Zekariya 7:12 - Tonga Bible 1986

¹² Wangunonopeska mitima yawo gwa nge ndi mwa, kuti ŵangavwa dangu ndi mazu gho Ambuya ŵa maŵanja angutuma mu Mzimu wawo mu ŵamchimi cha. Chifukwa ichi kunguza ukari kutuwa kwa Ambuya ŵa maŵanja.

Zekariya 7:12 ပူးပေါင်းရင်းမြစ်များ

2 Mikoka 36:13

Ndipo so wangugarukiya karonga Nebukadanezara yo wangumlapiska ndi Chiuta, wangunonopa khosi lake ndi kunonopeska mtima wake kureka kukwere kwa Ambuya Chiuta waku Yisraele.

2 Mikoka 36:16

Kweni ŵanguseka ndi kuyuyuwa mathenga ghaku Chiuta ndi kuyeya mazu ghake, ŵanguŵa nyoza ŵamchimi ŵake, mpaka kandundu kaku Chiuta kanguŵayukiya ŵanthu ŵake, mpaka kungusoŵa chakupozge.

Jobu 9:4

Ngwazeru mu mtima ndi wakurimba mu nthazi. Njani wajingangamiska kumikana nayo ndi wapunda?

Sumu 50:17

Pakuti iwe utinkha kuchenjezgeka, mazu ghangu utighapong'a kuvuli kwako.

Chituwa 7:13

Ungunonopa mbwenu mtima waku Farao; ndipo kuti wangukhumba kuvwiya cha, uli ndimo Ambuya angukambiya.

Yesaya 46:12

“Tegherezgani kwangu, mwa mitima yinonono, imwe mwe kutali ku chipozomosku:

Yesaya 48:4

Chifukwa ndiziŵa kuti mwe ŵanonono, khosi linu ndi msipi wa chisulo mphunu yinu nja mkuŵa,

Yesaya 6:10

Utuluvye mitima ya ŵanthu yaŵa, makutu ghawo ghaŵe ghazituzitu, ndi ujare maso ghawo; vinu ŵangawona ndi maso ghawo, ŵangavwa ndi makutu ghawo, ndi ŵangawomo ndi mitima yawo, ŵangang'anamuka ndi ŵangachizgika.”

Yesaya 65:12

ine ndikakurongosoliyaninga ku lipanga, ndipo imwe mose mukakotamiyanga pasi kubayika; chifukwa, penipo ndingudana, kuti mungwamuka cha, po ndingurongoro, kuti mungutegherezga cha, kweni mukuchita cho chenga uheni mu maso ghangu, mungusankha cho ine ndengavi kukondwa nacho.”

Yeremiya 17:1

Uheni waku Yuda walembeka ndi peni ya chisulo: ndi songo ya daimoni wazighirika pa chakulembapo cha mtima wawo, ndi pa masengwe gha majochero ghawo,

Yeremiya 17:23

Kweni kuti ŵanguvwa chingana nkhutegherezga cha, kweni ŵangungangamiska khosi lawo, kuti ŵareke kuvwa ndi kuronde chisambizgu.

Yeremiya 26:19

“Kumbi Hezekiya karonga waku Yuda ndi ŵaYuda wose angumubaya? Kuti ŵangopa Ambuya cha ndi wanguŵeyerere lisungu la Ambuya, ndipo kuti Ambuya angugowoka cha ku chiheni chenicho wangutauliya paku wo? Kweni ifwe tikhumba kujidaniya uheni ukuru paku taŵeni.”

Yeremiya 42:21

Ndipo msana wale ndakutauliyani ichi, kweni kuti mwavwiya mazu gha Ambuya Chiuta winu cha, kuchita cho wangundituma kumuneniyani.

Yeremiya 5:3

Ambuya mwe, asi maso ghinu ghapenja uneneska? Imwe munguŵapuma, kweni kuti ŵanguvwa kuŵaŵa cha; imwe munguŵamara, kweni kuti ŵangukhumba kususkikacha. Ŵalimbiska visku vyawo kwakuruska jarawi ŵakana kung'anamuka mtima.

Yeremiya 7:20

Chifukwa cho atiti Ambuya Chiuta; Ehe, kukwiya kwangu ndi ukari wangu vikapungulikiyanga pa malo yagha, pa munthu ndi nyama, pa miti yamu minda ndi chipasi chapa nyata. Vikawochekanga ndipo kuti vikazimwikanga cha.”

Ezekiele 11:19

Ndiŵapaskenge mtima umoza, mukati mwawo ndiŵikenge mzimu ufya; ndituzgengemo mtima wa mwa mu liŵavu lawo ndi kuŵapaska mtima wa munofu,

Ezekiele 14:5

mwakuti ndiko mitima ya ŵa nyumba yaku Yisraele, ŵeniwo wose ŵapatukako kwangu mu ŵangoza ŵawo.

Ezekiele 2:4

Mbanthu ŵakujikuzga ndi ŵakhosi linonono: nditukutuma kwaku iwo; ukaŵanene kuti, ‘Viyo atiti Ambuya Chiuta.’

Ezekiele 36:26

Ndikupaskeninga mtima ufya, ndipo mzimu ufya ndiŵikenge mukati mwinu, ndituzgenge muliŵavu linu mtima wa mwa ndikumupaskani mtima wamnofu.

Zekariya 1:2

“Ambuya? Angutundiya ukongwa ndi auskemwe.

Zekariya 7:7

Pa Yerusalemu wenga ndi ŵakujamo ndi usambasi, ndi mizi yake yakumuzungurizga, ndipo ŵanthu ŵajanga kuchiri kumwera ndi mu chidika, kumbi asi ndi yagha mazu gho Ambuya anguwandiska ndi ŵamchimi wawo ŵakale?”

Mateyu 13:15

Chifukwa watutuŵa mtima wa khamu lenili, ndipo makutu ghawo ghatuvwa chizituzitu, ndi maso ghawo ŵajara; vinu kokuli ŵangathoŵa ndi maso ghawo, ŵangapulikizga ndi makutu ghawo, ndipo ndi mtima wawo ŵangawamo, ndi ŵangang'anamuka ndipo ndingaŵachizga.’

Marko 4:12

alinga kuti kuwona ŵangawona kweni ŵangawamo cha; vinu kokuli ŵangang'anamuka, ndipo ŵangagowokereka.”

Luka 8:12

Ndipo zo zamu mphepete mu nthowa mbeniwo ŵavwa; sono watuza diabolo yo, ndi wapoka mazu ku mtima wawo alinga kuti ŵangavwana ndi kutaskika cha.

Machitidu gha Ŵakutumika 28:27

Chifukwa mtima wa khamu lenili watutuŵa, ndipo ndi makutu ghawo ŵatuvwa chizituzitu, ndipo maso ghawo ŵasizimiya; vinu akhumba ŵangawona ndi maso ghawo, ndi ndi makutu ghawo ŵangavwa, ndipo ndi mtima ŵangawamo, ndipo ŵangang'anamuka, ndipo ine ndingaŵachizga.’

2 Petro 1:21

Chifukwa kuti umchimi wengavi kuza kali ndi khumbo la munthu: kweni ŵanthu ŵakambanga gho ghatuliyanga kwaku Chiuta, pakututuzgika ndi Mzimu Wakupaturika.