Zekariya 10:2 - Tonga Bible 1986

² Pakuti ŵangoza ŵakamba vyawaka, ndi ŵamawula ŵawona utesi; ndi ŵakulota ŵakamba maloto gha utesi, ndi kusangaruska ŵaka. Chifukwa ichi ŵanthu ŵayinga-yinga ŵaka nge ndi mberere; ŵasuzgika chifukwa ŵalivi muliska.

Zekariya 10:2 ပူးပေါင်းရင်းမြစ်များ

Chiyambo 31:19

Labani wanguruta kwachisenga mberere zake, ndipo Rakelo wanguba ŵachiuta ŵamu nyumba ya awiske.

1 ŴaKaronga 22:17

Mikaya wanguti, “Ndinguwona ŵaYisraele wose ŵajaka balali mu mapiri, nge ndi mberere zambura muliska; ndipo Ambuya anguti, ‘Aŵa ŵalivi mbuyawo; we yose wawere ku nyumba yake mu chimangu.’ ”

Jobu 13:4

Imwe ndimwe mwakumbutiska mautesi, mwe ŵasing'anga ŵaŵakaŵaka mose.

Jobu 21:34

Viyo mungandisangaruska uli ndi vyaŵaka? Mukwamuka kwinu kulivi kujako kanthu kweni utesi pe.”

Yesaya 41:29

Ehe, wose mbatesi; nchitu zawo zawaka ŵangoza ŵawo ŵakwenguwa ndi mphepo yiyumu.

Yesaya 44:25

Yo wasuska vyakuloska vya ŵatesi, ŵakombezi wati ŵasanduska ŵabeleŵeza; mweniyo wawezge vuli ŵanthu ŵazeru, ndipo zeru yawo yisanduka kupusa;

Yesaya 44:9

Wose wo ŵachita ŵangoza ŵe kanthu cha, ndipo vinthu vyo ŵakondweremo vitanduwa kanthu cha; ŵakaboni ŵawo kuti ŵawona nanga nkhuziŵa cha, kuti ŵangalengeskeka.

Yesaya 46:5

“Nkhwaku yani ko mulinganizgenge ine ndi kundiyaniska, ndi kundesa, kuti tiŵi ŵakuyana?

Yeremiya 10:8

Mbakupusa ndi ŵazereza, kusambizga kwa ŵangoza nchimuti pe!

Yeremiya 14:13

Sono ndinguti, “Na, Ambuya Chiuta, ehe, ŵamchimi ŵatiti kwaku wo, ‘Kuti mukawonanga lipanga cha, chingana nkhuti mukaŵanga ndi chilala cha, kweni ndikakupaskaninga chimangu chakuneneska mu malo ghenighano.’ ”

Yeremiya 14:22

Kumbi walipo mukati mu ŵachiuta ŵatesi ŵa ŵamitundu yo wangaziŵa kupereka vuwa? Pamwenga kumbi machanya ghangaziŵa kupaska manthonera? Ndimwe pe munyake cha, Ambuya Chiuta widu? Ifwe tiŵika chigomezgu chidu mwaku imwe, chifukwa ndimwe muchita vyose ive.

Yeremiya 23:17

Ŵakamba kwakukiyakiya kwaku wo ŵanyoza mazu gha Ambuya, ŵatiti, ‘Kukaŵanga umampha kwaku imwe,’ ndi kwaku yose wakuchita vyamu mtima wake, watiti, ‘Palivi uheni wo ukakuziyanga.’ ”

Yeremiya 23:32

Inya, ndimikana ndi wo ŵachima maloto ghatesi, atiti Ambuya, ndi ŵeniwo ŵati ŵanene ndi kuŵarongozge ŵanthu ŵangu kwaŵaka ndi mautesi ghawo ndi mphwayi zawo, penipo ine kuti ndinguŵatuma, chingana nkhuŵalanguliya cha; viyo kuti ŵatiŵanduliya ndi keni kamoza ŵanthu yaŵa cha, atiti Ambuya.

Yeremiya 27:10

Mautesi gheniwo ŵachima kwaku, kuti ndikudikiskeningimo, ndipo mukafwanga.

Yeremiya 27:14

“Rekani kutegherezga ku mazu gha ŵamchimi wo ŵatiti, ‘Kuti mukatataliyanga karonga wa Babiloni cha,’ pakuti mbutesi wo ŵatimuchimiyani.

Yeremiya 27:9

Viyo rekani kutegherezga ku nchimi zinu, ŵavyanusi ŵinu, ŵakulota ŵinu, wakombeza ŵinu, pamwenga ŵakuwukwa ŵinu, ŵeniwo ŵatimuneniyani, ‘Kuti mukateŵetiyanga karonga wa Babiloni cha.’

Yeremiya 28:15

Ndipo Yeremiya wanguti kwaku Hananiya, “Ayivwa, Hananiya, Ambuya alivi kututuma, ndipo ŵanthu yaŵa ŵagomekezga mu utesi wako.

Yeremiya 29:8

Pakuti atiti viyo Ambuya ŵa maŵanja, Chiuta waku Yisraele: Mungaŵazomerezanga nga cha ŵamchimi ndi ŵakombeza ŵinu wo ŵe mukati mwinu kukupusikani imwe; ndipo mungategherezganga ku maloto gho ŵalota cha,

Yeremiya 37:19

Kumbi ŵepani ŵamchimi ŵako wo ŵanguchima kwaku iwe, kuti, ‘Karonga waku Babiloni kuti wakazanga cha kumikana nawe ndi kumikana ndi charu ichi?’

Yeremiya 50:17

“Yisraele ndi mberere yakupenjeka yo yadikiskika ndi zinkharamu, Pakudanga karonga wa Asiriya wangumuparuwa, ndipo sono pa umari Nebukadanezara karonga wa Babiloni waphwanya viwanga vyake.

Yeremiya 51:23

ndi iwe ndituswa tumanatumana muliska ndi viŵetu vyake; ndi iwe ndituswa tumanatumana mlimi ndi wanchitu wake; ndi iwe ndituswa tumanatumana ŵamirizi ŵa charu ndi ŵakulamula.

Yeremiya 6:14

Ŵachizga bala la ŵanthu ŵangu kamanavi keni, ŵatiti, ‘Chimangu chimangu’, penipo kulivi chimangu.

Yeremiya 8:11

Ŵachizga bala la ŵanthu ŵangu kamanavi keni, ŵatiti, ‘Chimangu, chimangu,’ penipo chimangu palivi.

Chitenje 2:14

Ŵamachimi ŵako ŵakuwone iwe vyakuwona vyakupusika ndi vitesi; ŵalivi kuvumbuwa uheni wako, alinga kuti ŵawezge umampha wako, kweni ŵakuwone iwe vyakuwona vyakupusika ndi vyakukurandizga.

Ezekiele 21:21

Pakuti karonga waku Babiloni wama pa mphatukano za nthowa, pa mutu wa nthowa ziŵi, kuti wawombeze; wasukuniska mivwi, wafumba ŵangoza, walereska pa mphafwa.

Ezekiele 21:29

Penipo ŵawone iwe viwona vya utesi, po ŵatikuwombeze mawula gha utesi kuŵikika pa makhosi gha ŵakufipiskika ŵaheni, wo zuŵa lawo lafika, nyengo yakulangika kwawo kwakumariya.

Ezekiele 34:5

Reka ŵanguparghang'ika, chifukwa mliska kwengavi; sono ŵanguŵa chakurgha chavikoko vya mudondo.

Ezekiele 34:8

Mo ndiliri wamoyo, atiti Ambuya Chiuta, chifukwa chakuti mberere zangu zaŵa chakuliwa, ndipo mberere zangu zaŵa chakurgha cha vikoko vyose vya mudondo, pakuti mliska kwengavi; ndipo so pakuti ŵaliska ŵangu kuti ŵanguzirondo cha mberere, kweni ŵaliska ŵangujiliska iwo ŵeneko, kuti ŵanguliska mberere cha;

Hoseya 3:4

Chifukwa ŵana ŵaku Yisraele ŵakajanga mazuŵa ghanandi kwambura karonga pamwenga fumu, kwambura sembe pamwenga mzati, kwambura mphenduzga pamwenga ŵakaboni.

Mika 2:12

Nkhamuwunjikaninga mose, A! Yakobe, nkhawunjikanga ŵakujako ŵaYisraele; ndiŵaŵikenge pamoza nge ndi mberere mu khola, nge ndimberere mu uliska wake, mpingu wa ŵanthu ŵa chiwawa.

Habakuku 2:18

Kumbi chikozgo chakusema chitanduwa chine pa wachichita wakusema, chikozgo chakusongono, musambizgi wa mautesi? Chifukwa wakupanga wagomekezga mwaku cho wachipanga, penipo wapanga ŵangoza ŵambuwu!

Zekariya 11:17

Owe, mliska wangu wambura kwenere, yo wajowo mskambu wake! Lipanga liteme pa janja lake ndi pa jiso lake la marghe! Janja lake limire gwangwata ndi jiso lake la marghe litoroke limu!”

Maŵerengedu 27:17

mweniyo wakaŵadanjiriyanga ŵachiruta ndi wachisere; mwakuti mpingu wa Ambuya ureke kuŵa nge ndi mberere Zambura mliska.”

Mateyu 9:36

Kweni pakuwona mizinda yo, wanguyifwiya lisungu, pakuti yenga yakusuzgika ndi yakuparghanika, nge ndi mberere zambura mliska.

Marko 6:34

Ndipo wachituwa Yesu wanguwona mzinda ukuru, mwakuti wanguŵafwiya lisungu, pakuti ŵenga uli ndi mberere zakuwura mliska: Ndipo wangwamba kuŵasambizga vinandi.

Marangu 13:2

Ndipo chizindikilo pamwenga chakuziziswa cho watumumukambiyani chituwaku, ndipo asani watiti, ‘Tiyeni tirondo ŵachiuta ŵanyake wo’, kuti mwaŵaziŵa kali cha, ndipo watiti, ‘Tiyeni tiŵateŵete,’

Ŵeruzgi 18:14

Sono ŵanthu ŵa ŵankhonde ŵanguruta kwachiskola charu cha Laishi ŵanguti ku ŵabali ŵawo, “Kumbi muziŵa kuti mu nyumba izi mwe chakuvwara cha pa chifuŵa, twangoza, chikozgu chakusema ndi ngoza wakusongono? Viyo ghanaghanani cho mukachitanga.”