Zekariya 11:1 - Tonga Bible 1986

¹ Jura makhomo ghako iwe Lebanoni, kuti moto woche milanji yako!

Zekariya 11:1 ပူးပေါင်းရင်းမြစ်များ

Yeremiya 22:23

Iwe wakuja mu Lebanoni, wakuja mu zimphako za milanji, ukatamanthanga po ukavwanga maurwirwi, kuŵaŵa nge nkhwa munthukazi wachipapa.”

Ezekiele 31:3

Ehe, ndikulinganizgenge ndi sidaramu Lebanoni, ndi mphanda zamampha ndi mduzi wa mulisuwa, wa msinkhu utali, kusongo kwake kwe mukati mu mitambo.

Habakuku 2:17

Nkhaza zo zinguchitikiya Lebanoni zibwanganduwenge iwe so, kupasuka kwa vinyama kukofyenge, chifukwa cha ndopa za ŵanthu ndi nkhaza panu pasi, ku misumba ndi wose ŵakujamo.

Habakuku 2:8

Chifukwa iwe waskowa mitundu yinandi, ŵanthu wose wo ŵakujako ŵakuskoŵenge. Chifukwa chandopa za ŵanthu ndi nkhaza mu charu, ndi mu misumba ndi wose ŵakujamo.

Hagayi 1:8

Kwerani mu mapiri mukatimu miti ndi muzachizenga nyumba, mwakuti ndikondwe nayo, ndi kuti ndiwoneke mu unkhankhu wangu, atiti Ambuya.

Zekariya 10:10

Ndizenge nawo ku muzi kutuwa ku charu cha Egipiti ndi kuŵawunjika kutuwa ku Asiriya, ndizenge nawo mu charu cha Gileada ndi Lebanoni, mpaka malo ghaŵaŵiye ghamana.

Zekariya 11:2

Bongo, iwe mkankhazga chifukwa milanji yawa pasi, chifukwa miti yakutowa yanangika! Bongoni matundu ghaku Bashani, chifukwa lisuwa ladumuka pasi.

Zekariya 12:6

Mu zuŵa lo ndichitenge mafuku ghaku Yuda kuŵa nge nchiŵiya chamoto mukati mu nkhuni, nge ndi chenje mukati mu nchinda; uwochenge ŵanthu wose kwakuzunguriya ku marghe ndiku maze, pa nyengo yo Yerusalemu wakaŵanga weche ndi ŵakujamo mu malo ghake, mu Yerusalemu.

Marangu 32:22

Pakuti moto wakozgeka ndi ukari wangu ndipo unyeka kufika pa ndimba ya muunda, ubwanganduwa charu chapasi ndi vya uzali wake, ndipo utocha viwanga vya mapiri.