Zekariya 1:17 - Tonga Bible 1986

¹⁷ Danirizga so, uti, Viyo atiti Ambuya ŵa maŵanja, Mizi yangu yiŵenge ndi usakati, ndipo Ambuya asangaruskenge so Zioni ndi kutondo so Yerusalemu.’ ”

Zekariya 1:17 ပူးပေါင်းရင်းမြစ်များ

2 Mikoka 6:6

Kweni ndasankha Yerusalemu kuti zina langu liŵemo, ndipo ndasankha Davidi kuti wause ŵanthu ŵangu ŵa Yisraele.’

Nehemiya 11:20

Ndipo ŵaYisraele wose, ndi ŵazukuru ndi ŵaLevi, ŵenga mu mizi, yose ya ŵaYuda, we yose pa chihara chake.

Nehemiya 11:3

Yaŵa ndiwo ŵaraŵara ŵa vigaŵa ŵeniwo ŵajanga mu Yerusalemu; kweni mu mizi yaku Yuda munthu we yose wajanga pa malo mweneko, mu mizi yawo: Yisraele, ŵazukuru, ŵaLevi, ŵateŵeti ŵa kasopi, ndi ŵamphapu ya ŵateŵeti ŵaku Solomoni.

Sumu 69:35

Chifukwa Chiuta wakataskanga Zioni, ndi kuzenga so misumba yaku Yuda; ŵanthu ŵake ŵakajanga mwenimo ndi kuhara charu;

Yesaya 14:1

Ambuya akaŵanga ndi chitima paku Yakobe ndipo akasankhanga so Yisraele, akaŵaŵikanga mu charu chawo ndi chawo, ŵalendo ŵakajisazganga kwaku wo, ŵakajibatikanga ku nyumba yaku Yakobe.

Yesaya 44:26

mweniyo wakhozga mazu gha ŵateŵeti ŵake, ndipo wafiska fundu za mathenga ghake, mweniyo watiti gha paku Yerusalemu, ‘Wakajangamo ŵanthu,’ ndi gha mizi yaku Yuda, ‘Yikazengekanga; ndipo ndikasoskanga so malo ghawo gha mapopa’;

Yesaya 49:13

Mbiyani likondwa, mwa machanya mwe, tumbwanga wa charu chapasi; kamburani, mwa mapiri mwe ndi mumba! Pakuti Ambuya asangaruska ŵanthu ŵawo, ndipo akaŵanga ndi chitima pa ŵakusuzgika ŵawo.

Yesaya 51:12

“Ine, ndine ndisangaruska iwe; ndiwe yani iwe po utopa munthu mweniyo watufwa, mwana wa munthu yo wakulengeka uli mbuteka,

Yesaya 51:3

Pakuti Ambuya akasangaruskanga Zioni; akasangaruskanga malo ghawo ghose gha uyiku, ndipo akasanduskanga mabozwa ghake, kuŵa nge ndi Edeni, lisuwa lake ulaka ndi munda wa Ambuya; likondwa ndi chimwemwe vikasanirikanga mwake, kuŵaonga ndi mazu gha sumu.

Yesaya 52:9

Tuliyani pamoza ndi kumba, mwa malo gha uyiku gha Yerusalemu; pakuti Ambuya asangaruska ŵanthu ŵawo, ŵawombo Yerusalemu.

Yesaya 54:8

Mu ukari wakurutiliya kwa kanyengo ndingubisa chisku changu kwako, kweni ndi chanju cha muyaya ndikaŵanga ndi chitima paku iwe, atiti Ambuya, Muwombozi wako.

Yesaya 66:13

Uli ndiyuwa anyina ŵasangaruska, viyo ndimu ndikakusangaruskiyanga; ukasangaruskikanga mu Yerusalemu.

Yeremiya 31:13

Sono ŵamwali ŵakakondwanga pa kuvina, ŵanyamata ndi makhongwe ŵakasangarukanga. Ndikasanduskanga chitenje kuŵa likondwa lawo. Ndikaŵasangaruskanga, ndipo ndiŵapaskenge kukondwa mu malo gha chitima.

Yeremiya 33:13

Mu misumba ya mu charu cha mitunthu, mu misumba ya Shefela, ndi mu misumba ya ku Negebe, mu charu chaku Benjamini, mu malo ghaku Yerusalemu, ndi mu misumba yaku Yuda, miskambu yikaŵerengekanga so ndi manja gha ŵakuyiŵerenga, atiti Ambuya.

Yeremiya 33:9

Ndipo msumba uwu ukaŵanga kwaku ine zina la chimwemwe rumbu ndi unkhankhu paurongo pa mitundu yose ya charu chapasi yeniyo yikavwanga vya umampha wose weniwo ndikaŵachitiyanga iwo; ŵakawopanga ndi kunjenjeme chifukwa cha umampha wose ndi kusakata kose kweniko ndituwupaska.

Ezekiele 36:33

“Viyo atiti Ambuya Chiuta: Pa zuŵa lo ndikakuphotoninga, ku maukazuzi ghinu ghose, ndimujarikeninge mu misumba ndipo malo gha mapopa ghakazengekanga so.

Amosi 9:14

Ndituzgengepo umagoŵa wa ŵanthu ŵaYisraele, ndipo ŵazamuzenga so mizi yakupasuka ndi ŵazamujamu; ŵazamulima minda ya mphereska ndi kumwa vinyo wawo, ŵakalimanga minda ndi kurgha vipasi vyawo.

Obadiya 1:20

Ndipo ŵamikoli wo ŵemu Hala ŵamu mzinda wa ŵanthu ŵaku Yisraele, ŵakarondanga Filistia mpaka ku Zarefata; ndipo ŵamikoli ŵaku Yerusalemu, wo ŵemu Safarada, ŵakarondanga misumba yaku Negebe.

Zekariya 1:14

Mungelo wa Ambuya yo wakambanga nane wanguti kwangu, ‘Danirizga uti, Viyo atiti Ambuya ŵa maŵanja: Nde ndi sanje yikuru ndi Yerusalemu ndiso ndi Zioni.

Zekariya 1:18

Ndipo ndinguyunuska maso ghangu ndipo ndinguwona masengwe ghanayi!

Zekariya 2:12

Ndipo Ambuya asankhenge Yuda nge ndi phande lawo mu charu chakupaturika cho, ndipo asankhenge so Yerusalemu.”

Zekariya 2:4

ndipo wanguti kwaku iyo, “Chimbiya, unene munyamata yuwa, kuti, ‘Yerusalemu wakaŵanga ndi ŵanthu ŵakujamo nge ndi mizi yambura malinga, chifukwa cha unandi wa ŵanthu ndi ng'ombe mwenimo.

Zekariya 3:2

Ndipo Ambuya anguti kwaku Satana, “Ambuya akuchenye iwe Satana! Ambuya wo asankha Yerusalemu akuchenye! Kumbi ndatinge ichi nchisindi chakubulika ku moto?”

ŴaEfeso 1:4

uli ndimo wangutisankhiya limu mwaku iyo, chenga chindajarikike charu, kuti tiŵenge ŵakupaturika ndi ŵambura kalema paurongo pake.