Zekariya 4:6 - Tonga Bible 1986

⁶ Viyo wangunena nane, “Yagha ndi mazu gha Ambuya kwaku Zerubabele; ndi nkhondo cha, pamwenga ndi nthazi cha, kweni ndi Mzimu wangu, atiti Ambuya ŵa maŵanja.

Zekariya 4:6 ပူးပေါင်းရင်းမြစ်များ

Chiyambo 41:16

Yosefe wangwamuka Farao, “Ichi kuti che mwangu cha; Chiuta ndiyo wakapaskanga Farao kwamuka kwakwenere.”

1 ŴaKaronga 19:12

pavuli pa chidiririzi moto, kweni Ambuya kuti ŵenga mu moto cha, ndipo pavuli pa moto penga mazu ghakuvwika kamanakamana.

2 Mikoka 14:11

Ndipo Asa wanguririya kwa Ambuya Chiuta wake kuti, “Ambuya Chiuta, wakulingana ndi imwe nkhulivi, kovya pakati pa ŵanthazi ndi ŵambura nthazi. Tovyeni Ambuya Chiuta widu, pakuti tiyegeme kwinu, ndipo mu zina linu tizirwi ndi chimzinda ichi. Ambuya ndimwe Chiuta widu munthu kuti wangamtondani cha.”

Ezra 2:2

Ŵanguza pamoza ndi Zerubabele, Yoshua, Nehemiya, Seraya, Reelaya, Mordekayi, Bilisani, Misipara, Bigivayi, Rehumu, ndi Bana.

Ezra 3:10

Ndipo ŵazengi ŵanguti ŵazenga chiŵanja cha kasopi wa Ambuya, ŵazukuru ŵanguvwara maraya ghawo ŵanguza ndi zimbata, ndi ŵaLevi ŵana ŵaku Asafi, ŵanguza ndi vijewere vyawo kutumbika Chiuta. Ŵangumba kwakulingana ndi lusu lakumikika ndi Davidi karonga waku Yisraele;

Ezra 5:2

Ndipo Zerubabele mwana waku Sealatiele ndi Yeshua mwana waku Yozadaka ŵangusoka, ŵangwamba kuzenga nyumba yaku Chiuta mu Yerusalemu; ndi ŵamchimi ŵaku Chiuta ŵenga pamoza nawo kuŵawovya.

Sumu 33:16

Palivi karonga wakutaskika ndiukuru wa nkhondo yake; ngwazi kuti yingataskika chifukwa cha nthazi yake yikuru cha.

Wakutaula 9:11

Ndinguwona so kuti panu pasi maphara kuti gheku ŵapusu cha, nanga ndi nkhondo kuti yaku ŵanthazi cha, nanga nkhurgha ku ŵazeru, nanga mbusambasi ku ŵakuwamo nanga mbulemu ku zing'ombwa cha: kweni nyengo ndi mwaŵi viŵiya kwaku wose.

Yesaya 30:1

“Soka ku ŵana wakugaruka,” atiti Ambuya, “ŵeniwo ŵachita cho ŵarongoso, kweni kuti nchangu cha; wo ŵazomerezgana kovwana, kweni kuti nkhovyana kwa mzimu wangu cha, kuti ŵasazgiyeko uheni ku uheni;

Yesaya 32:15

mpaka penipo Mzimu wakutuliya kuchanya wadika paku ifwe, ndi bozwa lisanduka munda wakupasa, ndi munda wakupasa uneneka kuti ndi lisuwa.

Yesaya 34:16

Penjani ndipo ŵerengani mu buku la Ambuya: Palivi nanga nchimoza chikaŵanga chambura muwoli wake. Pakuti mlomo wa Ambuya walangula, ndipo Mzimu wake waviwunjika.

Yesaya 59:19

Viyo ŵakawopanga zina la Ambuya kutuwa ku zambwe, ndi unkhankhu wake kwamba kukutuliya dazi, pakuti wakazanga nge nkhamsinji ka mweza, ko kadikiskika ndi mphepo ya Ambuya.

Danyele 2:34

Mo mungulereske, mwa ungudumulika ndi janja la munthu cha, ndipo unguwa pa chikozgu, pa marundi ghake gha chisulo ndi dongo, ndikughavikita tumana-tumana.

Hoseya 1:7

Kweni nkhaŵanga ndi lisungu ndi nyumba yaku Yuda, ndipo ndiŵataskenge ndi nthazi ya Ambuya Chiuta wao; kuti nkhaŵataskanga ndi uta cha, pamwenga lipanga, pamwenga nkhondo, pamwenga ŵakavalo, pamwenga ŵakukwera pa ŵakavalo.”

Hagayi 1:1

Mu chirimika cha chiŵi cha karonga Dariusi, mu mwezi wa chinkhonde ndi chimoza pa zuŵa la chimoza la mwezi, mazu gha Ambuya ghanguza kwaku Hagayi mchimi kwaku Zerubabele mwana waku Shealtiele, nduna yikuru ya charu cha Yuda; ndi kwaku Yoswa mwana waku Yehozadaka, mzukuru mura, kuti,

Hagayi 2:21

“Kamba kwaku Zerubabele, nduna yikuru ya charu cha Yuda, kuti, nde pafupi kusukuniska machanya ndi charu chapasi,

Zekariya 6:12

ukambe nayo kuti, ‘Viyo atiti Ambuya ŵa maŵanja, “Wona, munthu yo zina lake ndi Mphanda; chifukwa wakakuwanga mu malo ghake, ndipo wakazenganga kasopi wa Ambuya.

Maŵerengedu 27:16

“Rekani Ambuya, Chiuta wa mizimu ya ŵanthu wose, wamike munthu pa wumba uwu,

ŴaEfeso 6:17

Ndipo jitoleni chivekeru chaku mutu cho mbutaski, ndi so lipanga la Mzimu, lenilo ndi mazu ghaku Chiuta.

1 Petro 1:12

Kwaku ŵenaŵa kunguvumbulikiya, kuti kwaku ŵija cha, kweni kwaku imwe ŵateŵetiyanga vyenivi, vyo sono vyataulikiya imwe ndi ŵeniwo ŵangumkambiyani evangeli mu Mzimu Wakupaturika, yo wangutumika kutuliya kuchanya; mwaku vyenivyo ŵangelo ŵanweka kulingirizgamo.

1 Samuele 14:6

Ndipo Jonafani wangukamba ndi munyamata wakupinga vidya vyake, “Tiye tambukiye ku linga la ŵanthu ŵambura kuchinjika yaŵa panyake Ambuya atichitiyenge nchitu; chifukwa palivi ko kangakanizga Ambuya kureka kutaska, manyi mpha unandi pamwenga pa umana.”

1 Samuele 17:47

ndikuti mzinda wose uwu uziŵe kuti Ambuya kuti apozomoska ndi lipanga ndi mkondo cha pakuti nkhondo nja Ambuya, ndipo aperekenge iwe mu janja lidu.”