Zekariya 6:5 - Tonga Bible 1986

⁵ Ndipo mungelo wangwamuka wanguti, “Ivi viruta ku mphepo zinayi za machanya, vinguti vyajirongo pa maso gha Ambuya ŵa charu chose chapasi.

Zekariya 6:5 ပူးပေါင်းရင်းမြစ်များ

1 ŴaKaronga 19:11

Ndipo wanguti, “Rutanga, ukami pa phiri paurongo pa Ambuya.” Ndipo ehe, Ambuya angudumuwapo, ndipo mphepo yikuru ndi ya nthazi yinguswa mapiri, ndipo yinguswa tumanatumana majarawe paurongo pa Ambuya, kweni Ambuya kuti ŵenga mu mphepo yo cha, pavuli pa mphepo penga chidiririzi, kweni Ambuya kuti ŵenga mu chidiririzi cho cha;

1 ŴaKaronga 22:19

Ndipo Mikaya wanguti, “Chifukwa cho vwani mazu gha Ambuya: ndinguwona Ambuya akuja pa chitengo chawo cha ufumu, ndi liŵanja lose la kuchanya lakuma pafupi nawo ku janja lawo la marghe ndi la maze;

Jobu 1:6

Ndipo linguŵapo zuŵa po ŵana ŵaku Chiuta ŵanguza kuzachijirongo pa maso gha Ambuya, ndipo Satana nayo wanguza mwaku wo.

Sumu 148:8

Moto ndi fukunyira, nyankhuŵinda ndi chiuli, mphepo za nthazi zakuvwiya langulu lake!

Sumu 68:17

Ndi magareta ghanthazi, vikwi machumi ghaŵi (20,000), vikwi pavikwi, Ambuya anguza kutuwa ku Sinai kwazifika mu malo ghakupaturika.

Yesaya 54:5

Pakuti Mlengi wako ndi murumi wako, Ambuya ŵa maŵanja ndilo zina lawo; ndipo Mtuŵa Yumoza waku Yisraele ndiyo Muwombozi wako, Chiuta wa charu chose chapasi ndimu wadanikiya.

Yeremiya 49:36

ndipo ndikatolenga paku Elamu mphepo zinayi kutuwa ku malo ghanayi gha kuchanya; ndikaŵambiniskiyanga ku mphepo zose zo, ndipo kuti kukaŵanga mtundu cha wo ŵalekenge kuyako wo ŵadikiskika mu Elamu.

Ezekiele 11:22

Sono makerubi ghangusoska mapapa ghawo, ndi mikombelo pamoza nagho; ndipo unkhankhu waku Chiuta waku Yisraele wenga pachanya pawo.

Ezekiele 37:9

Sono angunena nane, “Chima ku mvuchi, chima, wa mwana wa munthu, unene mvuchi, viyo atiti Ambuya Chiuta: Mvuchi we, zanga kutuliya ku mphepo zinayi, tutiya pa ŵakubayika yaŵa, mwakuti ŵaŵe ŵamoyo.”

Danyele 11:4

Watakuti wayuka, ufumu wake uswekenge ndi kugaŵikiya ku mphepo zinayi za kuchanya, kweni ku ŵana ŵake cha, chingana nkhulingana ndi mtufu wo wausiyanga iyo, chifukwa ufumu wake ukarondekanga, uŵenge wa ŵanyake, ku mbumba yake cha.

Danyele 7:10

Msinji wa moto wendanga ndi ungutuwa paurongo pake; vikwi vikwi vingumteŵete ndi vikwi chumi vyakupendeka vikwi chumi vinguma paurongo pake; mphara yinguungana kweruzga; ndipo mabuku ghangujurika.

Danyele 7:2

Danyele wanguti, “Ndinguwona mu chiwona changu ndi usiku, ndipo ehe, mphepo zinayi za kuchanya zinguyuska nyanja yikuru.

Zekariya 4:10

Chifukwa yose yo wanguyeya zuŵa la tunthu tumana wakasekeriyanga, ndipo wawonenge chingwi chakupimiya cha muzengi mu janja laku Zerubabele. “Yagha ghankhonde ndi ghaŵi ndi maso gha Ambuya gho ghalereska mu charu chose chapasi.”

Zekariya 4:14

Ndipo wanguti, “Yaŵa mbakupakika ŵaŵi wo ŵatuma pafupi ndi Ambuya ŵa charu chose chapasi.”

Zekariya 6:1

Ndinguyunuska so maso ghangu, ndipo ndinguwona, ehe kungutuwa magareta ghanayi pakati pa mapiri ghaŵi; ndipo ghenga mapiri gha mkuŵa.

Mateyu 18:10

“Cheŵani kuti mungayuyuwa kamoza ka tumana to cha; chifukwa ndinene imwe, kuti nyengo zose ŵangelo ŵawo ŵakuchanya ŵalereska chisku cha Ada ŵakuchanya. [

Mateyu 24:31

Ndipo watumenge ŵangelo ŵake ndi chizozu chikuru cha mbata, ndipo ŵawungang'enge ŵakusankhika ŵake ku mphepu zinayi, kutuwa ku vigoti vyakuti vya machanya mpaka ku vigoti vinyake.

Luka 1:19

Ndipo pakwamuka mungelo wanguti kwaku iyo, “Ine ndine Gabriele, wakuma pa maso paku Chiuta; ndipo ndingutumikiya kukukambiya, ndi kukutauliya ghakunozga yagha.

ŴaHebere 1:14

Asi wose wo mbazimu ŵakuteŵeta, ŵakutumikiya kwachiteŵete pa chifwa chaku wo ŵakhasa kuhara utaski?

ŴaHebere 1:7

Ndipo ku ŵangelo nawo watiti, “Yo ngwakuŵachita ŵangelo ŵake zimphepu, ndi ŵamirizi ŵake mlipu wa motu.”

Yoswa 3:11

Ehe, bokosi la phanganu la Ambuya ŵa charu chose chapasi likadanjiyanga paurongo pinu kuya ku Yordane.

Chivumbuzi 7:1

Pavuli paku chenichi ndinguwona ŵangelo ŵanayi ŵakuma pa nyondo zinayi za panupasi, wo ŵanguko mphepu zinayi za panupasi, mwakuti mphepu yireke kuputa pa charu, chingana mpha nyanja, chingana mpha chimuti chose.