Yohane 8:41 - Tonga Bible 1986

⁴¹ Imwe muchita nchitu za auskemwe.” Wangumwamuka, “Ifwe kuti tapapika mu ureŵi cha, te nayo uskefwe yumoza, ndiyo Chiuta.”

Yohane 8:41 ပူးပေါင်းရင်းမြစ်များ

Chituwa 4:22

Ndipo iwe wamukamba kwaku Farao, ‘Viyo ndimo anene Ambuya, Yisraele ndi mwana wangu waumwali,

Yesaya 63:16

Pakuti imwe ndimwe Auskefwe, chingana Abrahamu wareka kutiziŵa ifwe, ndipo Yisraele kuti watitipanikizga cha; imwe Ambuya, ndimwe mwe Auskefwe, Muwombozi widu ndilo zina linu kutuliya ku mwaka.

Yesaya 64:8

Kweni Ambuya mwe, imwe Auskefwe; te dongo ifwe, imwe mwe muwumbi widu; ndipo tose te nchitu ya janja linu.

Yeremiya 3:19

“ ‘Ndingughanaghana mo ndingakumikiyani mukati mu ŵana ŵangu, ndi kukupaskani charu chakukondweska, chiŵe chihara chakutowa kwakuruska cha mitundu yose. Ndipo ndingughanaghana kuti mukandidananga, Ada, ndi kuti mukarekanga cha kundilondo.

Yeremiya 31:20

Kumbi Efraimu ndi mwana wangu wakwanjiwa? Kumbi ndi mwana wangu wapa mtima? Pakuti chingana ndingamukaripiya, nditumukumbuka mbwenu. Chifukwa cho mtima wangu uyereyeta nayo; kwakuneneska ndikamuchitiyanga lisungu, atiti Ambuya.

Hoseya 1:2

Po Ambuya angudanga kukamba kwaku Hoseya, anguti, “Ruta ukato munthukazi mureŵi ndi ukaŵi ndi ŵana ŵaureŵi, chifukwa charu chose chichita ureŵi ukuru pakureka kuŵarondo Ambuya.”

Malaki 1:6

“Mwana watumbika wiske, ndipo wanchitu watumbika mbuyake, viyo asani ine nde wiske, chepani chitumbiku chanu? Ndipo asani ndine mbuya wa nchitu, kopeka kwangu kwepani? atiti Ambuya ŵa maŵanja kwaku imwe, mwa ŵazukuru, imwe muyuyuwa zina langu. Mutiti, ‘Tiliyuyuwa uli zina linu?’

Malaki 2:11

Yuda waŵa wambura chigomezgu, ndipo ukazuzi wachitika mu Yisraele ndi Yerusalemu, chifukwa Yuda wananga nyumba yakupaturika ya Ambuya, yo atanja, ndipo wato kuŵa muwoli wake mwana munthukazi waku chiuta mlendo.

Yohane 8:38

Vyo ndawona ine ku Ada ndi vyo ndirongoro; namwe so muchita vyenivyo mwawona ku auskemwe.”

Yohane 8:44

Imwe mwe ŵa uskemwe diabolo yo, ndipo maulakalaka gha uskemwe ndigho mukhumba kuchita. Iyo wenga mubayaŵanthu kutuwa ku mtendeku, ndipo kuti wendi kanthu ndi uneneska cha, pakuti mulive uneneska mwaku iyo. Po warongoro utesi, warongoro vya umoyo wake: pakuti ndi mtesi ndipo ndi uskeu wa ŵatesi.

Marangu 14:1

“Ndimwe ŵana ŵa Ambuya Chiuta winu, mungajitemanga, pamwenga kumeta mupara pa maso pinu chifukwa cha ŵakufwa.

Marangu 32:6

Kumbi mutiŵatayiya thayu viyo Ambuya, mwa ŵanthu ŵakupusa ndi ŵambura chinjeru imwe? Kuti ndiwo auskemwe cha wo angumulengani, wo angumupangani imwe ndi kumujarikani?

1 Yohane 3:12

Ulaka ndi Kaine cha, yo wenga wakutuliya ku mheni yo, ndipo wangubaya mhurwa wake. Ndipo wangumbayiya chifukwa chine? Chifukwa nchitu zake zenga ziheni, ndi za mhurwa wake zirunji.