစ်များ

Sumu 2:6

“Ndamika karonga wangu pa Zioni, phiri langu lakupaturika.”

Sumu 48:1

Ndi mukuru Mbuyafwe ndi wakwenere kurumbikadi mu msumba waku Chiuta widu!

Chituwa 29:45

Ndipo ndikajanga mukati mu ŵaYisraele, ndipo ndikaŵanga Chiuta wawo.

Yesaya 1:21

Muzi wamagomekezeka, wasanduka mureŵi, wo unguzara ndi cheruzgu chirunji! Urunji wajanga mwake, kweni sono mbakubaya ŵanthu.

Yesaya 1:26

Ndipo ndikawezgiyangapo ŵeruzgi ŵinu nge mphakudanga, ndi nduna zinu uli mpha chiyambo. Pavuli mukadanikanga msumba urunji, muzi wamagomekezgeka.”

Yesaya 11:9

Kuti vikapwetekanga pamwenga kubwanganduwa cha mu phiri langu lose lakupaturika, pakuti charu chapasi chikazazikanga ndi zeru za Ambuya nge ndimo maji ghazaziya nyanja.

Yesaya 12:6

Bongoni, ndipo mbani ndi chimwemwe, mwa ŵakuja mu Zioni, pakuti mukuru mukati mwinu ndi Mtuŵa Yo waku Yisraele.”

Yesaya 32:16

Sono cheruzgu chirunji chikajanga mu bozwa, ukongorekwa ukajanga mu munda wakupasa.

Yesaya 60:14

Ŵana ŵaku wo ŵangukuyuzgani wakazanga ndi kukotama pasi, kwaku imwe, wose wo ŵangukutonyorani, ŵakakotamanga pa marundi ghinu; ŵakakudananinga Muzi wa Ambuya, Zioni wa Mtuŵa Yumoza waku Yisraele.

Yesaya 65:25

Mphumphi ndi mwana wa mberere vikarghiyanga pamoza, nkharamu yikarghanga uteka nge ndi ng'ombe; fuvu likaŵanga kurgha kwa njoka. Kuti vikapwetekanga pamwenga kwananga cha, mu phiri langu lose lakupaturika, atiti Ambuya.”

Yesaya 66:20

Ndipo ŵakazanga ndi ŵabali ŵinu wose kutuwa ku mitundu yose nge ndi mpasku ku Ambuya, pa ŵakavalo, mu magareta, mu machila, pa nyulu, ndi pa ŵagamila, kuza ku phiri langu lakupaturika Yerusalemu, atiti Ambuya, nge ndimo ŵa Yisraele ŵatuziya ndi mpasku wowo wa ufwa mu chiyaŵi chakutowa ku nyumba ya Ambuya.

Yesaya 8:18

Ehe, ine ndi ŵana ŵeniwo Ambuya akundipaska te visimikizgu ndi vyakuwoniyapo mu Yisraele kutuliya ku Ambuya ŵa maŵanja, wo ŵaja pa phiri Zioni.

Yeremiya 14:9

Chifukwa chine imwe mukozganenge ndi munthu yo watimbanizgika, nge ndi munthu wanthazi yo watondeka kutaska? Kweni imwe, Ambuya, mwe mukati mwidu, ndipo ifwe tidanika ndi zina linu; rekani kutisiya.”

Yeremiya 26:18

“Mika waku Moreshete wanguchima mu mazuŵa ghaku Hezekiya karonga waku Yuda, ndipo wanguti ku ŵanthu wose ŵaYuda, ‘Viyo atiti Ambuya ŵa maŵanja, Zioni wakalimikanga nge ndi munda; Yerusalemu wakasandukanga chimbumira cha vyakunangika, ndipo phiri la nyumba likaŵanga nge ndi malo gha pachanya gha dondo.’

Yeremiya 31:23

Viyo atiti Ambuya ŵa maŵanja, Chiuta waku Yisraele: “Ŵazamuwerezgapo so kukamba mazu yagha mu charu chaku Yuda ndi mu mizi yake, po ndikaŵawezgiyanga umampha: ‘Ambuya akutumbike wa nyumba yirunji, Wa phiri lakupaturika!’

Yeremiya 33:16

Mu mazuŵa ghenigha Yuda wakataskikanga ndi Yerusalemu wakajanga wakuvikiririka. Ndipo ili ndilo zina lo ŵakadanikanga nalo: ‘Ambuya mburunji widu.’

Ezekiele 48:35

Kupima msumba wose zingirizgi ukaŵanga mikono vikwi chumi ndi vinkhonde ndi vitatu, (18,000), ndipo zina la msumba kutuwa zuŵa lino mpaka ku muyaya likaŵanga, Ambuya ŵe mwenimuwa.”

Danyele 9:16

Ambuya kwakulingana ndi nchitu zinu za urunji, zomerani kuti ukari winu ndi kandundu kinu vituwepo pa msumba winu Yerusalemu, phiri linu lakupaturika; chifukwa cha maulakwi ghidu ndi uchikana marangu wa auskefwe, Yerusalemu ndi ŵanthu ŵinu ŵaŵa chitozeru kwaku wose ŵakutizingirizga.

Yoele 3:17

“Viyo mukaziŵanga kuti ine ndine Ambuya Chiuta winu, yo waja mu Zioni, phiri langu lakupaturika. Ndipo Yerusalemu waŵenge wakupaturika ndipo ŵalendo ŵaporotengemo so cha.

Yoele 3:21

Nditayiyenge thayu pa ndopa zawo, ndipo kuti ndiphotonge ŵalakwi cha, chifukwa Ambuya ŵaja mu Zioni.”

Mika 4:1

Mu mazuŵa ghakumariya phiri la nyumba ya Ambuya likamikikanga kuŵa litali kuruska mapiri ghose, ndipo likatumphuliskikanga kuŵa litali kuruska mapiri ghose; ndipo ŵanthu ŵamundonde kwaku lo,

Zefaniya 3:13

Ŵakujako mu Yisraele; kuti ŵachitenge kanthu kaheni cha, pamwenga kukamba utesi, chingana ndi mu mlomo mwawo kuti lisanirikengemo lilime la utesi cha. Chifukwa ŵarghenge ndi kugona pasi, ndipo pakaŵangavi wakuŵawofya.”

Zekariya 1:16

Chifukwa ichi, atiti Ambuya, Ndawere ku Yerusalemu ndi lisungu; nyumba yangu yizengekenge mwenimo, atiti Ambuya ŵa maŵanja; ndipo chingwe chakupimiya chikatambarukiyanga pachanya pa Yerusalemu.

Zekariya 12:6

Mu zuŵa lo ndichitenge mafuku ghaku Yuda kuŵa nge nchiŵiya chamoto mukati mu nkhuni, nge ndi chenje mukati mu nchinda; uwochenge ŵanthu wose kwakuzunguriya ku marghe ndiku maze, pa nyengo yo Yerusalemu wakaŵanga weche ndi ŵakujamo mu malo ghake, mu Yerusalemu.

Zekariya 14:10

Charu chose chiŵenge chidika kutuwa ku Geba kwachifika ku Rimoni ku mwera kwa Yerusalemu. Kweni Yerusalemu wajenge wakutumphuka pa malo ghake, kutuwa ku Likomo laku Benjamini kwachifika ku malo gha likomo la kale, ku Likomo laku chi Ngodya ndi kutuwa ku Msumba waku Hamanele kwachifika ku vyakupondiyamo mphereska vya karonga.

Zekariya 8:16

vinthu vyo muchitenge ndi ivi: Kambani uneneska munthu yose ku munyake, chitani mu malikomo ghinu vyeruzgu vya uneneska ndi vyakupanga chimangu,

Zekariya 8:19

“Viyo atiti Ambuya ŵa maŵanja: Kufunga kwa mwezi wachinayi, ndi kufunga kwa wachinkhonde, ndi kufunga kwa wa chinkhonde ndi chiŵi, ndi kufunga kwa wa chumi, kukaŵanga ku nyumba yaku Yuda mu nyengo za likondwa ndi chimwemwe, ndi madghera ghakusangaruska; viyo mwanje uneneska ndi chimangu.

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Yohane 14:23

Yesu wangwamuka, wangumnene, “Asani yumoza watindanja, wasungenge mazu ghangu, ndipo Ada ŵamwanjenge, tizenge kwaku iyo, ndipo tijichitiyenge uja pamoza nayo.

2 ŴaKorinte 6:16

Ndipo ndine yanu lapa kasopi waku Chiuta ndi vyangoza? Chifukwa ndifwe kasopi waku Chiuta wamoyo; nge ndimo Chiuta wanene, “Nkhajariyanga mwaku wo, ndipo nkhendeyanga mwaku wo, ndipo nkhaŵanga Chiuta wawo, ndipo iwo ŵakaŵanga khamu langu.

ŴaKolose 2:9

Pakuti mwaku iyo ndimo mwe uzali wose wauchiuta muliŵavu,

Chivumbuzi 21:10

Ndipo wangunditore mu Mzimu ku phiri likuru ndi litali, ndipo wangundirongo msumba wo wakupaturika, Yerusalemu, wakusikako kuchanya kutuliya kwaku Chiuta,

Chivumbuzi 21:27

Kweni kuti kaserenge mwake cha kanthu kose kawaka, chingana ndi yo wachita kaukazuzi pamwenga wakukamba utesi.

Chivumbuzi 21:3

Ndinguvwa mazu ghakuru kutuliya ku chitengu-chaufumu cho, ghakuti, “Awonani, hema lo laku Chiutale mukati mu ŵanthu, ndipo wagoŵiyenge mukati mwawo, ndipo iwo ŵaŵenge makamu ghake, ndipo Chiuta iyo waŵenge pamoza nawo, Chiuta wawo.