Zekariya 12:7 - Tonga Bible 1986

⁷ “Ambuya apaskenge danga upundi ku mahema ghaku Yuda, mwakuti unkhankhu wa nyumba yaku Davidi ndi unkhankhu waku wo ŵaja mu Yerusalemu ureke kurumbika kuruska waku Yuda.

Zekariya 12:7 ပူးပေါင်းရင်းမြစ်များ

Jobu 19:5

Asani imwe mujikuzgenge kumikana nane, ndi kupanikizga soni zangu,

Sumu 35:26

Ŵachiti soni ndipo wose pamoza ŵatimbanizgike, wo ŵakondwa pa soka langu! Ŵavware soni ndi chilengesku wo ŵatijikuzga pakumikana nane!

Sumu 38:16

Ndiromba kuti, “Chondi ŵareke kukondwere paku ine, wo ŵatijikuzga asani rundi langu lateremuka.”

Sumu 55:12

Yo watindinyoza kuti ndi murwani cha, asani kwenga viyo mphanyi ndakunthiyapo; kuti ngwakupindikana cha yo watindisunjizga, asani kwenga viyomphanyi ndingubisama kwaku iyo.

Yesaya 23:9

Ambuya ŵa maŵanja ndiwo akuchighanaghana ichi, ku fipiska kujikuzga kwa unkhankhu wose, kuyeya ŵakutumbikika ŵa charu chapasi.

Yeremiya 30:18

“Ambuya atiti, Ehe, ndikawezgiyanga umampha ku mahema ghaku Yakobe, ndikaŵanga ndi chitima ndi malo ghake ghakujamo; msumba ukazengekanga so pa mapopa ghake, ndipo nyumba ya ufumu yikamanga penipo yenga kali.

Amosi 9:11

“Mu zuŵa lo ndamuyuska msasa waku Davidi wo ukuwa ndi kulongoso madangazi ghake; ndi kuyuska vyakubwanganduka vyake, kuwuzenga so nge ndi mu mazuŵa ghakali;

Zekariya 11:11

Viyo lingusweka mu zuŵa leniliya ndipo ŵakugula mberere, wo ŵalereskanga ine ŵanguziŵa kuti ghenga mazu gha Ambuya.

Zekariya 4:6

Viyo wangunena nane, “Yagha ndi mazu gha Ambuya kwaku Zerubabele; ndi nkhondo cha, pamwenga ndi nthazi cha, kweni ndi Mzimu wangu, atiti Ambuya ŵa maŵanja.

Luka 10:21

Mu ora leniliya Yesu wangukondwere mu Mzimu Wakupaturika, ndipo wanguti, “Ndikurumbani, Ada, Mbuya wa kuchanya ndi panupasi, kuti mungubisa vyenivi ku ŵazeru ndi ŵakawamo ndi munguvivumbuliya ku malitema: inya, Ada, pakuti viyo kunguŵa kwakukondweska paurongo pinu.

ŴaRoma 3:27

Viyo na, kwe pani kutumbwa? Kukanizgikiya limu. Ndi langulu lakutinji? La zinchitu kumbi? Awa; kweni ndi langulu la chivwanu.

Yakobe 2:5

Vwani, mwa ŵabali ŵangu ŵakwanjiwa, asi Chiuta wajisankhiya ŵakavu mu charu kuŵa ŵasambasi mu chivwanu, ndi ŵakuhara ufumu weniwo wangupangana ku ŵakumwanja?

Yakobe 4:6

Kweni wapaska wezi ukuruku: viyo ŵatiti, “Chiuta wamikirana ndi wakujana, kweni wapaska wezi ku ŵakujiyuyuwa.”