Yohane 9:34 - Tonga Bible 1986

³⁴ Wangumwamuka, “Iwe ungupapika mu vilakwa kosekose, ndipo kumbi usambizga ifwe?” Ndipo ŵangumdikiya kubwaro.

Yohane 9:34 ပူးပေါင်းရင်းမြစ်များ

Chiyambo 19:9

Kweni iwo ŵanguti, “Tuwako!” Ndipo ŵanguti, “Uyu munthu wanguza wakuyingayinga, ndipo watijisanduska mweruzgi! Sono tikusauskenge ukongwa kwakuruske iwo.” Sono ŵangumututuzga ukongwa Lote ndipo ŵangundere pafupi kuti ŵaswe chisasa.

2 Mikoka 25:16

Kweni weche kukamba, karonga wanguti kwaku iyo, “Kumbi takumika kuŵa mpangi-fundu wa karonga? Chetama! Vinu ungabayika?” Viyo mchimi wanguchetama, kweni wanguti, “Ndaziŵa kuti Chiuta wadumuwa kukubaya chifukwa wachita ichi ndipo kuti wavwiya fundu yangu cha.”

Jobu 14:4

Ndiyani wangato chinthu chakutowa mukati mu chinthu chakufipa? Palivi nanga njumoza.

Jobu 25:4

Munthu wangaziŵa uli kuŵa murunji pa maso paku Chiuta? Wangaziŵa uli yo ngwakupapika ndi munthukazi kuŵa wakuphotoka?

Sumu 51:5

Ehe, mu kubende ndingulengeka, ndipo mu kwananga wangundizuwukiya ama.

Chituwa 2:14

Iyo wangwamuka, “Njani wangukumika iwe kuŵa nduna ndi kweruzga ifwe? Kumbi ukhumba kundibaya uli ndimo ungubayiya muEgipiti yuwa?” Sono Mosese wangopa ndi wangughanaghana, “Kwakuneneska chinthu chiya chaziŵikwa.”

Nthanthi 22:10

Dikiska wakunyoza, ndipo ndeu yikatuwangapo, ndipo kuhohotana ndi kutukana vikamalanga.

Nthanthi 26:12

Kumbi utimuwona munthu yo ngwa zeru mu maso gha mweneko? Gomezgu lilipo likuruku kumubereŵeza kwakuruska kwaku iyo.

Nthanthi 29:1

Mweniyo wasuskika kaŵikaŵi kweni wangangamika mbwenu khosi lake wakaswekanga kwamabuchibuchi wambura machizgika.

Yesaya 65:5

ŵeniwo ŵatiti, “Ujiwone wamweni, reka kuza kufupi kwangu, pakuti ndi kuŵikika pakundija kwaku iwe.” Yaŵa ndi usi mu mphunu zangu, moto wo unyeka zuŵa lose.

Yesaya 66:5

Vwani mazu gha Ambuya, imwe mutenthema pa mazu ghawo: “Ŵabali ŵinu wo ŵatikutinkhani ndipo ŵatikudikiskani chifukwa cha zina langu ŵakuti, ‘Ambuya akankhuskike, kuti tiwone chimwemwe chinu,’ kweni ndiwo wo ŵakalengeskekanga.

Luka 11:45

Ndipo yumoza wa ŵachilangulu wakwamuka wamunene, “Muwomba, pakukamba vyenivi, muchenya ifwe nafwe.”

Luka 14:11

Pakuti yose wakujikuzga wayuyulikenge; ndipo yo ngwakujiuyuwa wakuzgikenge.”

Luka 18:17

Ndikuneneskiyani, yose yo warekenge kuronde ufumu waku Chiuta nge nkhana, kuti wangasere mwaku wo cha.”

Luka 6:22

“Mwe ŵamwaŵi, penipo ŵanthu ŵatinkhenge imwe, ndi penipo ŵakupatuweninge, ndi ŵatozenge ndi ŵatayenge zina linu nge ndiheni, pa chifwa cha Mwana wa munthu.

Yohane 6:37

Yose yo atindipaska Ada wazenge kwaku ine; ndipo yo watuza kwaku ine kuti nkhamdikanga cha.

Yohane 8:41

Imwe muchita nchitu za auskemwe.” Wangumwamuka, “Ifwe kuti tapapika mu ureŵi cha, te nayo uskefwe yumoza, ndiyo Chiuta.”

Yohane 9:2

Ndipo ŵasambizi ŵake ŵangumfumba, ŵakuti, “Msambizgi, wangulakwa njani, mwenuyu pamwe ŵapapi ŵake, kuti wanguwa wachiburumutiya?”

Yohane 9:22

Wapapi ŵake ŵakambanga ivi pakuti wopanga ŵaYuda: chifukwa ŵangupangana kali ŵaYuda, kuti asani yumoza wangamzomerezga kuŵa Kristu, wasezgekenge mu sinagoge.

Yohane 9:35

Yesu wanguvwa kuti ŵamudikiya kubwaro; ndipo wati wambowozga wanguti, “Kumbi uvwana iwe mu Mwana waku Chiuta?”

Yohane 9:40

Wamu ŵaFarisi wo ŵanguŵanayo pamoza ŵati ŵavwa yagha ŵangumufumba, “Kumbi ifwe nafwe te ŵachiburumutiya?”

1 ŴaKorinte 5:13

Wakubwaro ndi Chiuta yo waweruzgenge? “Msezgeni mtimbanizi yo mukati mwinu.”

ŴaGalatia 2:15

Ifwe te ŵaYuda pa kawi, ndi kuti te ŵalakwi pamoza ndi ŵaMitundu cha,

ŴaEfeso 2:3

mukati mwaku ŵeniwo nafwe so tingujijariya tose mu maulakalaka gha liŵavu lidu, ndi kutataliya makhumbu gha liŵavu ndi maghanaghano, ndipo taŵanga mu kaŵiru ŵana ŵachikaralizga, nge mbakujapo nawo:

1 Petro 5:5

Mwaŵamanako, kwakulingana, therani ku ŵara. Ndipo mose ku ŵanyinu mujichinyiriye ndi kujiyuyuwa mtima, pakuti, “Chiuta wamikana ndi ŵakujana, kweni wapaska wezi ku ŵakujiyuyuwa.”

3 Yohane 1:10

Chifukwa chenichi, asani nthuza, ndichitenge chikumbusku cha milimu yake yo wachitiya pakuti bwebwete ndi mazu ghaheni: ndipo pakukhorwa ndi mazu gho cha, iyo yija wakana kuŵaronde ŵabali ndipo wakanizga ŵeniwo ŵakhumba kuŵaronde, watuŵadika mu mpingo wo.

3 Yohane 1:9

Ndingulemba ku mpingu wo: kweni Diotrefe, yo watanja kuŵa mura mwaku wo, wakanakundivwiya.

Chivumbuzi 13:17

ndi kuti munthu kuti wanguziŵa kugula pamwenga kuguliska cha, kwambura kuti we ndi lisimbu lo, lo ndi zina la chikoku cho pamwenga muŵerengu wa zina lake.