Yohane 9:29 - Tonga Bible 1986

²⁹ Tiziŵa ifwe kuti Chiuta wangurongoro kwaku Mosese, kweni ghapa munthu uyu, kuti tiziŵa cha ko watuwa.”

Yohane 9:29 ပူးပေါင်းရင်းမြစ်များ

1 ŴaKaronga 22:27

Mukanene kuti, ‘Viyo ndimu wanene karonga, “Uyu munthu mumuŵike mu nyumba ya magoŵa, ndipo mumurghiske kurgha kumanavi ndi maji ghamanavi, mpaka po ine ndaza mu chimangu.” ’ ”

2 ŴaKaronga 9:11

Penipo Yehu wangutuliya ku ŵateŵeti ŵa mbuyake, iwo ŵanguti kwaku iyo, “Kumbi kwe umampha? Wanguziyanji kwaku iwe wakufuntha uyu?” Iyo wanguti kwaku wo, “Imwe namwe mutumiziŵa munthu uyu ndi kakambidu kake.”

Sumu 103:7

Anguziŵiska nthowa zawo kwaku Mosese, nchitu zawo ku ŵaYisraele.

Sumu 105:26

Ndipo angutuma mteŵeti wawo Mosese, ndi Aroni, wo angusankha.

Sumu 106:16

Mu ugoŵi ŵanguchita sanji ndi Mosese, pamoza ndi Aroni, ŵakupaturika ŵa Ambuya,

Sumu 22:6

Kweni ine nde fusi, munthu mweneko cha; chitozeru ku ŵanthurumi, chakuyeyeka ku ŵanthu.

Malaki 4:4

“Kumbukani dangu laku Mosese mteŵeti wangu, visambizgu ndi vyeruzgu vyo ndingumulanguliya pa Horebe kuti ŵa Yisraele wose ŵavwe.

Maŵerengedu 16:28

Mosese, wanguti, “Paku ichi ndipo mukaziŵiyanga kuti Ambuya andituma ine kuchita milimu iyi kuti ndi khumbu laku ndija cha.

Mateyu 12:24

Kweni ŵati ŵavwa ŵaFarisi ŵanguti, “Uyu kuti watuzga ŵademone ndi kanthu kanyake cha kweni ndi Belzebule, fumu ya ŵademone.”

Mateyu 26:61

wo ŵanguti, “Mwenuyu wanguti, ‘Nde wanthazi kwananga kasopi waku Chiuta, ndi kumuzenga so mu mazuŵa ghatatu.’ ”

Luka 23:2

Ndipo ŵangwanda kumsumuwa, ŵakuti, “Uyu tingumsaniya wakunyongo mtundu widu, ndi wakukanizga kupaska mthulu kwaku Kaisare, ndi wakujinena mwenecho kuŵa Kristu Karonga.”

Yohane 1:17

Pakuti langulu lo lingupaskikiya mwaku Mosese, wezi ndi uneneska vinguziya mwaku Yesu Kristu.

Yohane 7:27

Tiziŵa mwenuyu ko watuwa: kweni po wazenge Kristu palive yumoza waziŵenge ko watuwa.”

Yohane 7:28

Viyo Yesu, wachisambizga mu kasopi wangukambura, “Ine mutindiziŵa, ndipo muziŵa ko ndatuwa; kuti ndaza mukhumbo laku ine ndamweni cha, wakundituma ngwakuneneska, mweniyo imwe kumziŵa.

Yohane 8:14

Yesu wangwamuka, wangŵanene, “Chingana ndijisimikizgiya, ndamweni, chisimisimi changu nchakuneneska; pakuti ndiziŵa ko ndikutuwa, ndi ko nditiya; imwe kuti muziŵa ko ndikutuwa, pamwenga ko nditiya cha.

Yohane 9:16

Viyo ŵanyake ŵamu ŵaFarisi wo ŵanenanga, “Munthu mweniyo kuti ngwakwaku Chiuta cha, pakuti wareka kusunga sabata.” Kweni ŵanyake ŵanguti, “Waziŵa uli munthu mulakwi kuchita visimikizgu vyaviyo?” Ndipo kwenga gaukanu mwaku wo.

Yohane 9:24

Viyo ŵangumdana kachiŵi munthu yo wenga wachiburumutiya, ndipo ŵangunena nayo, “Paska unkhankhu kwaku Chiuta: ifwe tiziŵa kuti munthu yo ndi mlakwi.”

Yohane 9:30

Wangwamuka munthu yo wanguŵanene, “Nadi chinthu ichi nchakuziziswa mbweni, kuti imwe mureka kuziŵa ko watuwa, kweni awonani wabanuwa maso ghangu.

Machitidu gha Ŵakutumika 22:22

Ndipo ŵamuvwanga mpaka pa mazu gho; ndipo ŵangusamphuska mazu, ŵakuti, “Mtuzgepo pa charu waviyo: chifukwa kuti kuyamu cha kuti waje wamoyo!”

Machitidu gha Ŵakutumika 26:22

Viyo ndati ndaronde chovyu chakutuliya kwaku Chiuta, ndamiya mpaka zuŵa lino kwachisimikizgiya mumana ndi mura, wakukamba ka pade cha paku vyenivyo ŵamchimi ndi Mosese ŵangukamba kuti vikazanga,

Machitidu gha Ŵakutumika 7:35

“Mwenuyu Mosese, yo ŵangumkana, ŵakuti, ‘Njani wakumika iwe kuŵa mura ndi mweruzgi?’ Ndiyo Chiuta wangutuma mura ndi so muwombozi ndi janja la mungelo yo wangumuwoneke mu chivwati cho.

Marangu 34:10

Ndipo mulivi kuyukamo mchimi mu ŵaYisraele wakulingana ndi Mosese, mweniyo Ambuya anguziŵa chisku ndi chisku.

ŴaHebere 1:1

Chiuta, yo mwaka wakambiyanga munthowa zinandi ndi zakupambanapambana ndi ŵaseku mu ŵamchimi,

ŴaHebere 1:2

mu mazuŵa yagha ghaumari wakambiyanafwe mu Mwana wake, mweniyo wanguŵika muhara waku vyose, mwaku mweniyo so wangwatiya migonezi.