Zekariya 7:7 - Tonga Bible 1986

⁷ Pa Yerusalemu wenga ndi ŵakujamo ndi usambasi, ndi mizi yake yakumuzungurizga, ndipo ŵanthu ŵajanga kuchiri kumwera ndi mu chidika, kumbi asi ndi yagha mazu gho Ambuya anguwandiska ndi ŵamchimi wawo ŵakale?”

Zekariya 7:7 ပူးပေါင်းရင်းမြစ်များ

Yesaya 55:3

Khazgani gutu linu, zani kwangu; vwani, alinga kuti mzimu winu uŵe wamoyo; ndipo ndikachitanga namwe phanganu la muyaya, chifundu changu, chanju changu nchakukho nadi paku Davidi.

Yeremiya 13:19

Mizi yaku Negebu yajarika, palivi yo wangayijura; Yuda yose wayoreke ku umkoli Ku umkoli wakufikapo.

Yeremiya 17:26

Ndipo ŵakazanga kutuwa ku misumba yaku Yuda ndi malo ghakuzunguliya Yerusalemu, kutuwa ku charu chaku Benjamini, kutuwa ku Sherela, ku charu cha mitunthu, ndi kutuwa ku Negebu ŵakupinga mipasku yakocha ndi zisembe, mipasku ya ufwa ndi vyachema, ndi kuza ndi mipasku ya kuwonge ku nyumba ya Ambuya.

Yeremiya 22:21

Ndingurongoro nawe mu kusakata kwako, kweni iwe unguti, ‘Kuti ndivwengeko cha.’ Umu ndimu yaŵiya nthowa yako kutuwa ku uhurwa wako, kuti wavwiya mazu ghangu cha.

Yeremiya 32:44

Ŵanthu ŵakagulanga minda ndi ndrama, ndikulemba ŵakalata ŵakuguliyanapo, kuŵazighiriya ndi kudaniyapo ŵakaboni, mu charu chaku Benjamini, mu malo ghakuzunguliya Yerusalemu, ndi mu misumba yaku Yuda, mu misumba ya charu cha mitunthu, mu misumba yaku Shefela, ndi mu misumba yaku Negebe, pakuti ndikawezganga ŵamikoli ŵawo atiti Ambuya.”

Yeremiya 33:13

Mu misumba ya mu charu cha mitunthu, mu misumba ya Shefela, ndi mu misumba ya ku Negebe, mu charu chaku Benjamini, mu malo ghaku Yerusalemu, ndi mu misumba yaku Yuda, miskambu yikaŵerengekanga so ndi manja gha ŵakuyiŵerenga, atiti Ambuya.

Yeremiya 44:4

Kweni kaŵikaŵi ndingukutumiyani ŵateŵeti ŵangu ŵamchimi, kuti, ‘Okwe, rekani kuchita chinthu ichi cha ukazuzi chenicho nditinkha!’

Yeremiya 7:23

Kweni langulu lo ndinguŵapaska ndi ili, ‘Muvwiyenge mazu ghangu, ndipo ine ndikaŵanga Chiuta winu, imwe mukaŵanga ŵanthu ŵangu; mwendenge mu nthowa yose yo ndikulanguliyani alinga kukuŵiyeninga umampha.’

Yeremiya 7:5

“Pakuti asani munozga nthowa zinu ndi machitidu ghinu, asani muteruzga nadi cheruzgu chirunji yumoza ndi munyake,

Zekariya 7:12

Wangunonopeska mitima yawo gwa nge ndi mwa, kuti ŵangavwa dangu ndi mazu gho Ambuya ŵa maŵanja angutuma mu Mzimu wawo mu ŵamchimi cha. Chifukwa ichi kunguza ukari kutuwa kwa Ambuya ŵa maŵanja.

Zekariya 7:6

Mu chirgha ndi kumwa, kumbi kuti mujirghiya ndi kujimwiya mwaŵeni cha?

Zekariya 7:8

Ndipo mazu gha Ambuya ghanguza kwaku Zekariya, ghakuti,

Marangu 34:3

Negebu ndi Dambo, lo ndilo dambo la Yeriko, wo ndi msumba wa mingwalangwa, kwachifika ku Zoari.