Zekariya 11:7 - Tonga Bible 1986

⁷ Viyo ndinguŵa mliska wa mskambu wo wamubayikiya wo ŵagulananga mberere. Ndipo ndingujitore ndodo ziŵi; yimoza ndinguyidana Wezi, yinyake Kurungana. Ndipo ndaliskanga mberere.

Zekariya 11:7 ပူးပေါင်းရင်းမြစ်များ

Sumu 23:4

Nanga nditenda mu phata mu munkhorwe wanyifawa; kuti ndopenge uheni cha; chifukwa imwe mwe pamoza nane; nthonga yinu ndi ndodo yinu vitindisangaruska.

Sumu 27:4

Chinthu chimoza ndafumba ku Ambuya, chenicho ndicho ndikapenjanga; kuti ndijaririye mu nyumba ya Ambuya mazuŵa ghose gha umoyo wangu, kudaŵira kunozga kwa Ambuya, ndi kupenjeska mu nyumba yawo yakupaturika.

Sumu 90:17

Ambuya Chiuta widu, vitumbiku vinu viŵe paku ifwe, ndipo mutisakatiske mwaku vyose vyo tichita! Inya, mwaku vyose mutisakatiske!

Yesaya 11:4

kweni mu urunji wakeruzganga ŵasauchi, ndi kudumuwa ndi mwenera ŵakuzika ŵacharu chapasi; ndi nthonga ya mlomo wake ndipo ndimvuchi wa milomo yake wakabayanga ŵaheni.

Yesaya 40:11

Wakaliskanga muskambu wake nge ndi mliska, wakuwunjikanga twana mberere mu manja ghake wakutunyamuwanga pa chifukwa chake, ndipo wenguwengu wakarongozganga zo zendi ŵana.

Yesaya 61:1

Mzimu wa Ambuya Chiuta wa paku ine, chifukwa Ambuya andipaka ine kutole makani ghamampha mu ŵakuyuzgika; andituma kwachimanga ŵakusweka mtima, kumemeza chifwatuwa ku ŵamagoŵa, ndi kujurika kwa nyumba ya magoŵa kwaku wo ŵakumangika;

Yeremiya 39:10

Nebuzaradani, nduna ya ŵalonda, wangusiyamu mu charu chaku Yuda, ŵanthu ŵanyake ŵakusauka ŵeniwo ŵengavi kuŵa ndi kanthu, ndipo wanguŵapaska minda ya mphereska ndi minda pa nyengo yeniyo pe.

ŴaLevi 27:32

Ndipo cha chichumi chose cha miskambu ndi viŵetu, nyama yose yachichumi yo yiwezgeka ndi ndodo ya mliska, yikaŵanga yakupaturida ku Ambuya.

Mika 7:14

Liskani ŵanthu ŵinu ndi ndodo yinu, mskambu winu wo mwasankha wo uja mu lisuwa mukati mu charu cha minda; muwuleke ukarghenge mu Bashani ndi mu Gileada nge ndi mu mazuŵa gha kali.

Zefaniya 3:12

Chifukwa ndisiyenge mukati mwako ŵanthu ŵakuzika ndi ŵakujiyuyuwa. Ŵakapenjanga chiphokwelu mu Ambuya.

Zekariya 11:14

Viyo ndingufyo ndodo yangu ya chiŵi Kurungana, (uku ndiku kuti ndinguswa) weni-ndiweni pakati paku Yuda ndi Yisraele.

Zekariya 11:4

Viyo atiti Ambuya Chiuta wangu: “Uŵi mliska wa mskambu wo wamubayika.

Mateyu 11:5

ŵachiburumutiya ŵalereska, ŵakuganthiya ŵatenda, ŵamakhate ŵatozgeka, ŵamgota ŵatuvwa, ŵakufwa ŵayuskika, ndipo ŵakavu ŵataulikiya makani ghakunozga.

Marko 12:37

Davidi iyo watimzumbuwa Ambuya; na ndi mwana wake uli?” Ndipo mzinda ukuru wo wamuvwanga kwakusangaruka.

Yohane 10:16

Ndipo nde nazo mberere zinyake, zo kuti ze za likutu lenili cha; zenizo nazo ine ndizitonge ndipo zivwenge liu langu. Viyo ziŵenge mskambu umoza, mliska yumoza.

Yakobe 2:5

Vwani, mwa ŵabali ŵangu ŵakwanjiwa, asi Chiuta wajisankhiya ŵakavu mu charu kuŵa ŵasambasi mu chivwanu, ndi ŵakuhara ufumu weniwo wangupangana ku ŵakumwanja?

1 Samuele 17:40

Sono wanguto nthonga yake, ndipo wangusankha mya yinkhonde yankhurungu mu msinji, ndi kuyiŵika muthumba lake la uliska pamwenga mu chibeta; ndipo chakupong'e chenga mu janja lake, wanguza kufupi kwaku Goliati.

1 Samuele 17:43

MuFilisti uyu wanguti kwaku Davidi, “Kumbi ndi garu ine, kuti utindiziya ndi zinthonga?” Goliati wangutemba Davidi ndi ŵachiuta ŵake.