Zekariya 8:14 - Tonga Bible 1986

¹⁴ Chifukwa viyo atiti Ambuya ŵa maŵanja: “Nge ndimo ndingughanaghaniya kuchita chiheni kwaku imwe po auskemwe ŵangundisosomole ku ukari; ndipo kuti ndingugowoka cha, atiti Ambuya ŵa maŵanja,

Zekariya 8:14 ပူးပေါင်းရင်းမြစ်များ

2 Mikoka 36:16

Kweni ŵanguseka ndi kuyuyuwa mathenga ghaku Chiuta ndi kuyeya mazu ghake, ŵanguŵa nyoza ŵamchimi ŵake, mpaka kandundu kaku Chiuta kanguŵayukiya ŵanthu ŵake, mpaka kungusoŵa chakupozge.

Sumu 33:11

Fundu za Ambuya zakujaririya muyaya, maghanaghano gha mtima wawo ku mgonezi yose.

Yesaya 14:24

Ambuya ŵa maŵanja ŵarapa: “Uli ndimo ndarongosole ndimu kukaŵiyanga, nge ndimo ndapimiya, viyo ndimu kukamuŵiyanga,

Yeremiya 20:16

Munthu yo waŵe ndi misumba yeniyo Ambuya anguthereska kwambura lisungu; watenere kuti wavwe kuliya ndi mlenji ndi chenjezgu ndi msana pakati,

Yeremiya 29:11

Pakuti ndiziŵa marongosoledu gha paku imwe, atiti Ambuya, marongosoledu gha umoyo wamampha, gha uheni cha, kukuwoneskani vyamampha vyo vituza ndi vyakugomezga.

Yeremiya 31:28

Ndipo kukaŵanga, uli ndipo ndaŵalereze pa kupawuwa ndi kufyore pasi, kuwiska, kunanga, ndi kutoliyapo chiheni, viyo ndikaŵalereziyanga so pa kuzenga ndi kupanda, atiti Ambuya.

Yeremiya 32:42

“Viyo atiti Ambuya: Kwakulingana ndimo ndatole viheni vyose vikuru ivi pa ŵanthu yaŵa, ndimu so ndikatoliyanga paku wo vyamampha vyose vyenivyo ndipangana nawo.

Yeremiya 4:28

Charu chapasi chikatenjenga chifukwa chaku ivi ndipo kuchanya kukafipanga; pakuti ndakamba, ndasimikizga mtima; ndilivi kugowoka chingana nkhuti ndikawerenga vuli nako so cha.”

Ezekiele 24:14

Ine Ambuya ndarongoro; kukachitikanga, ndikachichitanga; kuti ndikaweriyanga kuvuli cha, kuti ndikarekeliyanga, pamwenga kugowoka nako so cha, kwakulingana ndi nthowa zako ndi machitidu ghako ndikakweruzganga, atiti Ambuya Chiuta.”

Zekariya 1:2

“Ambuya? Angutundiya ukongwa ndi auskemwe.

Zekariya 1:6

Kweni mazu ghangu ndi marangu ghangu gho ndingulanguliya ŵateŵeti ŵangu ŵamchimi, kuti ghanguŵasaniya cha auskemwe? Viyo ŵanguwe ŵanguti, Nge ndimo Ambuya ŵa maŵanja angughanaghaniya kuchitiya ifwe chifukwa cha nthowa zidu ndi nchitu zidu, viyo ndimo achitiya nafwe.”