Zekariya 7:14 - Tonga Bible 1986

¹⁴ “Ndipo ndinguŵambininiska ndi kanthenga mukati mu mitundu yose yo iwo kuti ŵangiyiziŵa cha. Viyo charu cho ŵangutuwamo chinguja mahame, kwengavi munthu wakwendamo, ndipo charu chakutowa chenga bozwa.”

Zekariya 7:14 ပူးပေါင်းရင်းမြစ်များ

2 Mikoka 36:21

kufiska mazu ghaku Chiuta mu mlomo waku Yeremiya mpaka charu chingusekere ndi masabata ghake. Nyengo yose yo chingajariya pasulu chingusungiriya sabata kuruska virimika machumi ghankhonde pachanya ghaŵi.

Sumu 58:9

Sosonukweni, mimphika yinu yenga yindakonde moto wu minga pamwenga yiŵisi pamwenga yakukore, waŵatuzgengepo wose tetete.

Yesaya 17:13

Mitundu yi wuruma uli nkhuwuruma kwa maji ghanandi; kweni wakaŵakaripiyanga, ndipo ŵakathaŵiyanga kutali, kudikiskika nge ndi mwere pa mapiri paurongo pa mphepo, ndi fuvu la kavuruvuru paurongo pa lirondo.

Yesaya 21:1

Vyakukambika vyapa bozwa la nyanja. Mo ŵakavuruvuru mu Negebu ŵaputiya kutuwa ku bozwa mu charu chakofya.

Yesaya 60:15

Chingana mungujoworeka ndi kutinkhika, po pengavi nanga njumoza wakuporotamo, ndikamuchitaninga kuŵa wa ufumu muyaya, likondwa laku mgonezi ndi mgonezi.

Yesaya 66:15

“Pakuti ehe, Ambuya akazanga mu moto, ndi magareta ghawo nge ndi mphepo ya lirondo, kupereka ukari wowo mu ufyu, ndi kususka kwake nge nkhulipuka kwa moto.

Yeremiya 12:10

Ŵaliska ŵanandi ŵabwanganduwa munda wangu wa mphereska, ŵapwatiya pasi chigaŵa chinga, charu changu cha kukondweska ŵachisanduska bozwa la uyiku.

Yeremiya 23:19

Ehe, lirondo la Ambuya! Ukari watuwa, lirondo la kavuruvuru likavundumukiyanga pa mutu wa muheni.

Yeremiya 30:23

Ehe lirondo la Ambuya! Ukari watuwa, lirondo lakavuruvuru, likaswekiyanga pa mutu wa muheni.

Yeremiya 36:19

Sono ŵaraŵara ŵanguti kwaku Baruki, “Rutanga mukabisami, iwe ndi Yeremiya, ndipo mungaziŵiskangapo nanga njumoza cha kweniko muli.”

Yeremiya 44:6

Chifukwacho ukari wangu ndi kukwiya kwangu vingudika ndi vingukole mu msumba yaku Yuda ndi mu miseu ya Yerusalemu; ndipo vinguŵa phasulu ndi mapopa, nge ndimo kuliri msana wale.

Yeremiya 5:15

“Ehe, ndikatolenga paku iwe mtundu wakutuliya kutali wa nyumba yaku Yisraele, atiti Ambuya. “Uwu ndi mtundu wakukhwima, ndi mtundu wamwaka, mtundu weniwo mazu ghake imwe mulivi kughaziŵa, chingana nkhuti mungawamo cha cho warongoro.

Yeremiya 52:30

Mu chirimika cha machumi ghaŵi pachanya vitatu chaku Nebukadanezara, Nebuzaradani nduna ya ŵakuvikiriya wangunyamuliya mu umkoli, ŵaYuda, machumi pe chumi ghankhonde ndi ghaŵi ndi machumi ghanayi ndi ŵankhonde (745); ŵanthu wose ŵenga vikwi vinayi ndi machumi pe chumi ghankhonde ndi limoza (4,600).

Ezekiele 12:19

kamba vya ŵanthu ŵa charu, Viyo atiti Ambuya Chiuta wakuja mu Yerusalemu mu charu cha Yisraele: Ŵakarghanga chiŵande chawondi kufipa mtima, ŵakamwanga maji ndi kuzizwa chifukwa charu chawo chikapururikanga vyose vyo vilimo, pa chifukwa cha viwawa vyaku wose ŵakuja mwenimo.

Ezekiele 22:15

Ndikumbininiskiyenge mukati mu mitundu ndi kukuparghang'iya mu vyaru, ndipo ndikamaranga ukazuzi mwaku iwe.

Ezekiele 5:10

Mu chifukwa cho auskeu ŵakarghanga ŵana ŵawo mukati mwinu, ndipo ŵana ŵakarghanga auskeu; ndikaŵikanga cheruzgu paku imwe, ndipo we yose wakujapo mwaku imwe ndikamdikiskiyanga ku mphepo zose.

Danyele 8:9

Mu limoza laku gho mungume sengwe limoza limana lenilo lingukuwa ukongwa kulazga ku malaŵi ndi ku vuma, ndi kulazga ku charu chakutumbikika.

Hoseya 9:17

Chiuta wangu waŵatayenge, chifukwa ŵalivi kumuvwiya; ŵaŵenge ŵakuyinga mukati mu mitundu.

Yoele 2:3

Moto ukole paurongo pawo, ndi kuvuli kwawo mlipu utocha. Charu chenge ndi munda wa Edene paurongo pawo, kweni kuvuli kwawo mabozwa ghasokwa, kulivi kanthu kakupozomoka kwaku iwo.

ŴaLevi 26:22

Ndipo nkhakhuŵirizganga vikoko vya mudondo vyo vikampokaninga ŵana ŵinu, ndi kubaya ng'ombe zinu, ndi kuwutuska unandi winu, viyo kuti nthowa zinu zikawuwanga.

ŴaLevi 26:33

Ndipo ndikaparghang'iyanga imwe mu mitundu, ndipo nkhawewepuwanga lipanga mu chibazi kukudikiskani; charu chinu chikaŵanga phasulu, ndipo misumba yinu yikaŵanga mapopa.

Amosi 1:14

Viyo ndipembenge moto mu linga la Raba ndi ukawochanga malinga ghake, ndikamphomezi mu zuŵa la nkhondo; ndi chimphupuru mu zuŵa la kanthenga;

Nahumu 1:3

Ambuya mbachizita ku ukari ndi anthazi zikuru, ndipo kuti Ambuya afwatuwenge ŵalakwi cha. Nthowa yawo yemu kavuru-vuru ndi chimphunga, mitambo ndi fuvu la marundi ghawo.

Habakuku 3:14

Mungurasa mutu wa ŵankhondo ŵake ndi mikondo yinu, wo ŵanguza nge ndi kavuruvuru kundiparghang'a, wakukondwa, kusere kwako kwenga nge nkhudoso ŵakavu ku ubendi.

Zefaniya 3:6

“Ndananga mitundu ya ŵanthu; malinga ghawo ghapasuka. Ndaparghang'a miseu yawo, viyo palivi yumoza watendamo; misumba yawo yapasuka, mulivi munthu, mulivi wakujamo.

Zekariya 2:6

Ehe! Yendeskani, muthaŵeko ku charu chaku nkhonde, atiti Ambuya, chifukwa ndamumbininiskiyani kutali nge ndi mphepo zinayi za kuchanya, atiti Ambuya.

Zekariya 8:1

Ndipo mazu gha Ambuya ŵa maŵanja ghanguza so kwaku ine, kuti,

Zekariya 9:14

Viyo Ambuya awonekenge pachanya pawo, ndipo muvwi wawo utewenge nge ndi limphezi; ndipo Ambuya Chiuta wambenge mbata ndi kwenda mu ŵakavuruvuru ŵaku mwera.

Marangu 28:33

Mtundu wo mulivi kuziŵa ukarghanga vipasi vya nyata yinu ndi vya kutakataka kwinu kose. Ndipo mukazitiskikanga ndi kuphwanyika rutaruta;

Marangu 28:49

Ambuya akazanga ndi mtundu wa ŵanthu kutuwa ku mpherekezgu za charu chapasi, upusu wawo nge nkhaphururukidu ka nombo, mtundu wo mazu ghake kuti mungavwa cha,

Marangu 28:64

Ndipo Ambuya akamumbininiskiyaninga mukati mu ŵanthu wose kwamba ku umari wa charu chapasi, kuya ku unyake, ndipo mwenimuwa mwamuteŵete ŵachiuta ŵamwenga, ŵa muti ndi mwa, ŵeniwo chingana ndimwe chingana mbauskemwe ŵengavi kuŵaziŵa kali.

Marangu 4:27

Ambuya akumuparghang'iyani mu mitundu ya ŵanthu, ndipo mwamusiyika mwamanavi mukati mu mitundu mwenimo Ambuya amudikiskiyeninge.