Zekariya 7:6 - Tonga Bible 1986

⁶ Mu chirgha ndi kumwa, kumbi kuti mujirghiya ndi kujimwiya mwaŵeni cha?

Zekariya 7:6 ပူးပေါင်းရင်းမြစ်များ

1 Mikoka 29:22

ŵangurgha ndi ŵangumwa pa maso pa Ambuya ndi likondwa likuru pa zuŵa liya. Ndipo pa zuŵa la chiŵi, ŵangumumika Solomoni mwana wa karonga Davidi, ndipo ŵangumtukutizga mafuta nge ndi karonga wa Ambuya, ndipo Zadoki nge mzukuru.

Yesaya 43:23

Mulivi kundiziya ndi mberere za visopo vya kocha, pamwenga kundipaska thumbiku ndi mipasku yinu. Ndilivi kukupingizgani ndi mipasku, pamwenga kumuvuskani ndi vyachema.

Yesaya 58:3

‘Chifukwa chine tafunga, ndipo iwe kuti utichiwona cha? Chifukwa chine tajorovya ndipo iwe kuti uziŵa ichi cha?’ Ehe, mu zuŵa lakufunga kwinu mupenja vyakumukondwereskani vyakumwija, ndipo muyuzga ŵa nchitu ŵinu wose.

Hoseya 8:13

Ŵatanja sembe; ŵapereka sembe ya nyama ndi ŵatiyirgha; kweni Ambuya kuti akondwa nawo cha. Sono wakumbukenge ubendezi wawo ndikuŵaranga chifukwa cha kulakwa kwawo; ŵawerenge so ku Egipiti.

Hoseya 9:4

Kuti ŵamupaska sembe za vinyo cha kwa Ambuya; ndipo kuti ŵakumukondweska iyo cha ndi sembe zawo. Chiŵande chawo chikaŵanga nge nchiŵande cha ŵakutenje; wose wo ŵakachirghanga ŵakakazuzgikanga chifukwa chiŵande chawo chiŵenge cha nja yawo pe; kuti chikaserenga mu nyumba ya Ambuya cha.

Zekariya 7:5

“Kamba ku ŵanthu wose ŵamu charu ndi ku ŵazukuru, kuti, muchifunga ndi kutenje mu mwezi wa chinkhonde, ndi wa chinkhonde ndi chiŵi kwa virimika ivi machumi ghankhonde ndi ghaŵi (70) kumbi mungufungiya ine?

Zekariya 7:7

Pa Yerusalemu wenga ndi ŵakujamo ndi usambasi, ndi mizi yake yakumuzungurizga, ndipo ŵanthu ŵajanga kuchiri kumwera ndi mu chidika, kumbi asi ndi yagha mazu gho Ambuya anguwandiska ndi ŵamchimi wawo ŵakale?”

1 ŴaKorinte 10:31

Viyo chingana muturgha, chingana mutumwa, chingana muchitanji, chitiyani vyose ku unkhankhu waku Chiuta.

Marangu 12:7

Kweniko ndiku mukarghiyanga pa nthazi pa Ambuya Chiuta winu, ndipo mukakondwanga, imwe ndi ŵamunyumba zinu wose, pakuchita vyose vyo Ambuya Chiuta winu wamatumbikani navyo.

Marangu 14:26

ndipo mugule ndi ndrama zo chose cho munweka ng'ombe; pamwenga mberere, pamwenga vinyo, pamwenga chakumwa cha nthazi pamwenga chose chinyake cho mukhumba, ndipo mukavirghiyanga kwenikuwa panthazi pa Ambuya Chiuta winu. Mukondwe, imwe ndi ŵamunyumba zinu wose,

ŴaKolose 3:17

Ndipo chose cho mungachita, mu mazu pamwenga mu nchitu, chitiyani vyose mu zina la Mbuya Yesu, ndipo muwongeni Chiuta Dada mwaku iyo.

1 Samuele 16:7

Kweni Ambuya anguti kwaku Samuele, “Reka kulereska pa kawonekero kake nanga mphautali wa msinkhu, wake, chifukwa ine nda mukana; pakuti ine kuti ndiwona mo munthu wawone cha; munthu walereska pa kawonekero ka kubwaro, kweni Ine ndilereska mtima.”