Zekariya 10:8 - Tonga Bible 1986

⁸ “Ndiŵambiyenge khweru, ndi kuŵawunjika, chifukwa ndaŵawombo; ŵakaŵanga ŵanandi nge ndimo ŵanguŵiya kali.

Zekariya 10:8 ပူးပေါင်းရင်းမြစ်များ

1 ŴaKaronga 4:20

Yuda ndi Yisraele unandi wawo wenga nge ndi mchenga wakulikumba la nyanja, ŵarghanga ndi kumwa ndipo ŵenga ŵakukondwa.

Chituwa 1:7

Kweni ŵana ŵaku Yisraele ŵangupapana ndi ŵangwandana ukongwa. Ŵangwandana ndi ŵangukuwa ndi nthazi kwakuruska, viyo charu chinguzazika ndi iwo.

Yesaya 44:22

Ndapeya mautimbanizi ghako uli ndi mtambo, ndi uheni wako uli ndi munkhorwe; were kwaku ine, pakuti ndakuwombo.

Yesaya 48:20

Tuwanimo mu Babiloni, thaŵaniko ku Kaldiya, taulani ichi ndi kubongo kwa likondwa, uchimemeze, ichitume chirute ku chigoti cha charu chapasi; unene, “Ambuya apozomoska muŵanda wawo Yakobe!”

Yesaya 5:26

Akayuskanga chiziŵisku ku khamu la kutali ukongwa, akalimbiyanga kayuzi kutuwa ku umari wa charu chapasi; ndipo ehe, mwa ruŵiruŵi, kwambura kuswera likazanga!

Yesaya 51:11

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; likondwa la muyaya likaŵanga pa mitu yawo; ŵakalondenga likondwa ndi chimwemwe, chitima ndi mitamanthu vikathaŵiyanga kutali.

Yesaya 7:18

Mu zuŵa liya Ambuya akambiyanga kayuzi nyeze yo ye pa funda la tumisinji twa mu Egipiti, ndi akambiyanga njuchi yo yemu charu cha Asiriya.

Yesaya 7:19

Ndipo zose zikazanga ndi kuja mu malijengwajengwa ghakuti nyo, ndi mazenje gha mu majarawe, vivwati vyose vya minga, ndi mu vipozwa vya uliska.

Yeremiya 33:22

Nge ndimo liŵanja la kuchanya kuti lingaŵerengeka cha, ndi muchenga wapa likumba kuti ungapimika cha, viyo ndimu ndikandaniskiyanga mphapu yaku Davidi mteŵeti wangu, ndi ŵazukuru ŵaLevi ŵeniwo ŵatinditataliya.”

Hoseya 1:10

Ndipuuli unandi wa ŵaYisraele uŵenge nge ndi mchenga wamu nyanja weniwo kuti ungapimika chingana nkhuŵerengeka cha; ndipo mu malo mwenimo mungukambikiya kwaku iwo, kuti, “Ndimwe ŵanthu ŵangu cha,” mwenimo so ndimo kukakambikiyanga kwaku iwo kuti, “Ŵana ŵaku Chiuta wamoyo.”

Mika 2:12

Nkhamuwunjikaninga mose, A! Yakobe, nkhawunjikanga ŵakujako ŵaYisraele; ndiŵaŵikenge pamoza nge ndi mberere mu khola, nge ndimberere mu uliska wake, mpingu wa ŵanthu ŵa chiwawa.

Zekariya 9:11

Kweni iwe nawe, chifukwa cha ndopa za phanganu langu ndi iwe, ndituzgenge wamagoŵa wako mu mbuna yambura maji.

Mateyu 11:28

Zani kwaku ine, mose mwaŵakudinirwa ndi mwaŵakuzitiskika, ndipo ine ndikupumuzganinge;

Chivumbuzi 22:17

Mzimu ndi Mwali wa nthengwa ŵatiti, “Zanga!” Ndipo mweniyo watuvwa wanene, “Zanga!” Ndipo mweniyo ngwanyota waze: yo ngwakukhumba waronde kwawezi maji gha umoyo.

Chivumbuzi 7:9

Pavuli paku ivi ndingulereska, ndipo, onani, mzinda ukuru, weniwo pengavi munthu wanguziŵa kuŵerenga ŵakutuwa, mu mtundu we wose, ndi mu mafuku, ndi makamu, ndi marongoroledu, ŵamanga paurongo pa chitengu chaufumu cho, ndi paurongo pa Mwana-mberere yo, ŵakuvwara makhanju ghatuŵa, ndi ŵakukoreze ŵakanchindu mu manja ghawo,