Zekariya 2:9 - Tonga Bible 1986

⁹ “Ehe, sono ndisukung'iskenge janja langu pachanya pawo; ndipo ŵakaŵanga miskowo kwaku wo ŵatuŵateŵete. Viyo muziŵenge kuti Ambuya ŵa maŵanja andituma.

Zekariya 2:9 ပူးပေါင်းရင်းမြစ်များ

Yesaya 10:32

Zuŵa lenili ili wakamanga pa Nobo, wakasukuniskanga nkhonyu yake pa phiri lamu Zioni, mtunthu wa Yerusalemu.

Yesaya 11:15

Ndipo Ambuya akamariyanga limu lilime laku nyanja ya Egipiti; ndipo wakazungung'anga janja lawo pa Msinji ndi mphepo yawo yakocha, kuwukoso mu ngalonde zinkhonde ndi ziŵi alinga kuti ŵanthu ŵambukenge pa yumu.

Yesaya 12:6

Bongoni, ndipo mbani ndi chimwemwe, mwa ŵakuja mu Zioni, pakuti mukuru mukati mwinu ndi Mtuŵa Yo waku Yisraele.”

Yesaya 13:2

Kwezgani mbendera pa phiri la mtetete, bongoni ukongwa kwaku iwo, muŵacheuliye janja kuti ŵasere pa malikomo gha ŵakuzirwa.

Yesaya 14:2

Ndipo ŵanthu ŵakaŵatonga ndi kuza nawo ku malo ghawo, nyumba yaku Yisraele yikaŵasunganga kuŵa ŵawo mu charu cha Ambuya nge mbaŵanda ŵanthurumi ndi ŵanthukazi, ŵakakonga umkoli ŵeniwo ŵanguko iwo umkoli, ndikuŵatufuliya ŵeniwo ŵangusuzga iwo.

Yesaya 19:16

Mu zuŵa liya ŵaEgipiti ŵakaŵanga uli mbanthukazi, kutenthema ndi mantha paurongo pa janja lo Ambuya ŵa maŵanja akasukuniskiyanga paku iwo.

Yesaya 26:1

Mu zuŵa liya sumu iyi yikambikanga mu charu chaku Yuda: “Tendi muzi wakukho; wamika utaski nge ndi malinge ndi lisitu.

Yesaya 33:1

Soka lo, wakubwanganduwa we, iwe wamweni kuti wabwanganduka cha; wakuchita chiŵembu we, kweni iwe palivi yo wakuchitiya chiŵembu! Utakuti wamara kubwanganduwa, iwe nawe ukabwangandurikanga; ndipo penipo wamara kuchita vya chiŵembu, iwe nawe kukachitikiyanga chiŵembu.

Yesaya 33:21

Kweni mwenimuwa Ambuya mu kuziza kwawo akaŵanga kuchiri kwidu, malo gha misinji yisani ndi tumisinji, mwenimo vyombo ndi malemu kuti vingakamo cha, nanga ndi ngaraŵa zakuzirwa kuti zingakamo cha.

Yesaya 33:23

Chingwe chinu chafwatuka; kuti chiziŵa kukhozga mlongoti mu malo ghake cha, pamwenga kutambaruliska thanga. Sono nyama zakukwamphulika ndi vyakuskoŵa vikagaŵikanga; chingana mbakupunduka ŵakatonga nyama zakukwamphulika.

Yesaya 4:5

Sono Ambuya akalenganga pa malo ghose gha phiri Zioni ndi pa maungano ghake mtambo ndi msana, ndi usi ndi kuŵara kwa moto wakulipuka ndi usiku; pakuti pa unkhankhu wose pakaŵanga chivwinkhu cha pa chitengo ndi chihema.

Yesaya 48:16

Ndereni kwangu kufupi, avwani ichi; kwamba pa mtendeko ndilivi kukamba ku ubende, kwamba pa nyengo yo chingwamba kuŵako ndenga penipa.” Ndipo sono Ambuya Chiuta wandituma ine ndi Mzimu wake.

Yesaya 60:18

Chiwawa kuti chikavwikanga so chamu charu chinu, uyiku pamwenga phasulu mukati mu mphaka zinu; malinga ghinu mughadanenge Utaski, ndi malikomo ghinu Rumbu.

Yesaya 60:19

Lumwi kuti likaŵanga ukweru winu cha ndi msana nanga mwezi ungaŵala kuti ukapaskanga imwe ukweru cha ndi usiku; kweni Ambuya akaŵanga ukweru winu wa muyaya, ndipo Chiuta winu ndiyu wakaŵanga unkhankhu winu.

Yeremiya 27:7

Mitundu yose yikamuteŵetiyanga iyo ndi mwana wake ndi ŵazuku ŵake, mpaka penipo nyengo ya kunangiya charu chake yafika, po ndipo mitundu yinandi ndi ŵakaronga ŵakuzirwa ŵazakumusanduska kuŵa muŵanda wawo.

Yeremiya 28:9

Viyo nge nkhu mchimi wakuchima chimangu, mazu gha mchimi yo ghachifiskika, po ndipo kukaziŵikwanga kuti Ambuya amutumadi mchimi yo.”

Yeremiya 8:19

Avwani, kuliya kwa ŵanthu ŵangu, kutuliya mu utali ndi mu usani wa charu: “Kumbi Ambuya mulivi mu Zioni? Kumbi karonga wake kuti we mwake cha?” “Chifukwa nchine ŵandisosomole ku kukwiya ndi ŵangoza ŵawo ŵakusemeka, ndipo ndi ŵangoza ŵawo ŵachilendo?”

Ezekiele 39:10

kuti ŵamuchita kudeŵa nkhuni ku dondo pamwenga kuteme muti pasi mulisuwa cha; chifukwa nkhuni za moto wawo ndi vidya, ŵakaskoŵanga vyaku wo ŵanguŵaskoŵa, ndi kuphanga vyaku wo ŵanguŵaphanga, atiti Ambuya Chiuta.

Yoele 2:27

Ndipo muziŵenge kuti nde mukati mwaku Yisraele, ndi kuti ine Ambuya nde Chiuta winu, ndi kulivi munyake so. Ndipo ŵanthu ŵangu kuti ŵalengeskekenge so cha muyaya.

Habakuku 2:17

Nkhaza zo zinguchitikiya Lebanoni zibwanganduwenge iwe so, kupasuka kwa vinyama kukofyenge, chifukwa cha ndopa za ŵanthu ndi nkhaza panu pasi, ku misumba ndi wose ŵakujamo.

Habakuku 2:8

Chifukwa iwe waskowa mitundu yinandi, ŵanthu wose wo ŵakujako ŵakuskoŵenge. Chifukwa chandopa za ŵanthu ndi nkhaza mu charu, ndi mu misumba ndi wose ŵakujamo.

Zefaniya 2:9

Chifukwa ichi mo ndilili wamoyo,” atiti Ambuya ŵa maŵanja, Chiuta waku Yisraele, “Moabu waŵenge nge ndi Sodomo, ndi ŵana ŵaku Amoni nge ndi Gomora, charu cha ukasi ndi mazenje gha mche ndi chipululu cha muyaya. Ŵakujako ŵa ŵanthu ŵangu ŵaŵaskoŵenge, ndi ŵakujako ŵa mtundu wangu ŵaŵaŵetenge.”

Zefaniya 3:15

Ambuya atuzgako vyeruzgu vyakumikana nawe; apong'a kubwalo ŵarwani wako. Karonga waku Yisraele, Ambuya, ŵe mukati mwako; kuti, uwopenge kaheni so cha.

Zekariya 2:11

Ndipo mitundu yinandi yiwunganenge kwa Ambuya mu zuŵa lo, ndipo ŵakaŵanga ŵanthu ŵangu; Ine ndijenge mukati mwako, ndipo uziŵenge kuti Ambuya ŵa maŵanja andituma kwako.

Zekariya 2:8

Chifukwa atiti viyo Ambuya ŵa maŵanja, pavuli pa unkhankhu wawo angundituma ku mitundu yo yingumuskoŵani; chifukwa yo wakwaska imwe, ndikwesa wakwaska mboni ya jiso lawo:

Zekariya 4:9

“Manja ghaku Zerubabele ghazenga chiŵanja cha nyumba iyi; manja ghake ndigho ghamumatizga so.” Ndipo uziŵenge kuti Ambuya ŵa maŵanja andituma kwaku imwe.

Zekariya 6:15

“Wo ŵe kutali ŵakazanga ndi kovya kuzenga nyumba ya Ambuya; ndipo mukaziŵanga kuti Ambuya ŵa maŵanja andituma kwaku imwe. Ndipo ichi chichitikenge nadi, asani mukavwiyanga ndi phamphu mazu gha Ambuya Chiuta winu.”

Zekariya 9:15

Ambuya ŵa maŵanja aŵavikiriyenge; ndipo amarenge ndi kukandirizgiya pasi wo ŵapong'a mya; ndipo ŵamwenge ndopa zawo nge ndi vinyo, ndipo ŵazazikenge nge ndi mbali fwa, ŵangotenge nge ndi ngodya za jochero la sembe.

Yohane 13:19

Ndikukambiyani ichi sono chenga chindaŵepo, alinga kuti, penipo chikaŵangapo, muvwane kuti ine ndine iyo.

Yohane 16:4

Kweni ndakukambiyani ivi, alinga kuti, penipo ora lawo laza, mukumbuke kuti ine ndingukuneniyani ndi vyenivyo. “Kweni kuti ndingukuneniyani ivi pa mtendeku cha, pakuti ndaŵanga namwe pamoza.