Zekariya 1:8 - Tonga Bible 1986

⁸ “Ndinguwona ndi usiku, munthu wakwera pa kavalo muyera! Wanguma mukati mu miti yakubiliŵira mu mphata; ndipo kuvuli kwake kwenga ŵakavalo ŵayera, ŵamaŵanga, ndi ŵatuŵa.

Zekariya 1:8 ပူးပေါင်းရင်းမြစ်များ

Chiyambo 20:3

Kweni Chiuta wanguza kwaku Abimeleke mu tulo ndi usiku, ndi wanguti kwaku iyo, “Awona, we munthu wakufwa chifukwa cha munthukazi mweniyo wato, chifukwa ndi muwoli wa munthurumi munyake.”

Chiyambo 46:2

Ndipo Chiuta wangukamba ndi Yisraele mu vyakuwona vya usiku ndi wanguti, “Yakobe, Yakobe,” ndipo iyo wanguti, “Ndine nde pano.”

1 ŴaKaronga 3:5

Pa Gibeoni Ambuya angumuwoneke Solomoni mu loto ndi usiku: ndipo Chiuta wanguti, “Upemphe chenicho ndikupaskenge?”

Nehemiya 8:15

ndipo kuti ŵataulenge ndi kumemeza mu mizi yawo ndi mu Yerusalemu, kuti, “Rutani ku mitunthu ndi mukazi ndi mphanda za olive, olive wamu dondo, ndi za miti ya maluŵa, ndi kanchindu, ndi miti yinyake ya mani kuzachichita misasa uli ndimo kukulembeke.”

Jobu 4:13

Mukati mu maghanoghano gha viwona vya usiku penipo tulu tituŵako ŵanthu,

Sumu ya Zisumu 2:16

Nkhwanjiwa wangu ngwaku ine, ndipo ine nde wake, waliska muskambo wake mukati mu maluŵa ghakuŵala.

Sumu ya Zisumu 6:2

Wakwanjiwa wangu wasikiya ku munda wake, ku migandu ya vyakununkhira, kuliska muskambu wake mu minda, ndi kuwunjika maluŵa ghakuŵala.

Yesaya 41:19

Ndikaŵikangamo mu bozwa miti ya masidara, akashia, ndi miritili ndi olive; ndikaŵikangamo mu bozwa mu lombwa, mkuyu, ndi nyaphini pamoza;

Yesaya 55:13

Mu malo mwa minga mukamenga ming'ona; mu malo mwa kankhande mukatuwanga mulombwa; ndipo chikaŵanga chikumbusku ku Ambuya, chiziŵisku cha muyaya cho kuti chikadumulikanga cha.”

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Danyele 2:19

Viyo chamuchindindi ichi chinguvumbulika kwaku Danyele mu chakuwona cha usiku. Viyo Danyele wanguthamika Chiuta wakuchanya.

Danyele 7:13

Ndinguwona mu chiwona cha usiku, ndipo ehe, yumoza wakukozgana ndi mwana wa munthu, wanguza ndi mabingu ghakuchanya, ndi wanguza ku mura wa mwaka, ndi wangurongoleka paurongo pake.

Danyele 7:2

Danyele wanguti, “Ndinguwona mu chiwona changu ndi usiku, ndipo ehe, mphepo zinayi za kuchanya zinguyuska nyanja yikuru.

Zekariya 1:10

Ndipo munthu yo wanguma mukati mu miti yakubiliŵira wangwamuka, wanguti ‘Yaŵa ndi ŵeniwo Ambuya aŵatuma kwendayenda mu charu chapasi.’

Zekariya 1:11

Ndipo iwo ŵangumwamuka mungelo wa Ambuya yo wanguma mukati mu miti yakubiliŵira kuti, ‘Tenda uku ndi uku mu charu chapasi, nadi charu chose nchakufwasa.’

Zekariya 1:7

Pa zuŵa la machumi ghaŵi ndi ghanayi (24) la mwezi wa chumi ndi umoza, wo ndi mwezi wa Sebata mu chirimika cha chiŵi chaku Dariusi, mazu gha Ambuya ghanguza kwaku Zekariya mwana waku Berekiya, mwana waku Ido, mchimi; ndipo Zekariya wanguti,

Zekariya 13:7

“Yuka, lipanga, pa mliska wangu, pa munthu yo watuma pafupi ndi ine,” atiti Ambuya ŵa maŵanja. “Koso mliska, kuti mberere zimbininike; ndiwezgiyenge janja langu pa zimana-zimana.

Maŵerengedu 12:6

Ambuya anguti, “Tegherezgani mazu ghangu: Asani mwe mchimi mukati mwinu, ine Ambuya nditumuziŵiska kuti ndiripo mu chiwona, ndirongoro nayo mu loto.

Yoswa 5:13

Penipo Yoswa wenga pafupi pa Yeriko, wangusoska maso ghake wangulereska, wanguwona, munthu wanguma paurongo pake, ndi lipanga lakuwewepuwa mu janja lake; ndipo Yoswa wanguruta kwaku iyo wangunena nayo, “Kumbi iwe wendi ifwe, pamwenga weku ŵakupindikana ŵidu?”

Chivumbuzi 2:1

“Ku mungelo wa mpingu wamu Efeso lembapo: ‘Vyenivi watiti yo ngwakukoreze mu janja lake lamarghe nyenyezi zo nkhonde ndi ziŵi, yo watenda mukati mu vikoleru-nyali vyo vinkhonde ndi viŵi vya golide.

Chivumbuzi 6:2

Ndipo ndingulereska, awonani, kavalo mtuŵa, ndi wakugarapo pake wenga ndi uta; yingupaskika kwaku iyo ndumbu; ndipo wangutuliya kupunda kuti wapundenge.

Chivumbuzi 6:4

Ndipo wangutuwa kavalo munyake muchesamu: ndipo kwaku yo wangugarapo pake kungupaskika kutuzgapo chimangu pa charu, alinga kuti ŵanthu ŵabayanenge; ndipo kwaku iyo kungupaskika lipanga likuru.