Zekariya 7:9 - Tonga Bible 1986

⁹ “Viyo atiti Ambuya ŵa maŵanja, yeruzgani cheruzgu chakuneneska, rongoni ulemu ndi chisungusungu munthu yose ku munyake,

Zekariya 7:9 ပူးပေါင်းရင်းမြစ်များ

2 Samuele 9:7

Davidi wangunena nayo, “Ungopanga; pakuti ndikurongonge lisungu pa chifukwa cha ausu Jonafani, ndipo nkhakuwezgiyanga charu chose chaku Sauli ausu; ndipo ukarghanga pa gome langu mazuŵa ghose.”

Jobu 31:20

asani viwunu vyake vyanditumbika cha, ndipo asani kuti wangufundiskika cha ndi chakudika cha weya wa mberere;

Jobu 6:14

“Yo wakana kuchitikiya ulemu ndi mubwezi wake, wareka kopa Wanthazi-zose.

Nthanthi 21:3

Kuchita urunji ndi cheruzgu chirunji vyamarondeka ku Ambuya kwakuruska mipasku.

Yeremiya 21:12

wa nyumba yaku Davidi! Atiti viyo Ambuya: Chitani cheruzgu chirunji ndi mlenji, ndipo umutaske ku janja la wakumukandirizga yo wakwamphulika vyake, vinu ukari wangu ungatuwa uli ndi moto, ndi kocha, po paulengevi wakuwuzimwa, chifukwa cha machitidu ghinu ghaheni.’ ”

Yeremiya 22:3

Viyo atiti Ambuya: Chitani cheruzgu chirunji ndi ukongorekwa, taskani ŵakuskoŵeka mu janja la wakumusuzga yo. Ndipo rekani kunangiya pamwenga ku chitiya phuzu mlendo, wambura awiske, ndi choko, chingana nkhudira ndopa zambura kalema mu malo yagha.

Yeremiya 7:23

Kweni langulu lo ndinguŵapaska ndi ili, ‘Muvwiyenge mazu ghangu, ndipo ine ndikaŵanga Chiuta winu, imwe mukaŵanga ŵanthu ŵangu; mwendenge mu nthowa yose yo ndikulanguliyani alinga kukuŵiyeninga umampha.’

Yeremiya 7:5

“Pakuti asani munozga nthowa zinu ndi machitidu ghinu, asani muteruzga nadi cheruzgu chirunji yumoza ndi munyake,

Ezekiele 18:8

kuti wakongoreska pa kukhumba chanduwu chapamwenga kuto vyakusazgiyapo, wakanizga janja lake ku kuchita mphurupuru, wateruzga cheruzgu cha uneneska pa ku uyu ndi yuwa,

Ezekiele 45:9

“Viyo atiti Ambuya Chiuta: Mbwenu, mwa ŵaKaronga ŵaku Yisraele! Rekani chiwawa ndi nkhaza, chitani cheruzgu ndi urunji; rekani kudikiska ŵanthu ŵangu, atiti Ambuya Chiuta.

Hoseya 12:7

Wamaronda, yo mu manja ghake mwe myeso yakupusika, watanja kusuzga.

ŴaLevi 19:15

“Mungapenevyanga mu cheruzgu. Mungayeyanga mukavu; pamwenga kupayika mrando wa wakuzirwa kweni mu ukongorekwa ndimo mweruzgiyenge muzengezgani winu.

Amosi 5:24

Kweni rekani uneneska wendi nge ndi maji, ndi urunji nge ndi msinji wakupopoma mazuŵa ghose.

Mika 6:8

Iyo wakurongo wa munthu, cho nchamampha, ndi cho Ambuya akhumbiya iwe, kweni kuchita urunji, ndi kwanja ulemu, ndi kwenda kwakujiyuyuwa ndi Chiuta wako?

Zekariya 7:7

Pa Yerusalemu wenga ndi ŵakujamo ndi usambasi, ndi mizi yake yakumuzungurizga, ndipo ŵanthu ŵajanga kuchiri kumwera ndi mu chidika, kumbi asi ndi yagha mazu gho Ambuya anguwandiska ndi ŵamchimi wawo ŵakale?”

Zekariya 7:8

Ndipo mazu gha Ambuya ghanguza kwaku Zekariya, ghakuti,

Mateyu 23:23

“Owe, mwa ŵalembi ndi mwa ŵaFarisi imwe, mwaŵakufuvya, pakuti cha chichumi nge ndi maŵe, mapira, ndi chitoŵe mupereka, kweni mureka vizitu vyakuzirwa vya langulu, cheruzgu, lisungu, ndi chivwanu: ivi ndivyo mungwenere kuchita, sono pavuli musazgiyeko vinyake vyo.

Luka 11:42

“Kweni owe kwaku imwe, mwaŵaFarisi! Pakuti mupereka vyachichumi, nthenderu ndi vyema ndi sungwi yose, ndipo mujumpha cheruzgu ndi chanju vyaku Chiuta: kweni kungwenere kuchita vyenivi, ndi viya kuvireka cha.

Yohane 7:24

Mungeruzga kwakuyana ndi kawonekero cha, kweni mweruzge cheruzgu chirunji.”

Yohane 7:51

“Kumbi langulu lidu literuzga munthu kwambura kuti lavwa danga kwaku iyo, ndi laziŵa cho wachita?”

Marangu 22:1

“Kuti mukayilekanga waka ng'ombe pamwenga mberere ya mwana munyinu cha yichilandiya kwa waka, pakureka kuyovya. Mukaziwezgiyanga ku mwana munyinu.