Zekariya 6:1 - Tonga Bible 1986

¹ Ndinguyunuska so maso ghangu, ndipo ndinguwona, ehe kungutuwa magareta ghanayi pakati pa mapiri ghaŵi; ndipo ghenga mapiri gha mkuŵa.

Zekariya 6:1 ပူးပေါင်းရင်းမြစ်များ

2 ŴaKaronga 6:17

Sono Elisha wanguromba, ndi wanguti, “Ambuya mwe, ndiromba kuti jurani maso ghake mwakuti wawone.” Viyo Ambuya ŵangujura maso gha manyamata yo ndipo wanguwona, ehe, phiri lo linguzaza ŵakavalo ndi magareta ghamoto kwakuzunguliya Elisha.

Jobu 34:29

Pa iyo waja cheti, ndiyani wangasuska? Pa wabisa chisku chake, ndiyani wangamuwona; pamwenga ungaŵa mtundu pamwenga munthu,

Sumu 33:11

Fundu za Ambuya zakujaririya muyaya, maghanaghano gha mtima wawo ku mgonezi yose.

Sumu 36:6

Urunji winu we nge ndi mapiri ghaku Chiuta, vyeruzgu vinu nge ndi ndimba yitali ukongwa; munthu ndi nyama mutaska, Ambuya.

Nthanthi 21:30

Palivi zeru, palivi kuwamo, palivi pangizgu, vyo vingawovya kumikana ndi Ambuya.

Yesaya 43:13

“Ndine Chiuta, ndipo so kwamba sono ndine Iyo; palivi chingana njumoza mweniyo wangaziŵa kutaska ku janja langu; nditata ndipo njani wangakanizga ichi?”

Yesaya 66:15

“Pakuti ehe, Ambuya akazanga mu moto, ndi magareta ghawo nge ndi mphepo ya lirondo, kupereka ukari wowo mu ufyu, ndi kususka kwake nge nkhulipuka kwa moto.

Yeremiya 4:13

Ehe, watuza nge ndi mitambo, magareta ghake uli ndi kavuruvuru; ŵakavalo ŵake mbamankharo kuruska zinombo. Owe ifwe, pakuti tapasuka!

Danyele 4:15

Kweni siyani chisina cha misisi yake pasi, chiŵi chakumangika zingirizgi ndi chingwi cha chisulo ndi mkuŵa mukati mu uteka wamu dondo. Iyo wazumbwe ndi dungwi lakuchanya; phande lake liŵi ndi nyama zamu uteka wa charu.

Danyele 4:35

wose ŵakuja mu charu cha panu pasi ŵapimika nge vyawaka; ndipo wachita kwakiyana ndi khumbu lake mu liŵanja la kuchanya ndi mu ŵakuja mu charu chapasi; ndipo palivi yo wangaziŵa kuja mu janja lake, nanga nkhuti kwaku iyo, “Uchitanji?”

Danyele 8:22

Sengwe lo lingusweka, mu malo ghaku lo ghanayi ghangume, mba karonga ŵanayi wo ŵakayukanga, kutuwa mu mtundu wake, kweni mu nthazi zake cha.

Zekariya 5:1

Ndinguyunuska so maso ghangu, ndi kulereska, ndipo ndinguwona, kalata wakuzinga wakuwuluka!

Zekariya 6:5

Ndipo mungelo wangwamuka wanguti, “Ivi viruta ku mphepo zinayi za machanya, vinguti vyajirongo pa maso gha Ambuya ŵa charu chose chapasi.

Machitidu gha Ŵakutumika 4:28

kwachichitiya vyo vyose janja linu ndi khumbu linu linguteme limu kuŵapo.

ŴaEfeso 1:11

Nadi mwaku iyo, mwaku mweniyo so tinguchitika chihara (tati tatemeke limu mu chitema chaku mweniyo watataliya vyose tataliya vyose kwakulingana ndi chipangu cha khumbu lake),

ŴaEfeso 3:11

kwakulingana ndi chitema cha muyaya, chenicho wanguchitiya mwaku Kristu Yesu Ambuyafwe,

1 Samuele 2:8

Akwezga mkavu kutuwa ku fuvu; asoske pachanya ŵaumphaŵi kutuwa kuchiza, kuŵajariska pamoza ndi ŵana ŵa mafumu ndi kuŵahariska mpando wa chitumbiku. Pakuti viŵanja vya charu chapasi vya Ambuya ndipo pakuvyo achimika charu.