Zekariya 3:10 - Tonga Bible 1986

¹⁰ Mu zuŵa lo, atiti Ambuya ŵa maŵanja, munthu yose wadanenge mwanase wake kuja pasi mu mphereska yake ndi mkuyu wake.”

Zekariya 3:10 ပူးပေါင်းရင်းမြစ်များ

1 ŴaKaronga 4:25

Ndipo Yuda ndi Yisraele ŵanguja mwambura suzgu, kwamba ku Dani mpaka Beresheba, munthu yose wanguja pasi pa mphereska yake ndi pasi pa mkuyu wake, mazuŵa ghose ghaku Solomoni.

1 ŴaKaronga 5:5

Viyo ndighanaghana kuzenge zina la Ambuya Chiuta wangu, nge ndimo Ambuya angukambiya kwaku Davidi ada, ‘Mwana wako, mweniyo ndikajarikanga chitengo chako mu malo ghako wakazengiyanga nyumba zina langu.’

Yesaya 32:18

Ŵanthu ŵangu ŵakajanga mu uja wa chimangu, mu vyakujamo vyakukho, ndi mu malo ghachipumulu gha chisisi.

Yesaya 36:16

Mungategherezganga kwaku Hezekiya; pakuti karonga wa Asiriya watiti: Chitani chimangu ndi ine ndipo muzi kwangu, po ndipo we yose waku imwe wakarghanga vya mphereska yapa mtima wake, ndi we yose vya mkuyu wapa mtima wake, ndipo we yose waku imwe mukamwanga maji gha chisima chapa mtima wake;

Yeremiya 32:15

Pakuti viyo atiti Ambuya ŵa maŵanja, Chiuta waku Yisraele: Zinyumba, minda, ndi minda yamphereska vikagulikanga so mu charu ichi.’

Hoseya 2:18

Ndipo mu zuŵa lo ndamukukuchitiya phanganu ndi nyama zamu dondo, ndi viyuni vya mude, ndi vithu vyakukwaŵa pasi. Ndipo nkhabwanganduwanga uta, lipanga ndi nkhondo mu charu ndi nkhamugonekanga kwakufwasa.

Mika 4:4

Kweni wakajanga yose musi mumphereska yake ndi musi mwa mkuyu wake, ndipo pakaŵangavi yumoza wakuŵatenthemeska; chifukwa Ambuya ŵa maŵanja akamba viyo.

Zekariya 2:11

Ndipo mitundu yinandi yiwunganenge kwa Ambuya mu zuŵa lo, ndipo ŵakaŵanga ŵanthu ŵangu; Ine ndijenge mukati mwako, ndipo uziŵenge kuti Ambuya ŵa maŵanja andituma kwako.