Zekariya 12:3 - Tonga Bible 1986

³ Mu zuŵa lo ndichitenge Yerusalemu kuŵa mwa uzitu ku ŵanthu wose; wo ŵaunyamuwenge ŵakajitekenyuwanga; ndipo mitundu yose ya charu chapasi yiwunganenge kumikana ndi Yerusalemu.

Zekariya 12:3 ပူးပေါင်းရင်းမြစ်များ

Yesaya 60:12

Pakuti mtundu ndi ufumu wo urekenge kumutataliyani ukamaranga; mitundu yaviyo yikachitikanga mapopa kumariya limu.

Obadiya 1:18

Nyumba yaku Yakobe yiŵenge moto, ndi nyumba yaku Yosefe mlipu; ndipo yaku Esau yiŵenge viputu; ŵakaviwochanga ndi kuvimara, ndipo paulengevi ŵakujapo ŵamu nyumba yaku Esau; chifukwa Ambuya akamba.

Mika 5:15

Ndipo ndi ukari ndi kandundu ndiwezgiyenge nduzga pa mitundu yo yengavi kuvwiya.

Mika 5:8

Ŵakujako ŵaku Yakobe ŵakawanga mukati mu mitundu, mukati mu ŵanthu ŵanandi, nge ndi nkharamu mukati mu mskambu wa nyama za mu dondo, nge ndi nkharamu yamupupuka mukati mu mskambu wa mberere, yeniyo pa yiporotamo, yikanda pasi ndi yiparuwa tumanatumana, ndipo palivi yo waziŵa kutaska.

Habakuku 2:17

Nkhaza zo zinguchitikiya Lebanoni zibwanganduwenge iwe so, kupasuka kwa vinyama kukofyenge, chifukwa cha ndopa za ŵanthu ndi nkhaza panu pasi, ku misumba ndi wose ŵakujamo.

Zefaniya 3:19

Pa nyengo yo ndimarizgenge wose wo ŵatikusuzga. Nditaskenge ŵakuganthiya, ndi kuwunjika ŵakudikiskika, ndipo nding'anamuwenge soni zawo kuŵa marumbu ndi mbiri mu charu chose chapasi.

Hagayi 2:22

ndi kubwanganduwa chitengu cha mafumu, nde pafupi kubwanganduwa nthazi za gha mitundu, ndi kubwanganduwa magareta ndi ŵakukwerapo ŵawo; ndi ŵakavalo ndi ŵakukwerapo ŵawo ŵawenge pasi, yose wakawanga pa lipanga la mwanasi wake.

Zekariya 12:11

Mu zuŵa lo muŵenge chitenje chikuru mu Yerusalemu nge nchitenje cha Hadadirimoni mu dambo la Megido.

Zekariya 12:4

Mu zuwa lo atiti Ambuya, ndikosonge kavalo yose kwakuziziswa, ndi wakukwera yo ndi kufuntha. Kweni ndikaphwerenga nyumba yaku Yuda, mu zuŵa lo ndichikoso kavalo yose wa ŵanthu ndi uchiburumutiya.

Zekariya 12:6

Mu zuŵa lo ndichitenge mafuku ghaku Yuda kuŵa nge nchiŵiya chamoto mukati mu nkhuni, nge ndi chenje mukati mu nchinda; uwochenge ŵanthu wose kwakuzunguriya ku marghe ndiku maze, pa nyengo yo Yerusalemu wakaŵanga weche ndi ŵakujamo mu malo ghake, mu Yerusalemu.

Zekariya 13:1

“Mu zuŵa lo chisima chijurikiyenge nyumba yaku Davidi ndi ŵakuja mu Yerusalemu, kuŵatoweska ku ulakwi ndi utimbanizi.

Zekariya 14:13

Ndipo mu zuŵa lo chopu chikuru chakuturiya ku Ambuya chiŵaŵiyenge, viyo we yose wakakonga janja la munyake, ndipo janja la yumoza litumphukenge kulimbana ndi janja la munyake,

Zekariya 14:6

Mu zuŵa lo mphepo ndi kuzizira viŵengeko cha.

Mateyu 21:44

Ndipo yo wangawapo pa mwa wenuwu watikinyikenge: kweni pakumweniyo umuwiyenge, umuthibuskenge.”]

Luka 20:18

“Yose wakuwa pa mwa wuwa watikinyikenge; kweni paku mweniyo ungawiya, umuthibuskenge.”

Chivumbuzi 16:14

Pakuti mbazimu ŵa ŵademone ŵakuchita minthondwi; wo ŵatenda mu ŵakaronga ŵa charu chose panupasi, kuŵaungang'iya ku nkhondo yo ya zuŵa likuru laku Chiuta Wanthazizose.