Zekariya 14:4 - Tonga Bible 1986

⁴ Mu zuŵa lo marundi ghake ghamenge pa Phiri la Maolivi, lo le panthazi pa Yerusalemu ku atuli gha dazi, ndipo Phiri la Maolivi ligaŵikenge paŵi, kutuwa ku vuma mpaka ku zambwe ndi dambo lisani ukongwa; viyo chigaŵa cha phiri chinderenge ku nkhonde, ndi chinyake ku mwera.

Zekariya 14:4 ပူးပေါင်းရင်းမြစ်များ

2 Samuele 15:30

Kweni Davidi wangukwera mu phiri la ma Olive, uku waliya masozi wachenda, wambura skapato ku marundi wangufuka mutu wake; ndipo ŵanthu wose wo ŵanguŵa nayo pamoza ŵangufuka mitu yawo, ŵaliyanga uku ŵakwera.

Ezekiele 11:23

Unkhankhu wa Ambuya unguruta kutuwa mukati mu msumba, unguma pachanya pa phiri lo le kuchiri kuvuma kwa msumba.

Ezekiele 38:20

somba za mu nyanja, tuyuni twa mude, nyama za mudondo, ndi vyakukwaŵa vyose, ndi ŵanthu wose woŵe pa chisku cha charu chapasi, ŵakambwambwanthiyanga pa maso pangu, mapiri ghakapong'ekanga pasi, vinkhwawu vikawanga, ndipo viliŵa vyose vikabwangandukiyanga pasi.

Ezekiele 43:2

Ndipo wonani, unkhankhu waku Chiuta wa ŵaYisraele unguza kutuliya ku vuma; ndipo kavwikidu kakuza kwake kanguŵa nge nkhuwuruma kwa maji ghanandi; charu chingungweruskika ndi unkhankhu wake.

Habakuku 3:6

Wanguma ndi kupima charu chose chapasi; wangulereska, ndi wangusukung'a mitundu ya ŵanthu; viyo mapiri ghamwaka ghanguparghanika, mapiri ghachijaliye ghangubwanthuka. Nthowa zake zenga nge ndi kale.

Zekariya 14:10

Charu chose chiŵenge chidika kutuwa ku Geba kwachifika ku Rimoni ku mwera kwa Yerusalemu. Kweni Yerusalemu wajenge wakutumphuka pa malo ghake, kutuwa ku Likomo laku Benjamini kwachifika ku malo gha likomo la kale, ku Likomo laku chi Ngodya ndi kutuwa ku Msumba waku Hamanele kwachifika ku vyakupondiyamo mphereska vya karonga.

Zekariya 14:7

Ndipo kuŵenge zuŵa lambura kumara (kuziŵika ndi Ambuya), msana cha pamwenga usiku, chifukwa ndi mazulo so kuŵenge kungweruka.

Zekariya 14:8

Mu zuŵa lo maji gha umoyo ghendenge kutuwa ku Yerusalemu, chigaŵa chimoza kulazga ku nyanja yaku vuma; ndi chigaŵa chinyake kulazga ku nyanja yaku zambwe; ghendenge nyengo ya chihanya ndi chifuku.

Zekariya 4:7

Ndiwe yani, iwe phiri likuru? Panthazi paku Zerubabele usandukenge chidika; wazenge nawo mwa wapachanya mu kudanirizga, ‘Chimangu, chimangu kwaku wo!’ ”

Marko 11:23

Ndikuneneskiyani kuti yose yo wanganene phiri ili. ‘Uzulike, ndi upong'eke mu nyanja,’ asani kuti wakangang'a mu mtima wake cha, kweni wavwana kuti cho warongoro chingachitika; ndi chikamuŵiyanga.