Zekariya 14:7 - Tonga Bible 1986

⁷ Ndipo kuŵenge zuŵa lambura kumara (kuziŵika ndi Ambuya), msana cha pamwenga usiku, chifukwa ndi mazulo so kuŵenge kungweruka.

Zekariya 14:7 ပူးပေါင်းရင်းမြစ်များ

Sumu 37:18

Ambuya aziŵa mazuŵa gha ŵakongorekwa, ndipo chihara chawo chikajaririyanga muyaya;

Yesaya 11:9

Kuti vikapwetekanga pamwenga kubwanganduwa cha mu phiri langu lose lakupaturika, pakuti charu chapasi chikazazikanga ndi zeru za Ambuya nge ndimo maji ghazaziya nyanja.

Yesaya 24:23

Sono mwezi ukatimbanizgikanga lumwi likachitanga soni; pakuti Ambuya ŵa maŵanja akausanga pa phiri Zioni ndi mu Yerusalemu ndipo paurongo pa ŵara ŵake akavumbuwanga unkhankhu wawo.

Yesaya 30:26

Nakweni nako ukweru wa mwezi ukaŵanga nge mbukweru wa lumwi, ndipo ukweru wa lumwi ukaŵanga wakufwapo kankhonde ndi kaŵi, uli mbukweru wa mazuŵa ghakhonde ndi ghaŵi, mu zuŵa lo Ambuya akamangiyanga chironda cha ŵanthu ŵawo, ndi kuchizga mabala ghakuchitika ndi kumpuma kwawo.

Yesaya 45:21

Taulani ndi longoni mulando winu; ŵarekeni ŵapangane fundu pamoza! Njani wangukamba ichi kale ukongwa? Njani yo wangutaula gha mwaka? Kuti ndenga ine cha Ambuya? Ndipo palivi Chiuta munyake pade paku ine, Chiuta murunji ndi Mtaski; palivi munyake pade paku ine.

Yesaya 58:10

asani mutijikhutuwa chifukwa chawanja ndi kugutiska makhumbu gha wakuyuzgika, po ndipo ukweru winu ukayukanga mu mdima ndi mukhorwe winu ukaŵanga uli ndi msana-pakati.

Yesaya 9:7

Kukuwa kwa ufumu wake ndi chimangu kuti kukaŵanga ndi umari cha, pa chitengo chaku Davidi, ndi pa ufumu wake, kuujarika ndi kuukhozga ndi cheruzgu chirunji ndi ukongorekwa, kwamba pa nyengo iyi kurutiriya ndi ku muyaya. Phamphu la Ambuya ŵa maŵanja likachitanga ichi.

Yeremiya 30:7

Owe! Zuŵa lo ndikurudi palive lakukozgana nalo; ndi nyengo ya suzgu yaku Yakobe; ndipuuli wakataskikangako kwaku lo.

Danyele 12:4

Kweni iwe Danyele usunge mazu yagha ndi uzighiriye buku mpaka nyengo ya umari. Wanandi ŵachimbiriyenge uku ndi uku, ndipo vinjeru vyazamkuwa.”

Hoseya 3:5

Pavuli ŵana ŵaku Yisraele ŵawenge ndi ŵapenjenge Ambuya ŵawo, ndi Davidi karonga wawo; ndipo ŵazenge ndi mantha ku Ambuya ndi ku urunji wake mu mazuŵa ghakumariya.

Amosi 8:9

“Ndipo pazuŵa liya,” atiti Ambuya Chiuta, “nkhaserezganga dazi ndi msanapakati ndi kufipiska charu mu ukweru wa msana pakati.

Mateyu 24:36

“Kweni vya zuŵa lo ndi ora lake palive yumoza waziŵa, chingana mbangelo ŵa kuchanya, chingana ndi Mwana iyo, kweni Ada pe ŵija.

Marko 13:32

“Kweni vya zuŵa liya pamwenga ora lo palive yumoza waziŵa, chingana mbangelo kuchanya, chingana ndi Mwana yo, kweni Ada pe.

Machitidu gha Ŵakutumika 1:7

Kweni wanguŵanene, “Kuti nkhwaku imwe cha kuziŵa zinyengo pamwenga virimika vyo Dada wateme mu mtufu waku yija.

Machitidu gha Ŵakutumika 15:18

watiti Mbuya, mweniyo wachita vyenivi, kuti viziŵikwe kutuwa ku mtendeku.’

Machitidu gha Ŵakutumika 17:26

ndipo wangwata ku ndopa zimoza mtundu wose wa ŵanthu kwachija pa chisku chose cha charu, wati wateme nyengo zakulangulika, ndi mphaka za ujazi wawo;

Machitidu gha Ŵakutumika 17:31

chifukwa watema zuŵa, mwaku lo wakhasa kweruzgiya charu mu urunji mu munthu yo wamumika; wati wapaska chimbondu kwaku wose pakumyuska ku ŵakufwa.”

1 ŴaTesalonika 5:2

Chifukwa mwaŵeni muziŵiya limu kuti nge ndi munkhungu ndi usiku viyo lizenge zuŵa lo, la Ambuya.

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

Chivumbuzi 14:6

Ndinguwona mungelo munyake wakuwuluka mude mukati, wakuŵa ndi evangeli wamuyaya kwachitauliya ŵakuja pa charu chapasi, ndi ku mtundu wose ndi fuku ndi karongororedu ndi khamu:

Chivumbuzi 21:23

Ndipo msumba wo ulivi kukavuka dazi, chingana ndi mwezi, kuti viuŵaliye: chifukwa unkhankhu waku Chiuta nkhungweruka kwake, ndipo Mwana-mberere yo ndi limbuni lake.

Chivumbuzi 21:25

Ndipo malikomo ghake kuti ghakajarikanga cha ndi msana (chifukwa kulivi usiku kweniko).

Chivumbuzi 21:3

Ndinguvwa mazu ghakuru kutuliya ku chitengu-chaufumu cho, ghakuti, “Awonani, hema lo laku Chiutale mukati mu ŵanthu, ndipo wagoŵiyenge mukati mwawo, ndipo iwo ŵaŵenge makamu ghake, ndipo Chiuta iyo waŵenge pamoza nawo, Chiuta wawo.

Chivumbuzi 22:5

Ndipo usiku kuti ukaŵangapo so cha; ndipo ŵalivi kukavuka ukweru wa limbuni, chingana ngwa dazi; pakuti Mbuya Chiuta waŵaŵaliyenge; ndipo ŵausenge muyaya ndi muyaya.