Zekariya 12:2 - Tonga Bible 1986

² “Ehe, ndikhumba kuchita Yerusalemu kuŵa nkhombo yakutenthemeska ŵanthu wose kwakuzunguliya; kumuŵiyenge ndi Yuda so asani Yerusalemu wajarizgikenge.

Zekariya 12:2 ပူးပေါင်းရင်းမြစ်များ

Sumu 75:8

Chifukwa mu janja la Ambuya mwe chandi; chakuzaza ndi vinyo mufya, wanthazi ukongwa; akampunguwanga, ndipo yose ŵaheni ŵakamwangapo; ŵakamwanga yose mpaka kanthoni ka kumariya.

Yesaya 51:17

Jiyuske, jiyuske, ima, Yerusalemu we, iwe, wamwiya pa janja la Ambuya nkhombo ya ukari wawo, iwe wamwa ndi visika vyake mu chandi chakuzendazendeska.

Yeremiya 25:15

Viyo Ambuya, Chiuta waku Yisraele, wanguti kwaku ine: “Ronde kutuwa mu janja langu chandi ichi cha vinyo wa ukari, ndipo umweske mitundu yose yeniyo ndikakutumangako.

Yeremiya 25:17

Viyo ndinguto chandi mu janja la Ambuya, ndipo ndingumweska mitundu yose yo Ambuya angunditumako.

Yeremiya 49:12

Pakuti viyo atiti Ambuya: “Asani wo ŵengavi kwenere kumwa nkhondo ndiwo ŵatumwa, kumbi iwe ukarutanga wambura kulangika? Kuti ukarutanga wambura kulangika cha, kweni utenere kumwa.

Yeremiya 51:57

Ndikaloŵereskanga mafumu ghake, ndi ŵazeru ŵake, ŵamirizi ŵake, ŵakulamula ŵake, ndi ŵankhondo ŵake; ŵakagonanga tulo twambura kumara, watiti Karonga, yo zina lake ndi Chiuta wa maŵanja.

Yeremiya 51:7

Babiloni wenga chandi cha golide mu janja la Ambuya, wakuloŵereska charu chose chapasi; mitundu yingumwa vinyo wake, chifukwa cho mitundu yingufuntha.

Yeremiya 8:14

Chifukwa chine tija chisisi? Unjikanani pamoza tirutenge, kwachisere mu mizi ya malinga, tikafwiye mwenimo, pakuti Ambuya Chiuta widu ŵatiteme kufwa, ndipo ŵatipaska maji gha nduru kuti timwe, chifukwa talakwiya Ambuya.

Habakuku 2:16

Wamukoreka ndi suzgu kwakuruska thumbiku. Mwanga nawi ndi yenda kwakuzendazenda! Chandi mu janja lamarghe la Ambuya chikazanga kwako, ndipo soni ziŵenge pa thumbiku la wo.

Zekariya 14:14

chingana ndi Yuda nayo warwanenge ndi Yerusalemu. Ndipo usambasi wa mitundu yose uwunjikikenge, golide, siliva, ndi vivwalo, vinandi.

Zekariya 14:2

Chifukwa ndiwunjikenge mitundu yose ya ŵanthu kurwana ndi Yerusalemu, ndipo msumba urondekenge ndi nyumba ziskoŵekenge, ndi ŵanthukazi ŵachichizgikenge; chigaŵa charwande cha msumba chiyorekenge kuruta ku uŵanda, kweni ŵanthu ŵakujako kuti ŵabayikenge cha mu msumba.

Chivumbuzi 14:10

viyo nayo wakamwangapo vinyo wa ufyu waku Chiuta, yo wapungulikiya wambura kusukuruka mu nkhombo ya kandundu kake; ndipo wakavwanga urwirwi mu moto ndi fukunyira pa maso pa ŵangelo ŵakupaturika, ndi pa maso gha Mwana-mberere yo.

Chivumbuzi 16:19

Ndipo msumba wo ukuru ungugaukana patatu, ndi misumba ya ŵamitundu yinguwa pasi: ndipo Babiloni mukuru yo wangukumbukika paurongo paku Chiuta, kumpaska chandi cha vinyo wa ukari wa kandundu kake.

Chivumbuzi 18:6

Muwerezgiyenipo uli ndipo iyo wangupaskiya imwe, ndipo muwerezgiyenge iyo kaŵi vyakaŵi kwakulingana ndi nchitu zake: mu chandi mwenimo wangusazga, msazgiyeni kwakaŵi.