Yona 2:2 - Tonga Bible 1986

² wanguti, “Ndinguriya ku Ambuya, pa chifukwa cha suzgu yangu, ndipo iwo angudivwa; mukati mu nthombo ya chisomba ndinguriya, ndipo munguvwa nkhuta yangu.

Yona 2:2 ပူးပေါင်းရင်းမြစ်များ

2 Mikoka 33:12

Ndipo pakuŵa mu suzgu wanguŵeyere Ambuya Chiuta wake, ndi kujiyuyuwa ukongwa pa maso paku Chiuta wa ambuyake.

Sumu 116:3

Yingudizinga mikoŵa ya nyifwa, maurwirwi gha muunda ghangundikwetere; ndinguzazika mantha ndi chitima.

Sumu 120:1

Po ndenga mu suzgu ndingudana ku Ambuya, kuti andimuke;

Sumu 16:10

Chifukwa imwe mulivi kundipereka ku muunda, pamwenga kuzomerezga mtuŵa winu kuti wawone zenje.

Sumu 22:24

Chifukwa kuti wanguyeya chingana nkhutinkha cha suzgu ya wakusuzgika; nanga nkhumubisiya chisku chake, kweni wanguvwa, po wanguliriya kwaku iyo.

Sumu 34:6

Musauchi uyu wangubongo, ndipo Ambuya angumuvwa, angumtaska mu visuzgu vyake vyose.

Sumu 4:1

Mundamuke ndichidana, A Chiuta imwe mwe urunji wangu! Imwe mungundipaska malo po ndenga musuzgu. Ndichitiyeni wezi, ndipo vwani rombu langu.

Sumu 61:2

kutuliya ku chigoti cha panu pasi ndidana kwaku imwe, penipo mtima wangu wavuka. Ndirongozgeni ine, ku jarawi lo nditali kwakuruska ine;

Sumu 65:2

chifukwa mutamuka marombo. Ŵanthu wose ŵakazanga kwaku imwe

Sumu 86:13

Pakuti chanju chinu nchikuru pakuine; mwanditaska kutuwa pasi pa muunda.

Yesaya 14:9

Muunda kusi uyaghayika kukumana nawe uchiza, uyuska miduzi kukutauzga, wose wo ŵenga ŵarongozgi ŵa charu chapasi, uyuska ku vitengo vyawo wose wo ŵenga ŵakaronga ŵa mitundu.

Chitenje 3:55

“Ndingudana pa zina linu, Ambuya, nde pasi mu zenji;

Ezekiele 26:20

penipo ndipo ndikakukosoliyanga pasi pamoza ndi wo ŵasikiya ku zenje, ku ŵanthu ŵa mwaka, ndipo ndikakujarikanga mu charu chapasi ukongwa, mukati mumalo ghakupasuka kale, pamoza ndi wo ŵasikiya ku zenje, mwakuti ureke kuŵa so chakujamo cha ŵanthu pamwenga kuŵa ndi malo mu charu cha ŵamoyo.

Ezekiele 31:14

Chose ichi chaŵapo mwakuti miti yose ya pafupi ndi maji yireke kukuwa ukongwa viyo, pamwenga kujarika songo zake mu mitambo, ndi kuti miti yose yo yitumwa maji yireke kujikwezga kwakuruska mwaku iyo yeneko; pakuti yose yikuperekeka ku nyifwa, kusi kwa charu chapasi mukati mu ŵanthu ŵakufwa, pamoza ndiwo ŵasikiya ku Zenje.

Mateyu 12:40

Chifukwa uli ndimo Yona wanguŵiya mumoyu mwa chisomba cho mazuŵa ghatatu ndi mausiku ghatatu; viyo so ndimu Mwana wa munthu waŵiyenge mukati mu charu mazuŵa ghatatu ndi mausiku ghatatu.

Luka 11:10

Chifukwa yose wakupempha waronde; ndi wakupenja wabowozga; ndi ku wakugong'oska kumujurikiyenge.

Luka 22:44

Ndipo pakuŵa mu mphirimbu warombanga kwakufwiririyapo: ndipo dukutira lake linguŵa nge ndi manthone gha ndopa ghakujirimiya pasi.]

Machitidu gha Ŵakutumika 2:27

Chifukwa kuti mwamjowo mzimu wangu mu Hadesi cha, chingana nkhuti mwampaska Wakupaturika winu kuwona chivuzi cha.

ŴaHebere 5:7

Mweniyo mu mazuŵa ghake ghaliŵavu, wanguti wapereke, ndi Mubobotu wanthazi ndi masozi, maniniziku, maŵeyerero, kwaku yo wenga ndi nthazi kumtaska kunyifwa, ndipo wanguvwika pa chifwa cha uwopa Chiuta wake.

1 Samuele 1:16

Rekani kundipimiya ndamuŵanda-munthukazi winu nge ndi munthukazi muheni, chifukwa mu unandi wa marunguruku ghangu ndi kumphweneskeka kwa mtima ndirongoro mpaka kunu ku sono.”

1 Samuele 30:6

Davidi wanguŵa ndi chitima ukongwa pakuti ŵanthu wo ŵakambanga kuti amupong'e ndi mya, chifukwa khamu lose lingupwetekeka mtima, munthu yose pakughanaghana ndi ŵana ŵake ŵanthurumi ndi ŵanthukazi. Kweni Davidi wangujikhwimiska mu Ambuya Chiuta wake.