Zekariya 13:3 - Tonga Bible 1986

³ Ndipo asani munthu yumoza wawonekenge so nge ndi mchimi awiske ndi anyina wo ŵakumupapa ŵatenere kumenene kuti, ‘Uŵenge wa moyo cha, chifukwa ukamba utesi pa zina la Ambuya,’ ndipo awiske ndi anyina wo ŵakumupapa ŵamugwazi asani wachima.

Zekariya 13:3 ပူးပေါင်းရင်းမြစ်များ

Yeremiya 23:25

Ndavwa vyo ŵakamba ŵamchimi wo ŵachima mautesi mu zina langu, ŵatiti, ‘Ndalota, ndalota!’

Yeremiya 23:34

Ndipo asani mchimi, mzukuru yumoza wa ŵanthu, watiti, ‘Mphingu ya Ambuya,’ ine ndikamulanganga munthu yo ndi ŵamu nyumba yake.

Yeremiya 28:15

Ndipo Yeremiya wanguti kwaku Hananiya, “Ayivwa, Hananiya, Ambuya alivi kututuma, ndipo ŵanthu yaŵa ŵagomekezga mu utesi wako.

Ezekiele 13:23

mu chifukwa ichi, kuti mukawonanga so viwona vyawaka nanga nkhuchita mawula cha; ndikataskanga ŵanthu mu janja linu. Penipo ndipo mukaziŵanga kuti ine ndine Ambuya.”

Ezekiele 14:9

Ndipo asani mchimi wanyengeka, ndi wakamba kanthu, ine, Ambuya, ndine ndapusika mchimi yuwa, ndipo nkhanyoroskiyanga janja langu paku iyo, nkhamuparghang'anga mukati mu ŵanthu ŵangu ŵaYisraele.

Ezekiele 43:7

wakuti, “Mwana wa munthu, yagha ndigho malo gha chitengo changu ndi gha chitambaliro cha marundi ghangu, mwenimo nkhajanga mukati mu ŵaYisraele muyaya. Ndipo ŵaYisraele kuti ŵakafipiskanga so zina langu lituŵa cha, iwo, nanga ndi mafumu ghawo, chifukwa cha maubendezi ghawo, ndipo ndi viŵanda vya ŵakaronga ŵawo,

Mateyu 10:37

Yo ngwakwanja wiske pamwenga nyina kwakuruska ine kuti ngwakwenere ine cha; ndipo yo ngwakwanja mwana munthurumi pamwenga mwana munthukazi kwakuruska ine, kuti ngwakwenere ine cha.

Luka 14:26

“Asani yumoza watuza kwaku ine, ndi kuti watinkha cha wiske waku yija, ndi nyina, ndi muwoli, ndi ŵana, ndi ŵabali, ndi ŵazichi, ndi so umoyo waku yija nawo, kuti wangaziŵa cha kuŵa msambizi wangu.

2 ŴaKorinte 5:16

Viyo na, ifwe kutuwa ku sono kuti tiziŵa yumoza uli nkhu liŵavu cha: chingana napo tamziŵa Kristu uli nkhu liŵavu, ndikweni sono kuti timziŵa viyo so cha.

Marangu 18:20

Kweni mchimi mweniyo wakabwetuwanga mazu mu zina langu ghenigho ine ndilivi kumutuma kuti wakambe, pamwenga mweniyo wakambiyenge mu zina la ŵachiuta ŵamwenga, mchime mweniyo wakafwanga.’

Marangu 33:9

mweniyo wangukamba gha awiske ndi anyina, ‘Ndituŵagomezga cha.’ Wangukwamphuwa vya ŵana ŵanyake ndi wanguŵaruwa ŵana ŵake, pakuti iwo ŵanguphwere mazu ghinu, ndi ŵangusunga phanganu linu.