Zekariya 2:13 - Tonga Bible 1986

¹³ Jani chisisi, mwa ŵanthu mose panthazi pa Ambuya, chifukwa ayuka mu malo ghawo ghakupaturika ghakujamo.

Zekariya 2:13 ပူးပေါင်းရင်းမြစ်များ

2 Mikoka 30:27

Ndipo ŵazukuru ndi ŵaLevi ŵangusoka ndi ŵangutumbika ŵanthu, ndipo mazu ghawo ghanguvwika, ndi rumbo lawo lingukwere ku malo ghake ghakupaturika gha kuchanya.

Sumu 11:4

Ambuya ŵemu nyumba yawo yakupaturika, chitengu cha Ambuya che mu machanya; maso ghawo ghalereska, vikope vyawo vitesa ŵana ŵa ŵanthu.

Sumu 46:10

“Jani chete, ndipo ziŵani kuti ine ndine Chiuta. Ndikutumphuskika mukati mu mitundu, ndikutumphuskika mu charu chapasi!”

Sumu 68:5

Uskeu wa ŵaranda, muvikiriyi wa vyoko, ndi Chiuta wakuja munyumba yake yakupaturika.

Sumu 78:65

Kweni pavuli Ambuya anguyuka nge ngwakutuwa mu tulo; anguchita nge ndi munthu wanthazi yo waloŵe vinyo.

Yesaya 14:2

Ndipo ŵanthu ŵakaŵatonga ndi kuza nawo ku malo ghawo, nyumba yaku Yisraele yikaŵasunganga kuŵa ŵawo mu charu cha Ambuya nge mbaŵanda ŵanthurumi ndi ŵanthukazi, ŵakakonga umkoli ŵeniwo ŵanguko iwo umkoli, ndikuŵatufuliya ŵeniwo ŵangusuzga iwo.

Yesaya 19:16

Mu zuŵa liya ŵaEgipiti ŵakaŵanga uli mbanthukazi, kutenthema ndi mantha paurongo pa janja lo Ambuya ŵa maŵanja akasukuniskiyanga paku iwo.

Yesaya 41:1

Tegherezgani chisisi kwangu, mwa vyaru vya malikumba, ŵanthu ŵawerezgiyemo mthazi zawo ŵandere pafupi, ndipo ŵarongoro, tiyeni tose tindere pafupi ku cheruzgu.

Yesaya 51:9

Yukani, Yukani, vwarani nthazi, mwa janja la Ambuya; yukani, nge ndimu mazuŵa ghamwaka, migonezi yakale ukongwa. Kumbi kuti ndimwe cha mungudumuwa Rahabi tumanatumana, mungulasa cha nchalinda?

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Yesaya 57:5

imwe mukore ndi malikhumbira mukati mu miti musina mu muti wose uŵisi; imwe mubaya ŵana ŵinu mu madambo, kusi ku malijengwajengwa gha majarawe?

Yesaya 63:15

Lereskani pasi kutuliya kuchanya, muwone, kutuliya uja winu utuŵa ndi wa unkhankhu. Kumbi lepani phamphu linu, ndi kulimba kwinu? Linweka la mtima winu ndi chifundu chinu, vyatuzgikako kwangu.

Yeremiya 25:30

“Viyo iwe, ukachimanga paku iwo mazu yagha ghose, ndipo ukanenanga kwaku wo. ‘Ambuya akaurumanga kutuliya kuchanya kutuwa ku malo ghawo ghakujamo ghakupaturika, ŵakakambanga mazu ghawo; ŵakaurumanga ndi nthazi kumikana ndi khora lawo, kubangula, nge ndiwo ŵakanda mphereska, paku wo mbakuja mu charu chapasi.

Habakuku 2:20

Kweni Ambuya ŵemu kasopi wawo wakupaturika; charu chose chije chisisi paurongo pawo.

Zefaniya 1:7

Uje chete paurongo pa Ambuya Chiuta! Chifukwa zuŵa la Ambuya laŵandika; Ambuya arongoso kubaya sembe ndi apatuwa ŵakudanika ŵawo.

Zefaniya 2:9

Chifukwa ichi mo ndilili wamoyo,” atiti Ambuya ŵa maŵanja, Chiuta waku Yisraele, “Moabu waŵenge nge ndi Sodomo, ndi ŵana ŵaku Amoni nge ndi Gomora, charu cha ukasi ndi mazenje gha mche ndi chipululu cha muyaya. Ŵakujako ŵa ŵanthu ŵangu ŵaŵaskoŵenge, ndi ŵakujako ŵa mtundu wangu ŵaŵaŵetenge.”

Zefaniya 3:8

“Viyo ndilindizgeni,” atiti Ambuya, “mpaka zuŵa lo nkhaŵiyanga nge ndi kaboni. Chifukwa ndaŵika mtima wangu pakuwungang'a mitundu ya ŵanthu, kuwunjika ŵakaronga, kuti ndipunguliye pawo kundundu kangu, chifundizi chose cha ukari wangu; chifukwa mu moto wa kandundu kangu ka sanji charu chose chazamukufya.

Zekariya 4:9

“Manja ghaku Zerubabele ghazenga chiŵanja cha nyumba iyi; manja ghake ndigho ghamumatizga so.” Ndipo uziŵenge kuti Ambuya ŵa maŵanja andituma kwaku imwe.

Zekariya 6:15

“Wo ŵe kutali ŵakazanga ndi kovya kuzenga nyumba ya Ambuya; ndipo mukaziŵanga kuti Ambuya ŵa maŵanja andituma kwaku imwe. Ndipo ichi chichitikenge nadi, asani mukavwiyanga ndi phamphu mazu gha Ambuya Chiuta winu.”

ŴaRoma 3:19

Kweni tiziŵa kuti vyenivyo vyose chikamba chilangulu cho, chikambiya wo ŵe pasi pa chilangulu; alinga kuti uchetamiskike mlomo wose, ndi kuti charu chose chitoleke ku cheruzgu chaku Chiuta.

ŴaRoma 9:20

Awa na, wamunthu we, ndiwe yani wakuŵiringuliya Chiuta? Kumbi chakuwumbika cho chinenenge ku muumbi wake, “Chifukwa chine wandiumba viyo?”

Marangu 18:21

Pamwenga ukambenge mu mtime wako, ‘Tiziŵenge uli mazu ghenigho Ambuya alivi kughakamba?’

Marangu 18:22

Asani mchimi wakambiya mu zina la Ambuya, ndipo cho wakamba chifiskika cha, pamwenga kuti kurongo cha kuti ngakuneneska, gho ndigho mazu ghenigho Ambuya alivi kukamba, mchimi wakamba ichi kwakubwetuwa waka, mungamopanga cha.

Marangu 26:15

Lereskani pasi kuturiya ko muja kwakupaturika, kuturiya kuchanya, ndi tumbikani ŵanthu ŵinu ŵaYisraele ndi munda wo mwatipaska, uli ndimo mungulumbiriya ku auskefwe, charu chakutaŵala mkaka ndi uchi.’