Zekariya 8:20 - Tonga Bible 1986

²⁰ “Viyo atiti Ambuya ŵa maŵanja: Kukaŵanga so kuti ŵanthu ŵazenge, ŵanthu ŵamu misumba yinandi.

Zekariya 8:20 ပူးပေါင်းရင်းမြစ်များ

1 ŴaKaronga 8:41

“Kwakuyana so ndi mlendo, yo kuti ngwa khamu la ŵanthu ŵinu ŵaYisraele cha, asani watuwa kucharu chakutali chifukwa cha zina linu,

1 ŴaKaronga 8:43

vwani imwe kuchanya ko malo gha uja winu, ndipo chitani kwakulingana ndi chose cho mulendo wadaniya kwaku imwe; mwakuti ŵanthu wose ŵa charu chapasi ŵaziŵe zina linu ndi kumopani imwe nge ndimo ŵachitiya ŵa khamu linu Yisraele, mwakuti ŵaziŵe kuti nyumba iyi ndazenga yidanika ndi zina linu.

Sumu 102:22

penipo mitundu ndi maufumu ŵaunjikana pamoza kusopa Ambuya.

Sumu 22:27

Vigoti vyose vya charu chapasi vikumbukenge ndi kuwere ku Ambuya; ndipo mafuku ghose gha mitundu ya ŵanthu gha sopenge paurongo pinu.

Sumu 72:17

Zina lake lijaririye muyaya, mbiri yake yirutiliyenge mo liliri lumwi. Yimurumbenge mitundu yose, ŵanthu wose ŵapemphe Chiuta kuti waŵatumbike, nge ndimo watumbikiya karonga.

Sumu 89:9

Imwe muwusa pa nyanja za kulimba muchetamiska ukari wa mayigha ghake.

Yesaya 11:10

Mu zuŵa liya msisi waku Jese ukamanga nge nchiziŵisku ku ŵanthu, iyo ndiyo mitundu yikapenjanga: ndipo mwakuja mwake mukaŵanga mwaunkhankhu.

Yesaya 45:14

Viyo atiti Ambuya: “Uromba wa Egipiti ndi maronda gha Etiopia ndi ŵaSabiyani, ŵanthu ŵatali, ŵakazanga kwako ndipo ŵakaŵanga vyako, vikakurondonga; vikazanga mu maunyolo ndi kukujikamiya. Ŵazamuŵeyere kwako, ŵachinena kuti, ‘Chiuta wendi iwe pe, ndipo kulivi so munyake, pade paku iyo palivi Chiuta munyake.’ ”

Yesaya 49:6

Iyo watiti: “Nkhanthu kayuyu ukongwa kuti iwe uŵe mteŵeti wangu kuyuska mitundu yaku Yakobe kuwerezgiyapo wakuvikirika waku Yisraele; ndikakupaskanga iwe nge ndi lumbuni ku mitundu, mwakuti utaski wangu ufike ku chigoti cha charu chapasi.”

Yeremiya 16:19

Ambuya mwe, nthazi yangu ndi linga langu lakukho, nchakudingang'amo changu, muzuŵa la suzgu, kwaku imwe mitundu yikazanga kutuwa ku vigoti vya charu ŵazamunena kuti, “Auskefwe kuti ŵaharapo so kanthu kanyake cha kweni mautesi pe, tunthu twambura ndi kanthu mwaku twenito mulivi kakwanduwamo.

Hoseya 1:10

Ndipuuli unandi wa ŵaYisraele uŵenge nge ndi mchenga wamu nyanja weniwo kuti ungapimika chingana nkhuŵerengeka cha; ndipo mu malo mwenimo mungukambikiya kwaku iwo, kuti, “Ndimwe ŵanthu ŵangu cha,” mwenimo so ndimo kukakambikiyanga kwaku iwo kuti, “Ŵana ŵaku Chiuta wamoyo.”

Hoseya 2:23

ndipo nkhamupandanga mu charu chifukwa chaku ndamweni. Ndipo nkhaŵanga ndi lisungu paku yo ‘Wambura kuchitikiya lisungu,’ ndipo nditinge ku ŵanthu ŵangu cha. ‘Ndimwe ŵanthu ŵangu’; ndipo iyo watinge, ‘Imwe mwe Chiuta wangu.’ ”

Amosi 9:12

mwakuti ŵaronde ŵakujako ŵaEdomu, ndi mitundu yose yo yidanika ndi zina langu,” atiti Ambuya wo achita ichi.

Mika 4:3

Ŵakayeruzganga ŵanthu ŵanandi, ndipo wakachenyanga mitundu yanthazi yo yekutali; ndipo ŵasulenge malipanga ghawo kuŵa mayembe, ndi mikondo yawo kuŵa vimayi vyakuvuniya. Mtundu ukarekanga kupong'a nkhondo pa mtundu unyake, chingana nkhuti usambiri so zankhondo.

Zekariya 2:11

Ndipo mitundu yinandi yiwunganenge kwa Ambuya mu zuŵa lo, ndipo ŵakaŵanga ŵanthu ŵangu; Ine ndijenge mukati mwako, ndipo uziŵenge kuti Ambuya ŵa maŵanja andituma kwako.

Malaki 1:11

Chifukwa kutuwa ku maturi ghadazi mpaka ku maselero ghake, zina langu ndikuru mukati mu mitundu, ndipo mu malo ghose vipaskika kwaku ine vyakununkhira ndi mipasku yakutowa, chifukwa zina langu ndikuru mukati mu mitundu, atiti Ambuya ŵa maŵanja.

Mateyu 8:11

Ndipo ndinena namwe, kuti ŵanandi kutuwa ku vuma ndi ku zambwe ŵazenge, ndipo ŵajenge pasi pamoza ndi Abrahamu ndi Yisaki ndi Yakobe mu ufumu wakuchanya,

Machitidu gha Ŵakutumika 15:14

Simoni wakonkhoma mo Chiuta pa mtendeku wangulereske mu ŵaMitundu kwachitole zina lake khamu.

Machitidu gha Ŵakutumika 15:18

watiti Mbuya, mweniyo wachita vyenivi, kuti viziŵikwe kutuwa ku mtendeku.’

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”