Yohane 8:54 - Tonga Bible 1986

⁵⁴ Wangwamuka Yesu, “Asani ine nditijikankhuska unkhankhu wangu kuti nkhanthu cha; Ada mbakundikankhuska; wo imwe munena, kuti ndi Chiuta winu;

Yohane 8:54 ပူးပေါင်းရင်းမြစ်များ

Nthanthi 25:27

Kuti nkhwamampha cha kurgha uchi unandi, viyo ulekenge kukamba mazu ghakurumba.

Yesaya 66:5

Vwani mazu gha Ambuya, imwe mutenthema pa mazu ghawo: “Ŵabali ŵinu wo ŵatikutinkhani ndipo ŵatikudikiskani chifukwa cha zina langu ŵakuti, ‘Ambuya akankhuskike, kuti tiwone chimwemwe chinu,’ kweni ndiwo wo ŵakalengeskekanga.

Hoseya 1:9

Ndipo Ambuya anguti, “Umudani zina lakuti ‘Ndimwe ŵanthu ŵangu cha,’ chifukwa kuti mwe ŵanthu ŵangu cha ndipo ine kuti nde Chiuta winu cha.”

Yohane 17:1

Yesu wanguti wamara kurongoro; wangwinuskiya maso ghake kuchanya, ndi wanguti, “Ada, ora lo laza: kankhuskani Mwana winu, alinga kuti Mwana wakankhuske imwe.

Yohane 17:5

Ada! Ndipaskeni unkhankhu mu maso ghinu sono, nge mbunkhankhu wo ndaŵanga nawo kwinu, chenga chindaŵepo charu.

Yohane 2:11

Ichi nchiyambo cha visimikizgu vyo wanguchita Yesu mu Kana wa Galile, wangurongo unkhankhu wake; ndipo ŵasambizi ŵake ŵanguvwana mwaku iyo.

Yohane 5:41

Unkhankhu kuti ndironde ku ŵanthu cha.

Yohane 7:18

Wakurongorore mu mazaza ghaku yija wapenja unkhankhu wapa mtima wake; kweni wakupenja unkhankhu wa wakumtuma, ndiyo mneneska, ndipo utesi mulive mwaku iyo.

Yohane 7:39

Kweni wanenanga yagha pa Mzimu, mweniyo wakuvwaniya mwake watinge warondiyenge, chifukwa mzimu wenga wandapaskike; pakuti Yesu ndiyo wenga wandayukiye ku unkhankhu.

Yohane 8:41

Imwe muchita nchitu za auskemwe.” Wangumwamuka, “Ifwe kuti tapapika mu ureŵi cha, te nayo uskefwe yumoza, ndiyo Chiuta.”

Yohane 8:50

Ine kuti ndipenja unkhankhu wangu cha: walipo wakuwupenja ndi wakweruzga.

Machitidu gha Ŵakutumika 3:13

Chiuta iyo waku Abrahamu, ndi waku Yisaki, ndi waku Yakobe, Chiuta yo wa auskefwe, wamkankhuska Mwana wake Yesu, mweniyo imwe mungukombo ndi mungukana paku Pilato, wachidumuwa yuwa kuti wamfwatuwe.

2 ŴaKorinte 10:18

Chifukwa yo ngwakujirumba yija kuti warumbika cha, kweni munthu yo warumbika ndi Ambuya ndiyo.

1 Petro 1:12

Kwaku ŵenaŵa kunguvumbulikiya, kuti kwaku ŵija cha, kweni kwaku imwe ŵateŵetiyanga vyenivi, vyo sono vyataulikiya imwe ndi ŵeniwo ŵangumkambiyani evangeli mu Mzimu Wakupaturika, yo wangutumika kutuliya kuchanya; mwaku vyenivyo ŵangelo ŵanweka kulingirizgamo.

1 Petro 1:21

mwaŵakuvwaniya mwaku iyo paku Chiuta, yo wangumyuska ku ŵakufwa, ndi wangumpaska unkhankhu; viyo kuti chivwanu chinu ndi chigomekezgu chinu viŵe paku Chiuta.

2 Petro 1:17

Chifukwa kwaku Chiuta Dada wanguronde thamu ndi unkhankhu, penipo kutuliya ku unkhankhu wo wakuzungura ghangumziya mazu ghakuti, “Mwenuyu ndi Mwana wangu wakwanjiwa, mwaku mweniyo ndikondwere ine.”