Zekariya 8:22 - Tonga Bible 1986

²² Ŵanthu ŵanandi ndi mitundu yanthazi yikazanga, kupenja Ambuya ŵa maŵanja mu Yerusalemu ndi kupempha wezi wa Ambuya.

Zekariya 8:22 ပူးပေါင်းရင်းမြစ်များ

Sumu 68:30

Chenyani Egipiti, nyama ya mudondo mu matete; chenyani mitundu, miskambu ya zinkhuzi ndi matholi ghawo, mpaka penipo wose ŵangwada pasi ndikukuthuliyani siliva wawo. Mbininiskani ŵanthu wo ŵatanja kuchita nkhondo!

Yesaya 2:2

Ghazamufiskika mu mazuŵa gha pavuli kuti phiri la nyumba ya Ambuya lazamchitika kuŵa litali kwakuruska mapiri ghanyake, ndipo lazamtumphuskika pachanya pa mithuthu; ndipo makhamu ghose ghazamuwungana kwaku lo,

Yesaya 2:3

ndipo ŵanthu ŵanandi ŵakazanga ŵakatinge: “Zaninga, tikweriyenge ku phiri la Ambuya, ku nyumba yaku Chiuta waku Yakobe, alinga watisambizge nthowa zake, ndi kuti ifwe tendenge mu tunthowa twake.” Pakuti dangu likatuwanga mu Zioni, ndi mazu gha Ambuya, ghakatuwanga mu Yerusalemu.

Yesaya 25:7

Ndipo pa phiri lenili akabwanganduwanga chakuvunikiliya cho chikupong'eka pa ŵanthu wose, chivwinkhu cho chikutandikika, pa mitundu yose.

Yesaya 49:22

Viyo atiti Ambuya Chiuta: “Ehe, ndikasoskiyanga janja langu ku mitundu, ndi kusoska mbendera yangu ku ŵanthu; ndipo wakazanga ndi ŵana ŵako ŵanthurumi mu vifuwa vyawo, ŵana ŵako ŵanthukazi ŵakanyamulikanga pa mapheŵa ghawo.

Yesaya 49:6

Iyo watiti: “Nkhanthu kayuyu ukongwa kuti iwe uŵe mteŵeti wangu kuyuska mitundu yaku Yakobe kuwerezgiyapo wakuvikirika waku Yisraele; ndikakupaskanga iwe nge ndi lumbuni ku mitundu, mwakuti utaski wangu ufike ku chigoti cha charu chapasi.”

Yesaya 55:5

Ehe, ukadananga mitundu yo kuti utiyiziŵa cha, ndipo mitundu yo yengavi kukuziŵa yikachimbiyanga kwaku iwe, chifukwa cha Ambuya Chiuta wako, ndi cha Mtuŵa Yumoza waku Yisraele, pakuti wakukankhuska iwe.

Yesaya 66:23

Kutuwa ku mwezi ufya kuya ku mwezi ufya, ndi kutuwa ku sabata kuya ku sabata, nyama yose yikazanga kusopa paurongo pangu, atiti Ambuya.

Yeremiya 4:2

ndipo asani mukarapanga, ‘Mo ŵajaliya Ambuya ŵamoyo,’ mu uneneska, mu urunji, ndi mu kunyoroka, sono ndipo mitundu yikatumbikikiyanga mwaku imwe, ndipo mwaku imwe yikatumbwiyanga.”

Mika 4:2

ndi mitundu yinandi yikazanga ndi kunena kuti: “Tiyeni tikwere ku phiri la Ambuya, ku nyumba yaku Chiuta waku Yakobe; mwakuti watisambizge nthowa zake ndi kuti tendenge mwaku zo.” Chifukwa ku Zioni kukatuwiyanga dangu, ndi mazu gha Ambuya ghakatuwiyanga ku Yerusalemu.

Mika 4:3

Ŵakayeruzganga ŵanthu ŵanandi, ndipo wakachenyanga mitundu yanthazi yo yekutali; ndipo ŵasulenge malipanga ghawo kuŵa mayembe, ndi mikondo yawo kuŵa vimayi vyakuvuniya. Mtundu ukarekanga kupong'a nkhondo pa mtundu unyake, chingana nkhuti usambiri so zankhondo.

Hagayi 2:7

ndipo nkhasukuniskanga mitunda yose, mwakuti usambasi wa mitundu yose uzengemu, ndi nkhazazanga nyumba iyi ndi unkhankhu, atiti Ambuya ŵa maŵanja.

Zekariya 14:16

Ndipo yose yo wasiyika, mu mitundu yose yo yinguza kulimbana ndi Yerusalemu, wakwerenge chirimika ndi chirimika kusopa karonga, Ambuya ŵa maŵanja, ndikusunga dghera la misasa.

Zekariya 8:21

Ŵanthu ŵamu msumba umoza ŵarutenge ku msumba unyake, ndi kuti, ‘Tiyeni tendeske tikapemphe wezi wa Ambuya, ndi kupenja Ambuya ŵa maŵanja; ine nane so ndiruta.’

ŴaGalatia 3:8

Ndipo lembo lo, pakuwone limu kuti Chiuta kutuwa ku chivwanu warunjiskenge ŵaMitundu, lingutauliya limu evangeli kwaku Abrahamu, lakuti, “Mwaku iwe yikatumbikikanga mitundu yose.”

Chivumbuzi 15:4

Njani warekenge kopa imwe, Ambuya, ndi kukankhuska zina linu? Pakuti ndimwe pe mwe ŵakupaturika. Chifukwa mitundu yose yikazanga, ndipo yilambiyenge paurongo pinu; pakuti vyeruzgu vinu vyakurunjika vyawoneka pakweru!”

Chivumbuzi 21:24

Mu ukweru wake yikendanga mitundu yo: ndipo ŵakaronga ŵapanupasi ŵatolenge mwake unkhankhu wawo.