Zekariya 2:8 - Tonga Bible 1986

⁸ Chifukwa atiti viyo Ambuya ŵa maŵanja, pavuli pa unkhankhu wawo angundituma ku mitundu yo yingumuskoŵani; chifukwa yo wakwaska imwe, ndikwesa wakwaska mboni ya jiso lawo:

Zekariya 2:8 ပူးပေါင်းရင်းမြစ်များ

Chiyambo 20:6

Sono Chiuta wanguti kwaku iyo mu loto lo, “Inya ndiziŵa kuti wachita ichi mu kuphotoka kwa mtima wako, ndipo ndine ndingukusunga kuwura kundinangiya ine; chifukwa cho ndengavi kukuzomerezga kumuko munthukazi.

2 ŴaKaronga 24:2

Ndipo Ambuya angutuma maŵanja gha ŵaKaldiya ŵaSiriya, ŵaMoabu ndi maŵanja gha ŵa Amoni ghanguza kurwana ndi Yuda kuwupasuwa. Kwakuyana ndi mazu gha Ambuya gho angurongolole mu ŵateŵeti ŵawo ŵamchimi.

Sumu 17:8

Ndisungeni nge nkhana ka jisu; mundibise mu mduzi wa mapapiku ghinu,

Nthanthi 7:2

sunganga marangu ndi ujenge wamoyo, sunganga kurunguchizga kwangu uli ndi mboni ya jisu lako;

Yesaya 49:19

“Kwakuneneska malo ghako gha mapopa ndi phasulu ndi charu chako chakuphwanyika kwakuneneska sono ukaŵanga mufinyi ukongwa ku ŵakujamo mwako ndipo wo ŵangukumeza sono ŵakaŵanga kutali ukongwa.

Yeremiya 12:14

Viyo atiti Ambuya pa ŵanyangu wose ŵaheni wo ŵakwaska charu chenicho ndikupaska ŵanthu ŵangu ŵaYisraele, kuchihara: “Ehe, ndikaŵazuwanga kutuwa mu charu chawo ndipo ndikazuwanga nyumba yaku Yuda mukati mwawo.

Yeremiya 27:7

Mitundu yose yikamuteŵetiyanga iyo ndi mwana wake ndi ŵazuku ŵake, mpaka penipo nyengo ya kunangiya charu chake yafika, po ndipo mitundu yinandi ndi ŵakaronga ŵakuzirwa ŵazakumusanduska kuŵa muŵanda wawo.

Ezekiele 25:12

“Viyo atiti Ambuya Chiuta: Chifukwa Edomu wanguwezge thayu pa nyumba yaku Yuda ndipo wakulakwa kwakufikapo pakuŵawezge thayu,

Ezekiele 25:15

“Viyo atiti Ambuya Chiuta: Chifukwa ŵaFilisti ŵanguchita mwa thayu, ŵanguwezge thayu ndi kunyoza kwa mtima kuti ŵaparghang'e mu kutinkha kwambura kumara;

Ezekiele 26:2

“Mwana wa munthu, Turo pakukamba gha Yerusalemu wanguti, ‘Aha! Likomo la ŵanthu lafyoka, lajurika le mwazi kwaku ine; sono ndikagutiskikanga pakuti wapasuka,’

Ezekiele 26:20

penipo ndipo ndikakukosoliyanga pasi pamoza ndi wo ŵasikiya ku zenje, ku ŵanthu ŵa mwaka, ndipo ndikakujarikanga mu charu chapasi ukongwa, mukati mumalo ghakupasuka kale, pamoza ndi wo ŵasikiya ku zenje, mwakuti ureke kuŵa so chakujamo cha ŵanthu pamwenga kuŵa ndi malo mu charu cha ŵamoyo.

Ezekiele 35:5

Chifukwa unguŵa ndi kutinkha kwa muyaya, ungupereka ŵaYisraele ku nthazi ya uyi wa lipanga mu nyengo ya soka lawo, pa nyengo ya kulangika kwawo kwakumariya;

Ezekiele 36:11

ndipo ndikandaniskanga paku imwe munthu ndi chakuŵeta; vyandanenge ndi kupapana; ndikamuzenganinga nge ndi munyengo zinu za kali, ndimuchitiyeninga umampha ukongwa kuruska pakudanga. Penipo ndipo mukaziŵanga kuti Ine ndine Ambuya.

Ezekiele 38:11

Kuti, ‘Ndikakweranga kulimbana ndi charu cha mizi yambura malinga; ndikarotokiyanga pa ŵanthu ŵachisisi wo ŵaja kwa kufwasa, wose ŵaja mwambura malinga, ŵalivi mipiringizgu pamwengamalikomo.’

Ezekiele 38:14

“Chifukwa cho, mwana wa munthu chima munene Gogi, Viyo atiti Ambuya Chiuta: Pa zuŵa liya po ŵanthu ŵangu ŵaYisraele ŵaja kwakufwasa, iwe ukavuruvundukanga.

Amosi 1:11

Viyo atiti Ambuya: “Chifukwa cha maulakwi ghatatu gha Edomu, ndi wachinayi, kuti nkhawezganga kulangika kwake cha; chifukwa wangudikiska mbali wake ndi lipanga, ndi kutaya lisungu lose, ukari wake unguparuwa kwambura kulekezga, ndi wangusunga ukari wake muyaya.

Amosi 1:13

Viyo atiti Ambuya: “Chifukwa cha maulakwi ghatatu gha Amoni, ndi wachinayi, kuti ndiwezgenge kulangika kwawo cha; chifukwa ŵangupanguwa ŵanthukazi ŵanthumbu ŵaku Gileada mwakuti ŵakuzgi mphaka yawo.

Amosi 1:9

Viyo atiti Ambuya: “Chifukwa cha maulakwi ghatatu gha Turo, ndi wachinanyi, kuti ndi wezgenge kulangika kwake cha; chifukwa wangupereka ŵanthu wose ku Edomu: ndi kuti wangukumbuka phanganu la ubali cha.

Mika 4:11

Sono mitundu yawunjikanakumikana namwe, kuti, “Rekani ŵakazuzgike, ndi maso ghidu ghalereske pa Zioni.”

Mika 5:6

Iwo ŵakausanga charu cha Asiriya ndi lipanga ndi charu chaku Nimirodi ndi lipanga lakukhwetuwa; ndipo ŵakatitaskanga ku ŵaAsiriya po ŵatuza mu charu chidu ndi kukanda mu mphaka zidu.

Mika 7:10

Viyo murwani wanguwakawonanga, ndipo soni zikonge yo wanguti kwaku ine, “Ŵepani Ambuya Chiuta wako?” Maso ghangu ghamudodoleskenge; sono wakandirizgikiyenge pasi nge ndi dongo lamu gurwi.

Habakuku 2:17

Nkhaza zo zinguchitikiya Lebanoni zibwanganduwenge iwe so, kupasuka kwa vinyama kukofyenge, chifukwa cha ndopa za ŵanthu ndi nkhaza panu pasi, ku misumba ndi wose ŵakujamo.

Habakuku 2:8

Chifukwa iwe waskowa mitundu yinandi, ŵanthu wose wo ŵakujako ŵakuskoŵenge. Chifukwa chandopa za ŵanthu ndi nkhaza mu charu, ndi mu misumba ndi wose ŵakujamo.

Zefaniya 2:8

“Ndavwa kulenga kwaku Moabu ndi kutuka kwa Amoni, mo walenge ŵanthu ŵangu, ndi kujikuzga ku mphaka zawo.

Zekariya 2:11

Ndipo mitundu yinandi yiwunganenge kwa Ambuya mu zuŵa lo, ndipo ŵakaŵanga ŵanthu ŵangu; Ine ndijenge mukati mwako, ndipo uziŵenge kuti Ambuya ŵa maŵanja andituma kwako.

Zekariya 2:9

“Ehe, sono ndisukung'iskenge janja langu pachanya pawo; ndipo ŵakaŵanga miskowo kwaku wo ŵatuŵateŵete. Viyo muziŵenge kuti Ambuya ŵa maŵanja andituma.

Zekariya 8:5

Ndi miseu ya msumba yizazenge ŵahurwa ndi ŵasungwana kusoŵe mwenimo.

Malaki 3:1

“Nadi, ndatuma thenga langu kunozga nthowa panthazi pangu, ndipo Ambuya wo mupenja akazanga kwamabuchibuchi mu kasopi wawo; ehe lituza thenga la phanganu mwaku lenilo mukondwere, atiti Ambuya ŵa maŵanja.

Mateyu 25:40

Ndipo karonga yo wakwamuka wanenenge kwaku wo, ‘Ndikuneneskiyani, mwenimo munguchitiya yumoza waku wo ŵabali ŵangu, ŵamanako wo, munguchitiya ine.’

Mateyu 25:45

Sono waŵamukenge, wakuti, ‘Ndikuneneskiyani, mwakuti mwengavi kuchitiya yumoza waku wo ŵamanako kwakuruska, kuti munguchitiya ine cha.’

Yohane 14:26

Kweni Nkhoswi yo, Mzimu Wakupaturika, mweniyo Dada watumenge mu zina langu, iyo wazamkukusambizgani vinthu vyose, ndipo wazamkukukumbuskani vyose vyo ndakuneniyani.

Yohane 17:18

Mo mungutumiya ine mu charu, ine nane ndaŵatuma iwo mu charu.

Machitidu gha Ŵakutumika 9:4

Ndipo wati wawa pasi wanguvwa liu lakukamba nayo, “Saulo, Saulo, chifukwa chine utindiŵemba ine?”

Marangu 32:10

“Wangumusaniya mu charu cha mapopa, ndi mukukoroma kwaŵaka kwa bozwa. Wangumuzinga, wangumuphwere, wangumusunga uli ndi mboni ya jiso.

2 ŴaTesalonika 1:6

nadi nkhwakurunjika paurongo paku Chiuta kuwerezgeyapo suzgu kwaku ŵeniwo ŵatikusuzgani,

1 Yohane 4:14

Ndipo tawona ifwe, ndipo tisimikizga kuti Dada watuma Mwana wake kuŵa Mtaski wa charu.