Yohane 7:37 - Tonga Bible 1986

³⁷ Zuŵa lakumariya, la dghera, lenga zuŵa likuru, wanguma Yesu ndipo wangukambura, wakuti, “Asani munthu we ndi nyota, waze kwaku ine, ndi wamwe.

Yohane 7:37 ပူးပေါင်းရင်းမြစ်များ

Nehemiya 8:18

Ndipo zuŵa ndi zuŵa kwamba pa zuŵa lakudanga mpaka ku zuŵa lakumariya, ŵanguŵerenga mu buku la dangu laku Chiuta, ŵangusunga dghera mazuŵa ghankhonde ndi ghaŵi: ndipo pazuŵa la chinkhonde ndi chitatu penga unganu wakutemeka, kwakulingana ndilangulu.

Sumu 143:6

Manja ghangu ndisoske kwinu; mzimu wangu uparanthukiya imwe nge ncharu chiyumu.

Sumu 42:2

Mzimu wangu uparanthukiya Chiuta, Chiuta wamoyo. Ndizenge zuŵanji ndi kulereska chisku chaku Chiuta?

Sumu 63:1

A Chiuta, ndimwe Chiuta wangu, ndipenja imwe, mzimu wangu uparanthukiya imwe, mtima wangu wose unweka imwe, nge ncharu cha chiparamba chakuvuka chamburamaji.

Nthanthi 1:20

Chinjeru chilongo mu museu, mu misika chisoska mazu ghake;

Nthanthi 8:1

Kumbi kuti zeru yidana cha, kumbi kuwamo kuti kukambura mazu ghake cha?

Nthanthi 8:17

Nditanja ŵeniwo ŵatindanja, wo ŵatindipenja kwarwana ŵatindisaniya.

Nthanthi 8:3

pachiri pa malikomo ku maso kwa msumba, pakuserere pa makhomo ghakuru kuliya kwakubangura:

Nthanthi 9:3

Zatuma ŵamwali ŵake kwa chidanirizga mu malo ghakukwera mu muzi,

Sumu ya Zisumu 5:1

Ndaza ku munda wangu, mzichi wangu, bwezi lanu la nthengwa, ndiwunjika wangu ndi vyakununkhire vyangu, nditurgha chisa changu ndi uchi wangu, nditumwa vinyo wangu ndi mkaka wangu. Rghaninga, mwa ŵabwezi, ndipo mwaninga: mwaninga ukongwa, mwa ŵakwanjiwa imwe!

Yesaya 12:3

Mukaneghanga maji ndi likondwa kutuwa mu visima vya utaski.

Yesaya 40:2

Kambani ghakuzikiska mtima Yerusalemu, ndi mubongoliyeni kuti nkhondo yake yamara, uheni wake wagowokereka, pakuti waronde ku janja la Ambuya mwakuwerezga kaŵi pa uheni wake wose.

Yesaya 40:6

Mazu ghatiti, “Liya!” Ndipo ine ndinguti, “Ndiliyengenje?” Nyama yose mbuteka, ndipo kutowa kwake kose kwe uli ndi luŵa la mu munda.

Yesaya 44:3

Pakuti ndikadiranga maji pa charu cha chiparamba, ndi tumisinji pa charu chiyumu; ndikapunguliyanga Mzimu wangu, pa mphapu zinu, ndi chitumbiku changu pa, wakupakika ŵinu.

Yesaya 55:1

“Imwe, we yose wanyota, wazi ku maji, yose yo walivi ndrama, wazi wagule warghe! Zani, gulani vinyo ndi mukaka kwambura ndrama ndi kwambura mtengo.

Yesaya 55:3

Khazgani gutu linu, zani kwangu; vwani, alinga kuti mzimu winu uŵe wamoyo; ndipo ndikachitanga namwe phanganu la muyaya, chifundu changu, chanju changu nchakukho nadi paku Davidi.

Yesaya 58:1

“Bongoni ukongwa, kurekezga cha, kwezgani mazu ghinu uli ndi mbata; taulani ku ŵanthu ŵangu mautimbanizi ghawo, ku nyumba yaku Yakobe mauheni ghawo.

Yeremiya 16:19

Ambuya mwe, nthazi yangu ndi linga langu lakukho, nchakudingang'amo changu, muzuŵa la suzgu, kwaku imwe mitundu yikazanga kutuwa ku vigoti vya charu ŵazamunena kuti, “Auskefwe kuti ŵaharapo so kanthu kanyake cha kweni mautesi pe, tunthu twambura ndi kanthu mwaku twenito mulivi kakwanduwamo.

Yeremiya 2:2

“Ruta, ukamemeze mu makutu gha Yerusalemu, viyo atiti Ambuya, Ndikumbuka kuti ungunditeŵete penipo wenga muhurwa, chanju chako uli ncha mwali wanthengwa, mwenimo ungundindondoloske mu bozwa, mu charu chambura kumijamo mbeu.

Ezekiele 47:9

Ndipo kweniko kose msinji uruta chamoyo chose chakwenda chikaŵanga ndi umoyo, mukaŵanga somba zinandi ukongwa; maji yagha gharuta mwakuti maji ghamu nyanja ghang'anamuke kuŵa ghamampha; viyo kose ko msinji uwu, uruta vyose vikaŵanga ndi umoyo.

ŴaLevi 23:36

Mu mazuŵa ghankhonde ndi ghaŵi mukaperekanga sembe zapa moto ku Ambuya; pa zuwa la chinkhonde ndi chitatu muchitenge ungano wakupaturika ndi kupereka sembe yapa moto ku Ambuya; mbungano wakusopa; kuti mu kachitanga nchitu cha.

ŴaLevi 23:39

“Pa zuŵa la chumi la mwezi wa chinkhonde ndi chiŵi po mwawunjika pamoza vyakurgha vyamu charu cho, muchitenge dghera la Ambuya mazuŵa ghankhonde ndi ghaŵi. Pa zuŵa laku danga mukapumuwanga mu kusopa, ndi viyo so pa zuŵa la chinkhonde ndi chitatu mukapumuwanga ndi kusopa.

Mika 6:9

Mazu gha Ambuya ghadanirizga ku msumba ndipo ndi vinjeru vyamampha kopa zina linu: “Vwani, mwa fuku ndi mwakuwungana mu msumba!

Zekariya 9:15

Ambuya ŵa maŵanja aŵavikiriyenge; ndipo amarenge ndi kukandirizgiya pasi wo ŵapong'a mya; ndipo ŵamwenge ndopa zawo nge ndi vinyo, ndipo ŵazazikenge nge ndi mbali fwa, ŵangotenge nge ndi ngodya za jochero la sembe.

Maŵerengedu 29:35

“Pa zuŵa la chinkhonde ndi chitatu mukaŵanga ndi unganu wakupaturika mungachitanga nchitu ya mazuŵa ghose cha,

Mateyu 11:28

Zani kwaku ine, mose mwaŵakudinirwa ndi mwaŵakuzitiskika, ndipo ine ndikupumuzganinge;

Mateyu 3:3

Chifukwa mweniyo ndiyo wanguneneka ndi Yesaya mchimi yo, kuti, “Liu la wakubongo mu bozwa, Rongosoni nthowa ya Ambuya, Nyoroskani miseu yake.”

Mateyu 5:6

“Mbakutumbikika ŵakuvwa nja ndi nyota vya urunji: pakuti iwo ŵagutenge.

Yohane 1:23

Wanguti, “Ndine mazu gha wakukambura mu bozwa, ‘Nyoroskani nthowa ya Ambuya, uli ndimo wangunene Yeseya mchimi yo.’ ”

Yohane 14:6

Yesu wamnene, “Ine ndine nthowa, ndi uneneska wo, ndi umoyo wo; kuti yumoza wangaza ku Dada cha, kwambura kuti watuziya mwaku ine.

Yohane 4:10

Wangwamuka Yesu wangumnene, “Asani unguziŵa mpasku waku Chiuta, ndi mweniyo watukunene, ‘Ndipaskeko ndimwe,’ mphanyi iwe ungupempha iyo, ndi mphanyi wangukupaska maji ghamoyo.”

Yohane 4:11

Wamnene munthukazi, “Ambuya, chakuneghe mulive, ndipo chisima nchakuti nyo: na mwe nagho nunkhu maji gho ghamoyo?

Yohane 4:14

kweni mweniyo yose wangwamwapo maji gho ndimpaskenge ine, kuti nyota yikamkonga so cha muyaya: maji gho Ine ndimpaskenge ghaŵenge mwake chisima cha maji ghakubwibwitukiya ku umoyo wamuyaya.”

Yohane 5:40

kweni kuti mukhumba kuza kwaku ine cha, mwakuti muŵe umoyo.

Yohane 6:35

Wanguŵanene Yesu, “Ine ndine Chiŵande cho cha umoyo yo watuza kwaku ine kuti waŵenge wanja cha, ndipo wakuvwana mwaku ine kuti waŵenge so wanyota cha muyaya.

Yohane 6:37

Yose yo atindipaska Ada wazenge kwaku ine; ndipo yo watuza kwaku ine kuti nkhamdikanga cha.

Yohane 6:55

Pakuti nyama yangu nchakurgha cheneko, ndopa zangu nchakumwa cheneko.

Yohane 7:28

Viyo Yesu, wachisambizga mu kasopi wangukambura, “Ine mutindiziŵa, ndipo muziŵa ko ndatuwa; kuti ndaza mukhumbo laku ine ndamweni cha, wakundituma ngwakuneneska, mweniyo imwe kumziŵa.

1 ŴaKorinte 10:21

Kuti muziŵa cha kumwa chandi cha Mbuya ndi chandi cha ŵademone: kuti muziŵa cha kusanganapo gome la Mbuya ndi gome la ŵademone.

1 ŴaKorinte 10:4

ndipo wose ŵangumwa chakumwa cha Mzimu wo. Chifukwa ŵamwanga ku Jarawe lamzimu lakuŵarondo: ndipo Jarawe lo lenga Kristu.

1 ŴaKorinte 11:25

Viyo so nkhombo nayo, pavuli pa koneska, wakuti, “Nkhombo iyi ndi phanganu lifya mu ndopa zangu; chenichi chitani, penipo pose mutumwa, kwachikumbuka ine.”

1 ŴaKorinte 12:13

Chifukwa mu Mzimu yumoza ifwe tose tingubatizikiya ku liŵavu limoza, ŵaYuda pamwenga ŵaGriki, ŵaŵanda pamwenga ŵanangwa; ndipo tose tingumweskeka ku Mzimu yumoza.

ŴaEfeso 5:18

Ndipo mungaloŵenga ndi vinyo cha, mwaku yo mwe utayisi kweni muzazike ndi Mzimu;

Chivumbuzi 21:6

Wangunena nane, “Vyachitika! Ndine Alfa ndi Omega, chandu ndi umari. Ine ndimpaskenge wanyota kwawezi ghamu chisima cha maji gha umoyo.

Chivumbuzi 22:1

Ndipo wangundirongo msinji wa maji gha umoyo, wakulangaliya ulaka ndi galase, langa-langa, wo utuliya ku chitengu-chaufumu chaku Chiuta ndi cha Mwana-mberere,

Chivumbuzi 22:17

Mzimu ndi Mwali wa nthengwa ŵatiti, “Zanga!” Ndipo mweniyo watuvwa wanene, “Zanga!” Ndipo mweniyo ngwanyota waze: yo ngwakukhumba waronde kwawezi maji gha umoyo.