Yohane 9:31 - Tonga Bible 1986

³¹ Tiziŵa kuti Chiuta wareka kuvwa ŵalakwi; kweni asani yumoza ndi muwopa Chiuta, ndi wachita khumbo lake, watumuvwa mweniyo.

Yohane 9:31 ပူးပေါင်းရင်းမြစ်များ

Chiyambo 19:29

Viyo kunguŵa kuti, penipo Chiuta wangubwanganduwa misumba yo yamu dambo, Chiuta wangukumbuka Abrahamu, ndipo wangutuzgamo Lote mukati mwa ŵakuphwanyika wo, penipo wanguphwanya misumba yo wajangamo Lote.

Chiyambo 20:7

Viyo sono muwezge mweneko muwoli wake, chifukwa ndi mchimi, ndipo wakakurombiyanga, ndipo ukajanga wamoyo. Kweni asani urekenge kumuwezge, uziŵe kuti ukafwanga nadi, iwe, ndi wose ŵeniwo mbako.”

Jobu 35:12

Kwenikuwa viriya kweni kuti wativimuka cha, chifukwa chakujikuzga kwa ŵanthu ŵaheni.

Jobu 35:13

Nadi Chiuta kuti watuvwa kuriya kwaŵaka cha, nanga ndi Wanthazizose kuti waphwereko cha.

Jobu 42:8

Sono muchifukwa ichi toni nkhuzi zinkhonde ndi ziŵi, ndi mberere zinthurumi nazo zinkhonde ndi ziŵi, ndi rutani ku mteŵeti wangu Jobu, ndipo kajiperekiyeni sembe yakocha yakumaŵeni, ndipo Jobu mteŵeti wangu wakakurombiyaninga. Nkharondiyanga rombo lake chifukwa kuti ndikhumba kuchita namwe kwakuyana ndi uheni winu cha, pakuti mulive kukamba chinthu chamampha cha paku ine nge ndimo mteŵeti wangu Jobu wachitiya.”

Sumu 106:23

Ndi viyo Chiuta wanguti wakaparghang'anga ŵanthu ŵake; kweni Mosese, mteŵeti wake wakusankhika, wanguma pakati paku Chiuta ndi ŵanthu, kuwezga ukari wake ku kuŵananga.

Sumu 143:10

Ndimwe Chiuta wangu; ndisambizgeni kuchitakhumbo linu. Mzimu winu undichitiye umampha, ndirongozgeni mu nthowa yakunyoroka.

Sumu 145:19

Afiska likhumbira laku wose wo ŵati ŵawopa; atuvwa kuliya kwawo ndi atiŵataska.

Sumu 18:41

Ŵanguliriya chovyo, kweni kwengavi wakutaska, ŵangubongore ku Ambuya, kweni kuti anguŵamuka cha.

Sumu 40:8

Ndikondwere kuchita khumbo linu, A Chiuta wangu; dangu linu le mukati mu mtima wangu.”

Sumu 99:6

Mosese ndi Aroni ŵenga ŵazukuru ŵake, Samuele wenga yumoza wa ŵakumusopa; wangudana ku Ambuya ndipo iwo anguŵamuka:

Nthanthi 15:29

Ambuya ŵe kutali ku wamphulupulu, kweni ŵatuvwa rombu la marunji.

Nthanthi 21:13

Mweniyo wajara gutu lake ku kuliya kwa mukavu nayo wakaliyanga kuwulengevi kumuvwa.

Nthanthi 28:9

Asani munthu watuzgako gutu lake kukuvwa dangu chingana ndi rombu lake ndi kazuzi.

Yesaya 1:15

Muchitambaruwa manja ghinu, ndikabisanga maso ghangu kwinu, inya chingana mungachita marombu ghanandi, kuti nditegherezgenge cha, manja ghinu ghazara ndi ndopa.

Yesaya 58:9

Sono mukadananga, Ambuya akamukanga; mukabongonga, iwo akatinge, Nde pano. “Asani mutuzgengemo mukati mwinu gori lo, kurongo ka munwe, ndi kurongoro uheni cha,

Yeremiya 11:11

Chifukwa cho atiti Ambuya, Ehe, ine nditole uheni paku iwo, weniwo kuti angaziŵa kuwuthaŵa cha; chingana ŵangandiliriya, kuti ndikaŵategherezganga cha.

Yeremiya 14:12

Chingana ŵangafunga, kuti ndikavwanga kuliya kwawo cha, ndipo chingana ŵangapereka mpasku wakocha ndi mpasku wa ufwa, kuti ndivirondiyenge cha; kweni ndikaŵamaranga ndi lipanga, ndi chilala, ndi chideru.”

Yeremiya 15:1

Sono Ambuya anguti, kwaku ine, “Chingana Mosese ndi Samuele ŵanguma paurongo pangu, kweni ndipuuli mtima wangu kuti watinge ung'anamukiyenge ku ŵanthu yaŵa cha. Ŵatuzgeko ku maso ghangu, ŵarutenge!

Ezekiele 8:18

Muchifukwa ichi ndikachitanga mwa ukari; jiso langu kuti likasiyangapo cha, nanga nkhuchita chitima; ndipo nanga ŵaliya mu makutu ghangu ndi kubangura kukuru, kuti ndikaŵavwanga cha.”

Mika 3:4

Viyo ŵakaliyanga ku Ambuya, kweni kuti amukenge cha; akabisanga chisku chawo kwaku iwopa nyengo yiya, chifukwa nchitu zawo ŵazisanduska kuŵa ziheni.

Zekariya 7:13

“Nge ndimo ine ndingukambiya ndipo kuti ŵanguvwa cha, viyo ŵangudanirizga kweni kuti ndinguvwa cha,” atiti Ambuya ŵa maŵanja.

Yohane 11:22

Ndipo chingana ndi sono ndiziŵa kuti, vyo vyose mungampempha Chiuta, Chiuta wakupaskeninge.”

Yohane 15:16

Kuti ndimwe mungusankha ine cha, kweni ndine ndingusankha imwe, ndipo ndingukumikani, kuti mukapase vipasi, ndi kuti vipasi vinu vijaririye; alinga kuti chose cho mungapempha Dada mu zina langu, wakupaskeninge.

Yohane 4:34

Yesu wanguŵanene, “Chakurgha changu nchakuti ndichitenge khumbo la wakundituma yo, ndi kuti ndifiske mlimu wake.

Yohane 7:17

Asani munthu wakhumba kuchita khumbo laku Chiuta waziŵenge chisambizgu cho ndisambizga, vinu nchakutuwa kwaku Chiuta, pamwenga ine ndirongoro vya mu mazaza gha mwaku Ndamweni.

Yohane 9:30

Wangwamuka munthu yo wanguŵanene, “Nadi chinthu ichi nchakuziziswa mbweni, kuti imwe mureka kuziŵa ko watuwa, kweni awonani wabanuwa maso ghangu.

Yohane 9:32

Kutuwa ku mtendeku mu charu kuti kwavwika cha kuti yumoza wangubanuwa maso gha wakupapika wachiburumutiya.

Marangu 1:45

Ndipo munguweko ndikuliya pa maso gha Ambuya, kweni kuti anguvwa mazu ghinu cha, chingana nkhutegherezgako kwaku imwe.

ŴaHebere 10:7

Sono ndinguti, ‘Awona, ndaziya mu chizinga cha buku kwalembeka paku ine kwachichita khumbu linu, Achiuta.’”