Zekariya 5:4 - Tonga Bible 1986

⁴ Ndilitumizgenge, atiti Ambuya ŵa maŵanja, ndipo liserenge mu nyumba ya munkhungu, ndi mu nyumba yaku yo warapa utesi mu zina langu; ndipo lijenge mu nyumba yake ndi kuyimara, miti yake ndi mya yake pamoza.”

Zekariya 5:4 ပူးပေါင်းရင်းမြစ်များ

Jobu 18:15

Mu hema lake muja cho kuti nchake cha; mya ya matarara yawazgika pa chakujamo chake.

Jobu 20:26

Mdima ukuru usungikiya iyo nge ndi usambasi wake; moto wambura kuwuphuta ukamochanga ndi kumubaya; chose chakusiyika mu hema lake chikanyekanga.

Jobu 8:15

Wayegame ku nyumba yake kweni kuti yiziŵa kuma cha. Watiyikhozga kweni yikho gha.

Jobu 8:22

Wo ŵatikutinkha ŵakaŵanga ndi soni, ndi hema la mulakwi kuti likaŵangapo so cha.”

Nthanthi 3:33

Thembu la Ambuya le pa nyumba ya muheni, kweni atumbika kuja kwa murunji.

Yesaya 24:6

Chifukwa cho thembu liparuwa chapasi, ndipo ŵakujamo ŵake ŵakomwa pa kunanga kwa wo; chifukwa cho ŵakuja mu charu ŵatufya, ndipo ŵanthu ŵamanavi ndiwo ŵasiyika.

Yeremiya 2:26

“Mo munkhungu watuŵiya wasoni asani wakoreka viyo ndimo ŵaYisraele ŵakalengeskekiyanga: iwo, ŵakaronga ŵawo, mafumu ghawo, ŵazukuru ŵawo, ndi ŵamchimi ŵawo.

Hoseya 4:2

Mwe kurapa, kupusika, kubaya, kuba, ndi kuchita ureŵi, ŵabwanganduwa zimphaka, ndipo kubaya kurondo kubaya.

Hoseya 4:3

Chifukwa ichi, charu chitenge, ndipo wose wo ŵaja mwaku cho ŵakhuluruka nthazi, ndi so nyama zamu dondo, ndi tuyuni twa mude, chingana ndi somba zamu nyanja nazo zitoreka.

Amosi 3:10

“Kuti ŵaziŵa cha kuchita urunji,” atiti Ambuya, “wo ŵalonga vivurupi ndi kuphanga mu malinga ghawo.”

Zekariya 5:3

Ndipo wanguti kwaku ine, “Ili ndi thembo lakutuwiya pa chisku cha charu chose chapasi, chifukwa yose yo watuba wakadumulikanga, kwamba sono kwakuyana ndilo, ndipo yose yo warapa utesi wakadumulikangako sono kwakuyana ndilo.

Zekariya 8:17

rekani kughanaghaniyana uheni yumoza ndi munyake mu mtima winu, munganjanga kurapa utesi, chifukwa vinthu ivi vyose nditinkha, atiti Ambuya.”

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Marangu 28:16

Mukatembekanga mu msumba, mukatembekanga mu munda,

Marangu 7:26

Ndipo kuti mukatoriyanga kanthu ka ukazuzi cha ku nyumba yinu, vinu mungaŵa ŵakutembeka nge ndicho; kweni muchitinkhe ukongwa limu, ndi kunyanyara nacho, chifukwa nchinthu chakutembeka.

Yoswa 9:20

Cho tikaŵachitiyanga ndi ichi, Tikaŵasiyanga ŵamoyo, vinu ukari ungaŵa paku ifwe, chifukwa cha rapu lo tinguŵarapiya.”